بناااات دبي والشارقـة بغيت مساااااعدة منكــن.... في الامارات
عنوان الموضوع : بناااات دبي والشارقـة بغيت مساااااعدة منكــن.... في الامارات
مقدم من طرف منتديات الضمير العربي
خواتي أنا لي زيـــارة لدبي والشارقـة تقريبــــا لمدة اسبـــوع وأريد شقق فندقيـــه في الشارقــة وبأسعـار معقولـــة ...
وأماكــن التســوق في دبي والشارقـــة والأوقــات المناسبـة للتسـوق...
وبغيت أعرف المحـلات الي تبيــع الدراعات والفساتين في الشارقـة ودبي...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أول شي حياج الله فالامارات ويا مرحبا بج والله
وثاني شي وردا" على سؤالج الأول لقيت هالموضوع يمكن يفيدج وهذا هو الرابط
https://www.uaewomen.net/showthread.php?t=258517
وثالث شي عن أماكن التسوق في دبي عندج الفستيفال سيتي مكان وايد حلو وهادي وابتاون مردف المكان حلو بس حسب الجو لأنه مكشوف ومركز برجمان روعه وفيه وايد محلات لماركات عالميه والامارات مول فيه اسكي دبي يعني تشوفين الثلج فبلادنا والجو حار وبعد سيتي سنتر والزحمه عليه دوووم ووافي والغرير وميركاتو وبالم ستريب وسنشري مول وسوق مدينه جميرا وسوق البحر في المدينه القديمه وين برج دبي و................................................. ..............ألخ يعني لو تلفين دبي كلها بتلقين واااااااايد سناتر وأماكن حلوووه أما الشارجه عندج صحارى سنتر وميغا مول وأنصار مول والسفير مول وأحسن وقت للتسوق الظهر أو العصر يعني تكون السناتر مب زحمه ذاك زود وفالشارجه شي وايد متاحف مثل المتحف العلمي ومركز الاستكشاف....................................وألخ
والمحلات اللي تبيع جلابيات وفساتين بتلقينها في مركز البستان مثل اليشمك وغيره ومركز المنال ومحل لي لي فالي وين سيتي سنتر ومحل لادونا في مركز وافي واغلب السناتر فيها محلات للفساتين والجلابيات وحتى الأسواق العاديه مثل سوق عكاظ شي محل اسمه ساره بلازا وراجو بلازا وهذا كله في دبي وفالشارجه سوق الجديم وميغا مول وان شاء الله افدتج والسموحه عالقصور وحياج الله
__________________________________________________ __________
>>>> الرد الثاني :
مشكـــوووورة حبيبتـــي على الـــرد .... وعلى المعلومــــات
__________________________________________________ __________
>>>> الرد الثالث :
مممممممممممم فالشارجه اذا تبين تتسوقين سيري المولات المغا مول وصحارى وعندج سوق الجديم في اشيا حلوة حق البيت واذا فكرتي تشترين قطع سيري مركز السور عند مسيد الملك فيصل واذا تبين تشترين الفساتين عندج مثل ما ذكرت فوق ميغا مول وصحارى وفدبي اذا تبين فساتين حلوة وباسعار معقوله عندج مركز البستان اكثر شي هناك محلات الفساتين والقطع والدراعات سيري سوق عكاظ عند سوق الذهب
ونصيحه حلوووووووووة دبي والشارجه اكثر الاماكن ازدحاما من باقي الامارات اذا فكرتي تسيرين الشارجه طلعي من وقت يكون الساعه 3 العصر لانه بعد المغرب الشوارع تكون زحمه
__________________________________________________ __________
>>>> الرد الرابع :
اذا تبين شقق فندقيه في دبي المراسم
__________________________________________________ __________
>>>> الرد الخامس :
https://4arab.xplainer.net/images/wo...quote_icon.png المشاركة الأصلية كتبت بواسطة قنوشه
https://4arab.xplainer.net/images/wo...wpost-left.png
مممممممممممم فالشارجه اذا تبين تتسوقين سيري المولات المغا مول وصحارى وعندج سوق الجديم في اشيا حلوة حق البيت واذا فكرتي تشترين قطع سيري مركز السور عند مسيد الملك فيصل واذا تبين تشترين الفساتين عندج مثل ما ذكرت فوق ميغا مول وصحارى وفدبي اذا تبين فساتين حلوة وباسعار معقوله عندج مركز البستان اكثر شي هناك محلات الفساتين والقطع والدراعات سيري سوق عكاظ عند سوق الذهب
ونصيحه حلوووووووووة دبي والشارجه اكثر الاماكن ازدحاما من باقي الامارات اذا فكرتي تسيرين الشارجه طلعي من وقت يكون الساعه 3 العصر لانه بعد المغرب الشوارع تكون زحمه
مشكــوووورة الغاليـــة على الاقـــااادة.... ربي يعطيج العافيــــة
