السلام عليكم
شحالكن خواتــي . .
روعتكن بالعنوان ها
https://4arab.xplainer.net/images/sm...t1/12 (56).gif
الله يعافينا منها . .
بخبركم سالفتي . .
من شهر بالضبط . . .حسيت بآلالام فضيحه في بطني . . مره في المعده
ومره في القولون . . ومره في الجبد . .
واعراض كانت مثل التسمم . .
اسهال عزكم الله ولوعه جبد وفقد في الشهيه ونزل وزني
وحتى شعري حسيته قام يطيح . .
https://4arab.xplainer.net/images/sm...t1/12 (46).gif
ما سرت الدختر . . بس ما رمت اتحمل زياده
تم وياي الويع عشر ايام وما طاع يفج . .
سرت العياده . . . وشرحت الاعراض للدكتوره وقالتلي احتمال فيج جرثومه
وعطتني مهدئات . . وسوولي تحليل دم
وقالتلي تمي ع المهدئات مده 3 اسابيع إلين ما تظهر النتيجه . .
واذا تأكدنا ان فيج الجرثومه . . . بنعطيج مضاد وتتخلصين منها . .
بس بصراحه . . . الالم مووول ما يوقف . . المغص وياي 24 ساعه
كررررهت الأكل . . لاني من أكل شي لو طشووونه والله ان بطني يتم يعووورني طول اليوم
فقدت الشهيه في الاكل . .
نفسيتي غدت زفت
https://4arab.xplainer.net/images/smilies/frown.png
اليوم قريت بـ ملحق الصحه اللي ايي مع جريده الخليج
عن الجرثومه الحلزونيه !!
طلعت نفس الاعرااااااااض بالضبط فيني . .
والدكتوره قالتلي ان 90 % من سكان الأرض فيهم هالجرثومه
https://4arab.xplainer.net/images/sm...t1/12 (85).gif
عاد الدكتوره ما قلتلي ان اسمها حلزونيه .. قالت جرثومه
بس يوم قريت بـ مجله الصحه . . طلع بعد يقولون اغلب الناس فيهم هالجرثومه
ظني هي نفسها الحلزونيه
ويييي شكلها يروع تصدقون
https://4arab.xplainer.net/images/sm...t1/12 (15).gif
هي اسمها جرثومه . . بس شكلها مثل الدود . . وتكون كبيره
موعدي مال النتيجه بعد سبوع . .
وان شاء الله ما تكون فيني هالجرثومه
لكن اذا طلعت فيني . . باخذ العلاج وباذن الله بفتك من هالجرثومه ومن بلاويها . .
حبيت انصحكن انكن اذا حسيتن بألم في بطونكن ما تستهينن به
ع الاقل سون فحص . . وتأكدن ان مافيكن هالجرثومه
لأن مضاعفاتها تييب القرحه وتليف الكبد والأورام الخبيثه السرطانيه الله يجيركن منها
ختكم
ارض دبي
https://4arab.xplainer.net/images/sm...rt3/55 (8).gif