محتارة أوافق على مطلق مرتين لتربية طفلك

عنوان الموضوع : محتارة أوافق على مطلق مرتين لتربية طفلك
مقدم من طرف منتديات الضمير العربي

السلام عليكم ورحمة الله وبركاته
شو رأيكم في الرجل المطلق مرتين وعنده عيال من الأولى والثانيه
مميزاته يحافظ على الصلاة وما يدخن وبار بأمه ومحبوب عند الناس
عيوبه يغار وايد ويشك وايد وهذا سبب ترك زوجاته له
وأنا في الثلاثين أوافق عليه ولا أصبر وأنا استخرت
وما أرتحت

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

توكلي على الله .... لايفوتج القطار على قولتهم

وربي يسهل كل امورج ....

__________________________________________________ __________

>>>> الرد الثاني :

شكاك هاي مشكله بروحها
الله يعينج
صلاه الاستخارة هي الفيصل بالحكم

__________________________________________________ __________

>>>> الرد الثالث :

عن نفسي مانصحج .. لكن استخيري فديتج
ربي يكتب لج الخير

__________________________________________________ __________

>>>> الرد الرابع :

ما انصحج و مدام استخرتي وما ارتحتي فخلاص انسي الموضوع.
لا تسمعين كلام اللي يقول القطار يفوت والقطار فات. مافي قطارات هالايام خلاص. عيشي براحة بال احسن من تاخذينه وتصيرين المطلقه الثالثه مع اولاد بعد.
ترى الشكاك بيقلب حياتج جحيم وبتصيرين ما تحبين تطلعين مكان و ان طلعتي بروحج بدونه بيشك بعد! يعني بتصيرين مسجونه فأحسن تشيلين الفكره لأن هالاشكال ما بيعطيج حنان ولا رومانسيه من كثر الشك والنكد.

__________________________________________________ __________

>>>> الرد الخامس :

يزاكم الله خير خواتي في الله خلاص ما أباها
وإن شاء الله ربي يرزقني باللي أخير منه
وكل وحدة الله كاتبلها رزقها في اللوح المحفوظ
الله يسعدكم ويوفقكم لما يحب ويرضى