أنا اللي كنت أسألكم عن الخدم من أندونيسيااا ... ووصلت خدامتي عمل يدوي
عنوان الموضوع : أنا اللي كنت أسألكم عن الخدم من أندونيسيااا ... ووصلت خدامتي عمل يدوي
مقدم من طرف منتديات الضمير العربي
السلام عليكم ورحمة الله وبركاته
خواتي
أنا نزلت موضوعين قبل هذا استشيركم وآخذ رايكم بالخدم من أندونيسيا بما ان فلبين وقفوهم والأثيوبيات موقفينهم
ومافي غير بنقاليات واندونيسيا ومن افريقيا اللي هم كينيا اوغندا ..الخ
المهم:
وصلت خدامتي الأندونيسيه هي عمرها 36 سنه يعني حرمه عوده وعاااقل
وماعندها خرابيط وحسيتها محترمه ولله الحمد تصلي وتقرا قرآن والحجاب ماتشله عن راسها ويوم تشوف ريلي راسها تحت ومحترمه ولله الحمد بعكس اللي سمعته عن هالجاليه
بس يمكن لأنها حرمه كبيره وعندها 3 عيال ماشاء الله يمكن لهالسبب عااقلة
المهم ابغي منكم خواتي نصايح كيف اقدر اتعامل معاها يعني هي مشتغله سنتين في جدة وماتعرف عربي واايد توقعتها انها بما ان سبق واشتغلت بالسعوديه بتكون فاهمه عربي
يعني شوي شوي امشي معاها
والطبخ مو لين هناك بس الحلو فيها انها تبغي تتعلم وماتقول لااا ااا مابطبخ
تعاملها مع عيالي الحمد لله احسها تحب العيال
بس هي شوي كبيره يعني تتوقعون تقدر عالبيت بروحها ؟؟
لأن انا قبل لا اييبها عندي خدامه كينية كسووله وكنت ناويه ارجعها المكتب وسألت الأندونيسيه تقدرين عشغل البيت كله بروحج لأني شفتها عمرها 36 وخفت انها ماتقدر على كل شيء فيوم سألتها حسيت انها تبغي تسوي كل شيء وانها ماتبي خدامه ثانيه معاها هاللي حسيته تبغي تكون مستقله وبروحها
وانا حالياً خليت الكينيه تعلمها ع شغل البيت لأني كنت معلمه الكينيه كيف الشغل اللي أنا أحبه
وانا موظفه وماعندي وقت أعلم الأندونيسيه عشغل البيت
الحين حبيت آخذ رايكم
هل أرجع الكينيه ؟؟ بعد ماتعلمها الشغل اللي ابغيه ؟
وهل فعلاً الأندونيسيه يوم قالت بتقدر على كل الشغل بتكون قدها وقدود ولا بس مجرد كلام وخلاص
اخاف أرجع الكينيه وعقب هذي تتكاسل وماتقدر تشتغل !!
والله محتاره
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يعطيج خيرها ويكفيج شرها بس لاتحطين ثقتج بالخدم وايد مهما قلتى حرمه عوده وعاقل وتصلى وتلتزم بحجابها والله عن تجربه ومو واحده بل عشرات مابا اخوفج بس مثل ما قلت لا تعطينهم الثقه الكامله ودوم خلى عينج عليهم وعلى تصرفاتهم بالنسبه للشغل واذا هى تقدر بروحها ام لا انتى اللى تقدرين تقيمينها تشوفينها هل هى حركيه وتخلص شغلها باتقان باسرع وقت ما يخصه العمر فيه كبيرات بالعمر وشغولات وشى صغيرات وعيازه فيهم
__________________________________________________ __________
>>>> الرد الثاني :
البشكارة أول ما توصل تكون مطيعة وتقول أقدر أسوي كل شي
لكن بعد فترة يطلع معدنها اذا صدق تروم والا تقول جذيه بس عشان تتثبت
انتي اختبريها الفترة اليايه وشوفي شغلها
__________________________________________________ __________
>>>> الرد الثالث :
اذا احتياج البيت لوحده فقط فخلاص ردي الثانيه بس تاكدي اول انها تقدر على البيت بروحها
__________________________________________________ __________
>>>> الرد الرابع :
__________________________________________________ __________
>>>> الرد الخامس :
صبري عليها شهرين وعقب احكمي
