ما أغليت غيره *** قصيدة خليجي
عنوان الموضوع : ما أغليت غيره *** قصيدة خليجي
مقدم من طرف منتديات الضمير العربي
البارحة شنيت حرب بسبة أفكاري
ادميت عين المحابر قبلها عيني
حملت جثمان الأمل فوق تذكاري
ونبشت قبر المواجع في شراييني
نسمة حنيني وشوقي زودت ناري
وقسوة زماني لحد الموت تدنيني
ياهي صعيبة بحقي وانت بي داري
ياهي أليمة طعونك ساكنة فيني
كل ما ذكرتك تسابق دمعي الجاري
وارعد بجوفي ألم بالحيل يشقيني
طيف ابتسامة غزا ثغري على طاري
وعدن قطعته على عمرك بتوفيني
يوم انت مالك امان (ن) كيف بتداري
جرح تمكن حشاي و شع من عيني
لو فيك خير(ن) تصدق اطلب بثاري
لو يشفي الجوف موتك مت بايديني
لكن خفوقي تحكم كسر أنظاري
يامر على باقي الجوارح و تعصيني
الله يسامح نسيم الليل بي ساري
خلاني أبكي على حظي ويبكيني
لا قلت بيت بظلامه ردد أشعاري
وان جف ريقي معه يحلف يقهويني
همس حنيني لقربه قال لي ( اختاري)
اخترت واحد على بضعة ملاييني
الله كتب لي نصيبي معه مشواري
ما اغليت غيره وهو مثلي بيغليني
اخفيت والا ابديت هي كلها اسراري
بغيت افضض عساه يحس وش فيني
بقلم
-
أوراق الخريف
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ابيات معبره تحكي رحلة مهما كانت منغصاتها الا ان المتحكم فيها
المشاركة الأصلية كتبت بواسطة لكن خفوقي تحكم كسر أنظاري
يامر على باقي الجوارح و تعصيني
ان شاء الله سحابة صيف على مايقولون
المشاركة الأصلية كتبت بواسطة الله كتب لي نصيبي معه مشواري
ما اغليت غيره وهو مثلي بيغليني
مهما حاولت ان ابدي اعجابي بما جادت به قريحتك الا انني اجد ان ما اعبر به لايوصلني لما اريد
صح لسانك ملايين ي شاعرتنا الرائعه
__________________________________________________ __________
>>>> الرد الثاني :
ماشاءالله نص رائع
ماهو غريب عليك يالشاعره
صح السانك و يسلم منطوقك ..
__________________________________________________ __________
>>>> الرد الثالث :
عزيزتــي أورآق~
أنسياب بوح وتوق مس أوتار الوجدان قبل سطور الدوح
حفظك الله ورعاكـ أيتها الراقية روحا وبوحا ....
__________________________________________________ __________
>>>> الرد الرابع :
أنغام متناسقة تعزف واقعا على أوتار قثيارة
لا عدمنا روعة أبياتك
سلمت أناملك يا ناعمة
تحياتي لك وكلي شوق لقراءة المزيد يا متألقة
تحياتي وودي
__________________________________________________ __________
>>>> الرد الخامس :
طيف ابتسامة غزا ثغري على طاري
وعدن قطعته على عمرك بتوفيني
يعطيك العافيه على ماطرحتيه
صح لسانك ولك تحيتي
