خدامتي احرجتني ساعدوني !! تدابير منزلية

عنوان الموضوع : خدامتي احرجتني ساعدوني !! تدابير منزلية
مقدم من طرف منتديات الضمير العربي

السلام عليكم خواتي

استوابي موقف خايس البارحة بسبب بشكارتي السخيفة . حسبي الله و نعم الوكيل

اهل ريلي كانوا يايين عدنا على العشة (امه و اخته)

و انا متفقة وي البشكارة اتزهب كلشي لاني انا وايد مشغولة هالفترة اتعرفون امتحانات نص السنة و انا اداوم و ارد العصر و جيه

المهم يووا اهل ريلي ع الساعة سبع و انا كنت توني امخلصة تدريس اعيالي . قلتلها سوي سلطة جان اتقولي ما عدنا طماط https://4arab.xplainer.net/images/smilies/bb/19.png

قلتلها انزين بدون طماط . جان اتقول اصلا ما عدنا خضرة خير شر . ما عدنا غير الخس و الخيار . انا هني سكتت قلت يمكن نست اتخبرني مع اني متفقة وياها من ينقص اي شي فالبيت سيدة تتصل بي و اتخبرني عسب اييبه وياي من الجمعية و انا رادة من الدوام .

قلتلها انزين وين الخبز ليش ما حطيتي على الطاولة ؟؟؟؟

اونة ما عدنا خبز ايراني بس لبناني . !

انا اهني عصصصصصصصصصصصصصصصصصصبت عليها بالقووووو https://4arab.xplainer.net/images/smilies/bb/4.png

هاي مب اول اتسوي جيه دومها تنسى اغراض البيت و ما اتخبرني بالشغلات الناقصة , تدرون كملت عندي 3 سنوات و بعدها غبية . اتحملتها لاني ما حبيت اقطع رزقها عقب ما خلص عقدها سنتين جددتلها و قلت بعد اوفر بيزات استقدام وحدة يديدة .

الشهادة لله انها زينة وي عيالي و اتداريهم و هم اصلا كبار 5 سنوات و 6 سنوات .

بس مشكلتها تنسى و تسرح وايد و اتحب تسمع ميوزك و اغاني فتلفونها و انا عاطتنها موبايل باسمي عسب تتصل تتطمن على ولدها و اهلها . و قبل سنة جكيتها اتكلم رياييل بنجالية و باكستانيين و اتطرشلهم صورها . و اترجتني اسامحها و طبعا سامحتها لان الله غفور رحيم .

المهم انرد لموضوعنا .

نازعتها بصوت وايد عالي لدرجة انه كل البيت سمع و ضيوف ريلي بعد سمعوا

و يوا المطبخ و سالوني شو بلاج اتنازعين البشكارة حرام عليج هاذي بعد انسانة و شوي شوي عليها و من هالرمسة . لدرجة اني بغيت انفجر فويهم و اقولهم انتوا ما تعرفون شي خلوني اادبها روحي https://4arab.xplainer.net/images/smilies/bb/4.png ما يخصكم فيني .

المهم خذاني ريلي الغرفة و نازعني يقولي اونة ليش اتصارخين على الخدامة و اهلي موجودين فالصالة يسمعون عيب جيه اتسوين احين بيفتكرون انج ما تبينهم ايون بيتنا .!

قلتله لالا تقول جيه ارجوك بالعكس انا فرحانة انه اهلك يايين عدنا و جيه . بس انت تعرف انا رادة من الدوام هلكانة من التعب و عيالك هالفترة امتحانات و انا اصلا مريضة عندي نزلة برد حادة راسي و جسمي كله يعورني سامحني https://4arab.xplainer.net/images/smilies/bb/28.png

قلت له انا عصبت عليها لانه العشة ما بيكون على مستوى محترم حق اهلك . لانها ما قالتلي عن النواقص اللي فالمطبخ شو اسوي انا . ؟

المهم هديت الموقف وي ريلي و اهله و رديت الصالة اسولف وياهم عادي و اعتذرت لهم .

انرد الحين لموضوع الخدامة :

سمعت بنتي الله يحفظها واجفة صوب باب الحمام و اتصيح . و اتقول حق الخدامة (فلانة افتحي الباب فلانة افتحي الباب) https://4arab.xplainer.net/images/smilies/bb/6.png

الخدامة داشة الحمام و جافلة على عمرها و اتصيح و مب طايعة تفتح https://4arab.xplainer.net/images/smilies/bb/6.png

يا ربي شو اسوي انا احين https://4arab.xplainer.net/images/smilies/bb/28.png

عندي ضيوف و هاي ياسة تسوي حركات جدامهم اوني انا ظالمتنها و دوم انازعها و جيه . https://4arab.xplainer.net/images/smilies/bb/4.png

يت عمتي و اخت ريلي يدقون عليها الباب يقولن لها افتحي الباب يا فلانة و هي صااااخة و لا اترد . جان اتقولي عمتي خلنا نكسر الباب يمكن اتكون سوت ابعمرها شي ولة شياتة ؟؟؟؟

قلتلها افتحي الباب يا فلانة تراني بزقر الشرطة يكسرونه https://4arab.xplainer.net/images/smilies/bb/4.png

ولا اترد مووووووووووووووول https://4arab.xplainer.net/images/smilies/bb/6.png

المهم عقب محاولات نص ساعة فتحت الباب . اونة خلوني ابروحي اباه ايلس ابروحي https://4arab.xplainer.net/images/smilies/bb/26.png

قلتلها حلو الحين هذا كله الفلم اللي سويتي ؟؟

تبين تبينين جدام اهل ريلي انج مظلومة و انه المدام ظالمة و حقيرة هذا اللي تبين توصلينله ؟؟

قلتلها انا في شو قصرت وياج ؟؟ رواتبج اول بأول اطرشها و كل شي تبينه و اللي ما تبينه بعد اوفره لج . و هدايا و فلوس على مدار السنة . ليش جيه اتسوين ؟؟؟

انتي تعرفين اني انا ارد من الدوام هلكانة من التعب و كل اللي مطلوب منج انج اتدارين البيت فترة غيابي صعبة عليج العملية ؟؟ اذا صعبة قولي بييب غيرج تراني ما عندي مشكلة ..

ما تجاوب سارت لفت راسها و رقدت . و سرت انا روحي حضرت لهم العشة و رتبت الطاولة و كلشي .
و طبعا اتحولت السهرة الى نصائح و مواعظ من بيت قوم عمتي . و حرام عليج تظلمين الخدامة هاذي فقيرة مسكينة ياية تترزق و من هالكلام . و اختربت العزومة https://4arab.xplainer.net/images/smilies/bb/28.png

طبعا معاهم حق يقولون جيه و اكثر لانهم ما يعرفون معاناتي و تعبي و هم يايين ظيوف عيب صراحة اعلي صوتي على البشكارة فوجودهم . بس شسوي طلعتني عن طوري

يا ربي وااااااااايد افكر فهالموضوع و ما نمت طول الليل حسبي الله و نعم الوكيل .

ماعرف والله هل انا غلطانة و فعلا ظالمتنها ولة هي غلطت سوت جيه ولة شووووووو ؟؟

نشيت الصبح لقيتها تبدل لليهال و تحضرهم للمدرسة و مسويتلي سندويج لكن هذا كله و هي مادة البوز https://4arab.xplainer.net/images/smilies/bb/26.png

انكسر خاطري عليها من كلام عمتي و حسيت عمري مجرمة . طلعت من شنطتي 20 درهم و عطيتها قلتلها يودي اشتري حق عمرج حلاوة من الدكان ولا تزعلين انتي زينة .

ماعرف تصرفي صح ولة غلط https://4arab.xplainer.net/images/smilies/bb/3.png

اربيعتي اتقولي غلطانة كان المفروض اتعاقبينها لانها احرجتج يدام اهل ريلج و حولت السالفة لفلم هندي و طلعتج مب زينة جدامهم .

قلتلها لا عادي من ناحية اهل ريلي حبوبين و يعرفوني عدل و ما بياخذون عني فكرة سيئة لاني وياهم من 8 سنين و يعرفوني انا شو . بس هم حريم كبار حليلهم و ما يعرفون عن تدابير الخدم و خباثتهم

شو رايكم في الموضوع ؟؟ تراااا رايكم يهمني خواتي https://4arab.xplainer.net/images/smilies/bb/28.png

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

للعلم الخدامة فلبينية https://4arab.xplainer.net/images/smilies/bb/33.png

__________________________________________________ __________

>>>> الرد الثاني :

انت غلطانة لانك مامسكتي اعصابك قدام الضيوف وعيب تصرخي وهما موجودين وخليتي العزومة بسبب تصرفك كلها نصائح وخبايص كان ممكن تنبسطو اكثر وبعدين الاغراض لازم انت تشيكي بنفسك خصوصا لما يكون في عزومة!!!هلا بيروحو عبيوتهم يعدوو يرمسو عليك كانك شريرة!!والشغالة غلطانة اكثر منك لانها سوت فيك مقلب وفضحتك وما احترمتك قدام ضيوفك وهاد كلو غلط طبعا ولازم تغيريها فاقرب فرصة حبيبتي لان التصرف هاد ما يسويه غير الحقود وقليل الادب

__________________________________________________ __________

>>>> الرد الثالث :

هههههههههههههههههههههههه
اسمحيلي اختي خدامتج خسارة في الخدمة كان لازم تدخل فنون مسرحية
سوي طاف ولاتفكرين في الموضوع هذي الفلم كلة لانها عارفة انها غلطانة وحبت تقلب الامور لصالحها ونجحت
وانتي بعد الله يهديج مايصير تفقدين اعصابج مهما صار وفي بيتج اضيوف
وعلي فكرة موضوع انة البيت مافية شي والخدامة جالسة في البيت وساكتة لين ماتحس باليوع بتي بتقول ماما مافي اكل
لكن اتيج وتقولة البيت ناقصنة جذية وجذية هذي لازمنها معركة وطولة بال
خليج هادية في المعارك مايكسب الي الهادي

__________________________________________________ __________

>>>> الرد الرابع :

ابصراحة مالج حق تزاعقين عليها حتى لو ضيوفج مب موجودين تعرفين ليش لان الغلطه اساسها منج المفروض انتي تشيكي على البيت وشو ناقصه ما تترينها اهي تقولج لانج وبكل بساطة انتي اساس البيت مب الخدامة
لانها اهي مجرد مساعدة لج وتشل بعض الحمل عنج ام البيت فهو مسؤليتج انتي
وكان المفروض تشيكي على البيت قبل ما ايون الضيوف
ام عن تصرفج الصبح فهو عين الصواب في النهاية اهم بشر وحالهم من حالنا ولازم نعاملهم شرات ما نبي الناس تعاملنا
واذا غلطت مرة ثانية نبهي عليها بس لا تضاربنها

__________________________________________________ __________

>>>> الرد الخامس :

الصراحه هي كبرت الموضووووع وااايد الله يهديهاوكان لازم اتبينين لها ان الي سوته غلط فحقج لان عندج معازيم
ولو بس مسكتي عمرج جدامهم واتصلتي اقرب مكان يسويلج عشاااتت سلطات وفطاير وخفايف واكيد بيعذرونج لانج اتداومين هم مايبون ياكلون يبون يقعدون يسولفون بس شو تسوين الي صار صار