قصة قلبي غاب عني..كامله رواية رائعة

عنوان الموضوع : قصة قلبي غاب عني..كامله رواية رائعة
مقدم من طرف منتديات الضمير العربي

من قصة قلبي غاب عني

الجزء [1] من قصة قلبي غاب عني
اليد العود : غيث ( بو بطي ) ]متوفي [
اليده العوده : نافجه ) ام بطي ) ] متوفيه[

وعندهم ثلاث اولاد ) بطي , معضد , حمد(


العايله الاولى [ 1 ]
عايلة بطي بن غيث
بطي ) بوشهاب ( وماخذ موزه ( ام شهاب )
وعندهم :
1- شهاب : ماخذ غايه وعندهم:
هزاع 19 .. ثاني سنه في الجامعه ..يدرس طيران
, مبخوت 18 ..اول سنه في الجامعه يدرس اعلام
, هند 17 ..ثانزيه عامه..مدرسة الصفوح
, شوق 15..اول ثانوي.. مدرسة الصفوح

2- شيخه: ماخذنها سعود وعندهم :
مطر 20 ..يشتغل في الشركة
, ثاني 19 ثاني سنة في الجامعه ..ويدرس بزنس

, ميره 18..اول سنه في الجامعه ..تدرس طب
, مهره 17..ثانوية عامة..مدرسة الصفوح

3- عبيد: ماخذ وضحه وعندهم:
سلطان 18.. اول سنة في الجامعه..
, سلامه 17 ..ثانوية عامه..مدرسة الصفوح
, حمده 16..ثاني ثانوي..مدرسة الصفوح

....

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

العايله الثانيه [ 2 ]
عايلة معضد بن غيث
معضد ) بوخالد ( وماخذ شمسه ) ام خالد (
وعندهم :
1 – خالد :ماخذ رابعه وعندهم:
مايد 27 (معرس وعنده طحنون ومنصور وعمير والعنود ,, وحرمته بخيته ) ,, مبارك 21 ..يشتغل في الشركة
, سعيد 20 ..ثالث سنة في الجامعه..يدرس اقتصاد
, سهيل 19 ..
, مروان 18 ..ثاني سنه في الجامعه..يدرس اعلام
, رفيعه 17..ثانوية عامة...مدرسة الصفوح

2- خولة : ماخذنها عبدالله وعندهم :
راشد 20 ..ثالث سنة في الجامعه ..ويدرس هندسه معماريه
, ذياب 19 ..ثاني سنة في الجامعه ..ويدرس طيران
, ظبيه 17..ثانوية عامة..مدرسة الصفوح
, عفرا 16..ثاني ثانوي..مدرسة الصفوح


4- خديه : ماخذنها سالم وعندهم:
احمد 27 (معرس وعنده :حمد , عاشه ,ناصر ,,,,وحرمته شمه), محمد25 (معرس وعنده : فاطمه وعلي وحرمته لطيفه )
,مريم 19..ثاني سنة في الجامعه..تدرس تاريخ

...

__________________________________________________ __________

>>>> الرد الثاني :

العايله الثالثه [ 3 ]
عايلة حمد بن غيث
حمد ماخذ شيخه وعندهم:
1- حارب : ماخذ ساره وعندهم :
حمدان 25 (حرمته حصه وعندهم ريم وزايد(
,خلود 17..ثانوية عامة ..مدرسة الصفوح

2- حامد : ماخذ عوشه وعندهم:
هزيم 25 ( معرس وماخذ عذبه وعندهم اروى وسيف(
,وعليا 17..ثانوية عامة مدرسه الصفوح

__________________________________________________ __________

>>>> الرد الثالث :

الجزء الاول




.....

[ في كل نهاية اسبوع (اربعا وخميس ) عليا وخلود يباتن في بيت يدهن حمد ]

[ ( يوم الاربعاء ) ] <<بعد اسبوعين بتبدا امتحانات اخر السنة!

(العصر )

علايه: افف اخيرا انا خلصت المراجعه
خلود: زين مابغيتي
علايه : اقول لج اشو رايج نغيب هالاسبوع
خلود: هيه بس ملل اشو بنسوي؟
علايه: مادري , ... , بس حرام قووم امايه بيسافروون باجر بصيح
خلود: اشو نسوي؟والله لو مب الامتحانات كنا بنسير فياهم
علايه: لا وامتحانات ثانويه عامه بعد
خلود: سكتي ونحن ولا مهتماات خخخخخ
علايه :هيه ع ايام قووم عذبووه (مرت اخوهاا (كانن يصيحن ومادري اشوو
خلود: والله متفيجاات
علايه:وايد ,..., افف يعني لازم يسافرون؟ [ام عليا وابوها وام خلود وابوها]
خلود:انزين انتي فكري في الجانب الحلو مثل مايقولون!
علايه:وشو الجانب الحلو يالانسه عيوز!<<لووول
خلود:اننا بنبات هنيه في بيت يدي فيا بعض وعقب ترااناا بنسافر لهم عقب ماتظهر النسبة
علايه:هيه والله وناسه
خلود: بس انا مااقدر اصبر الين مانخلص افف
علايه: طاعووا هاي انتوا؟ توهاا تقول لي فكري في الجانب الحلو وهيه تفكر في الجانب السيء ..والله حاله؟!
خلود: اووه نسيت..هههه.. بس بعد بنزعل
علايه:الا غصب(ن) عنج اصلالا
خلود: صدقتي ,, انزين قومي خلينا نسير نيلس وياهم
علايه: اسمينا بنتوله ع سوالفهم
خلود: الله يعين ,, يلالالا
ونزلن تحت..
^^

اليوم طبعا الكل بيتيمع في بيت حمد بن غيث عسب يسلمون ع حامد(بوهزيم) وحرمته وحارب(بوحمدان) وحرمته

__________________________________________________ __________

>>>> الرد الرابع :

في بيت اليد [معضد بن غيث]

عياله وعيال عياله كلهم متيمعين عسب يروحون بيت خوه[حمد بن غيث ]

ذياب :انزين ظبيوه قولي نحن مانعرفهم ذاك الزود
ظبيه: شي طبيعي ياحبيبي
مبارك: ليش ان شاء الله
سعيد: الحينه كل هالحشره عسب قلنا لج قوليلناا عن عيال عمي حارب وعمي حامد
ظبيه : والله نحن كل مانسير هنااك الخميس حضراتكم تروحون تحوطووون وتهيتوون
وتستهبلون ع خلق الله
عفرا: وحتى ماتوون تسلموون
رفيعه: واليوم اكيد محد بيعرفكم
ظبيه: لا هزيم بيقوول منو هالشباب من وين يايبينهم اكيد سايرين مول من المولات وميمعين المغازلجيين كلهم هنيه ههههههه(تضحك بدون نفس لانهاا تقصد سهيل بكلامها! )

[ ظبيه تحب سهيل بس سهيل مغازلجي وانجرحت منه يوم سمعته يرمس بنيه كانت تعرف انه يرمس بس كانت تقص ع عمرهاا واتاكدت وقررت انهاا تنساااه وتشله من بالهااا بس واايد صعب لانهاا دووم تجابله ويتيمعوون بحكم انه ولد خالهاا والشي اللي ماكانت تعرفه انه سهيل توه بدا يحبهاا]

سهيل.. (عرف انهاا تقصده وحز فخاطره بس محد حس)..

مروان: يلالا قولن
رفيعه: الله يسلمكم

والكل اندمج

عفرا: ويييه اطاعي ويوههم هااذيل صج اندمجوو خخخخخخخخخخخخخ
رفيعه: ههههههههه

بس سكتووا عسب تكمل وماعلقوا

رفيعه : يدي حمد بن غيث عنده بس ولدين واللي هم عمي حارب وعمي حامد
عفرا:عمي حامد عنده ولد واللي هوه هزيم معرس وحرمته اسمهاا عذبه وعندهم سيف واروى... والبنيه علياا عمرهاا من عمر ظبيووه
ظبيه: وعمي حارب نفس الشي ولد وبنت حمدان معرس وحرمته اسمها حصه وعندهم زايد وريم , والبنيه خلود بعد من عمري
سعيد: اها يعني ماعندهم شباب من عمرناا
عفراا: بس حلوه القعده فياهم ماتنمل

,,,,,,

ونفس الحاله في بيت [بطي بن غيث]..

عياله كلهم متيمعين وعيال عياله لنفس السبب
وطبعااا الشباب يسالون عن قوم حمد بن غيث بس هنيه مايسالون البنااات ....لااا ..يسالون اليد..

ويدهم يحب يطفربهم ...

وفنفس الوقت يريد يادبهم لانهم نفس الشي ..
يظهرون الخميس وماييون بيت حمد بن غيث..

هزاع: انزين يدي قول
اليد(بطي):انزين الله يسلمكم خويه حمد اللي يوم يابته اميه الله يرحمهاا..
ثاني: الله يرحمهاا ..يدي الله يهدااك.. نحن قلنا لك منو عيالهم مب متى امك يابت يدي حمد

اليد..(مستانس من داخله وهو يطفربهم بس مايبتسم عسب مايخرب ع عمره
هههههه<<يدهم غير شكل بعد..(

سلطان: يلالا يدي كمل
اليد(بطي): انزين خويه حمد عنده ولدين الاول يابته حرمته يوم كنا في رحلة غوص احيد كنا سايرين..
مبخوت: يدي دخيلك خل رحلة الغوص عنك وقول شو اسم هالولد وخوه
اليد(بطي): الولد الاول اسمه حامد والثاني حارب ..(وسكت(
مطر: انزين مو معرسين؟؟
اليد(بطي): لالا وين معرسين وكل واحد منهم يد بعد
هزاع: انزين منو عيالهم
اليد(بطي) : حامد يوم عرس عقب سالفه ال......

وعرفوا انه بيفج سالفه ثانيه وتمووا عنده لين ماخبرهم وطبعاا بعد ماطلعت ارواحهم خخخخخخخخ ...

<<اشكر فنك يدي بطي^^ زين عسب يتادبون...

__________________________________________________ __________

>>>> الرد الخامس :

في بيت [حمد بن غيث]

اليده (شيخه):والساعه جم بتركبون هالصندوق اللي بيطير بكم لجهنم؟
حارب(بوحمدان): لا اميه اسمها طياره
حامد(بوهزيم): ويديه .؟ اميه منو قايل لج اننا بنسير جهنم
اليده(شيخه: تراكم بتسيرون بلاد كفر يعني جهنم بعد اشوو؟
عليا: لايدوه الا جنه من حلاتهاا
خلود: خضرة وزرع
عليا: ومطر
خلود: وذاك النسيم البارد اللي يرد الروح
اليده(شيخه): صج ؟
خلود: والله يدوه , (وتغمز لعليا) اشو رايج نسير فياهم يدووه؟
عوشه (ام هزيم): وين تسيرن وراكن امتحانات انتن؟
هزيم : الا تحلمن
عليا: جيه ع كيفك هووه؟
هزيم: هيه
عليا: اولا ياخ هزيم الرعد اذا يدووه بتسير غصب(ن) عنك بنسير , صح يدووه
اليده(شيخه):اكيد فديتج
هزيم: وثانيا؟
عليا: وثانيا اعتقد اني كنت ارمس يدووه هب انته؟
خلود: مع احترامنا الشديد يعني بس لاتخرب عليناا
هزيم: لاحياتي (ترا خلود خت هزيم وعليا بالرضاعه) لاحياتي انتي وهيه مابتسيرن يعني مابتسيرن الا؟!
عليا: الا شوو؟
هزيم: اول بوسي ريل حرمتيه وعقب بقوولج
عذبه(مرت هزيم): لا والله خلهاا تبوس ريلك انته
خلوود: اوهوو الا شوو؟
هزيم:وريلي ع ريلكن لالا واركب قبلكن الطياره وايلس يدامكن هذا يوم بنسير اما الحينه؟!
عليا: افف الحينه شوو بعد؟
هزيم: سيرن ودن عيالي الدكاان واشترن لهن ع حسابكن
خلود: بنسير المهم نساافر
عليا: هاات الفلوس وبنوديهم
هزيم: لا على حسابكن انا قلت
خلود: اوكي ع حسابنا اشو تتحراناا عياال زطووط

عليا (تغمز لخلود بمعنى استعدي للشرده) ..:لا وانتي الصاجه خوات زطي ههههه

ويشردن يسيرن صوب حجره الالعااب..

خلود: خخهخهخهخخهااااي صج انه لساانج طويل
عليا :هههههههههههههه
خلود:ريمااني زيوود [(ريم وزايد) عيال خوها حمدان ] اراوي وسواف[اروى وسيف (عيال هزيم] ( تعالوا بنسير الدكان
عليا: يلالا بسرعه نحن بنلبس عبيناا وبني نريد نشوفكم عند الباب وكل واحد لابس نعاله

,,وعاد اليهال ماصدقووا هههههههه صج يهال لووول..

ولبسن عبيهن
وظهرن صوب الدكان...

خلود: الله فديت هالسياره انا
عليا: ايه جيف نروح الحينه هااي السياره واقفه
خلود: فضيحه بيقولون بنات شكبرهن وسايرات الدكان هههههه
سيف: انزين ردن ونحن بنسير
عليا :هيه عسب ييكم هندي ويسرق فلوسكم والعابكم (تقصد ريم واروى ترا كل وحده شاله دبدوب في ايديها) ..بنتريااهم يروحون وبنسير ..
زايد: انتن ترين نحن بنسير ويوم بتسير هالسياره تعالن
خلود: لا فديتك بنسير ضربه

ومرت خمس دقايق واليهال يتحرطموون...

خلود: اقول لج خل نسير شكلهم بيعسكروون اليوم هنيه
علياا: لالا اخااف
خلوود: كيفج خاافي نحن بنسير
عليا: وياويهج ....يلالا .... بس اقول لج مابنتغشى
خلوود: جيه فايجه لهم انا بعد اتعب ايديه وارفع الشيله واتغشى بهاا وانزل يديه
عليا: خيبه سويتها سالفه ههههههههه يالخقاقه
خلود: هههههه