عاجل كليه فاطمة في العين التدريس الاماراتي
عنوان الموضوع : عاجل كليه فاطمة في العين التدريس الاماراتي
مقدم من طرف منتديات الضمير العربي
السلام عليكم ورحمة الله وبركاته شحالكن خواتي بدش فموضوعي على طول *
انا طالبه في جامعه الامارات وحاليا موقفه عشان الايلس والحمدالله الله وفقني ويبت 5 *بس اللي مب مرتاحه منه الماث ماحب شي اسمه ماث عشان جي افكرر اسحب اوراقي وسمعت عن جامعه الشيخه فاطمة *وأبا فزعتكن خواتي الغاليات عطوني كل شي تعرفونه عن كلية فاطمه اللي في العـين
لاني ابا اسجل فيها *بس ماعندي معلومات كافيه عنها بسألكم واتمنى انكم تجاوبوني عنها واي معلومات زياده تعرفنها حطولي بالموضوع يزاكن الله خير
أسألتي :
*
1- كم سنه الدراسه فيها ؟ للدبلوم وغيره*
2- التأسيسي انا سمعت انه 6 لفلات وكم ياخذون يعني سنه والا اكثر ؟؟
3- شو بخصوص المقابله والامتحان اللي قبل القبول ؟ كيف أهوو وشو من أسأله يسألون ؟؟
4- انا سمعت انه في رواتب للطلاب مكافئه سؤالي لو درست عندهم وفجأه وقفت لضروف او تركت الدراسه عندهم هل اجباري الطالب يرجع اللي عطوه من مكفأه ؟؟
5- وبعد التخرج كم سنه لازم الطالب يشتغل لصالح الكليه ؟؟
6- انا نسبتي 89.2% أدبي شو من التخصصات ممكن ادخلها عندهم بالكليه ؟؟*
7- سمعت ان الكليه مختلطه هل هذا كلام صحيح ؟؟
8- شوهي المواد الاجباريه اللي على كل طالب يدرسها اول مايدخل الجامعه؟؟
9- هل الدراسه فهالكليه صعبه بالنسبه لطلاب للادبي ؟؟10-هل فيها مراعاه للمتزوجات واللي عندهن عيال مثل التقنيه وكيف دوامهم ونظام كلاساتهم ؟؟
اتمنى تجاوبوني على أسألتي ادري اني طولت عليكن بالاسأله بس محتايه اجابات منكن خواتي*
واذا ماتعرفون عنها أي شي أسألو اللي تعرفونه يدرس بالكليه او ارفعو الموضوع
*يزاكن الله كل خير يارب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
من رايي تدخلين الموقع الرسمي مالهم وتشوفين كيف دراستهم احسن لج
وبعدين جيه ولا جيه بتدرسين ماث ماشي مفرر منه
__________________________________________________ __________
>>>> الرد الثالث :
اختي نصيحه لا تسحبين اوراقج من جامعة الامارات اصلا مافي مقارنه بينها وبين كلية فاطمة ،والماث اذا تقصدين اللي فالاساسي ترا مايسوى تطلعين من الجامعه بسببه ،شدي حيلج وبتعدينه ان شاء الله هذي نصيحه مني لج ،وايد بنات يتمنن يدرسن فجامعة الامارات لكن ماحالفهن الحظ ،،والله يوفقج وايسر امورج
__________________________________________________ __________
>>>> الرد الرابع :
https://4arab.xplainer.net/images/wo...quote_icon.png المشاركة الأصلية كتبت بواسطة (توته)
https://4arab.xplainer.net/images/wo...wpost-left.png
اختي نصيحه لا تسحبين اوراقج من جامعة الامارات اصلا مافي مقارنه بينها وبين كلية فاطمة ،والماث اذا تقصدين اللي فالاساسي ترا مايسوى تطلعين من الجامعه بسببه ،شدي حيلج وبتعدينه ان شاء الله هذي نصيحه مني لج ،وايد بنات يتمنن يدرسن فجامعة الامارات لكن ماحالفهن الحظ ،،والله يوفقج وايسر امورج
تسلمين ختيه توته عالنصيييحه والله انااا ودي اكملل واخلص اموري بس الحين انا فالجامعه من ثلاث سنين وماتخصصت وان شاء الله عالسنه بتخصص بس الل ملوع جبدي مدة الكلاسات من غير المناظرات والمناقشات ماحب اوقف جداام الكلاس كله.ويزااج الله خيررررر مره ثانيه
__________________________________________________ __________
>>>> الرد الخامس :
وين موقع التسجيل وكيف اقدر اسجل بهالكلية ؟
