روايه(عشقتك رغم خبالك ياخبله) رواية خليجية
عنوان الموضوع : روايه(عشقتك رغم خبالك ياخبله) رواية خليجية
مقدم من طرف منتديات الضمير العربي
روايه( عشقتك رغم خبالك ياخبله )
السلام عليكم
قررت اكتب هذه الروايه لان روايتي الاولى تذكرني بشي أحاول ان انسساه
والان اقدم لكم روايتي حاولت جاهده ان اغير أسلوبي الى الافضل وان لاتتشابه روايتي الاولى والآن اقدمها لكم لعل وعسى ان تعجبكم واقبل النقد بدون تجريح+الرجاء عند النقل ذكر اسمي (تورطنا بحبك)
البارت الاول :
في السعوديهـ تحديدا الدمام الساعه 4 العصر
....
ركبت الدرج وهي معصبه حدها دخلت غرفتها وسكرت الباب بااقوى ماعندها
:وكسر ان شااءالله فقعتي أذني
:مهوي تكفين مالي خلقك
مها:علامك منى شوي وتكسرين باب غرفتنا ( منى ومها بغرفه واحده)
منى :لان ابوي ..لحضه لحضه مالج شغل انتي
مها انقهرت وشوي بتنفجر لانها فضوليه درجه اولى :أ..
قاطعتها منى:جب
مها انفجرت وصار وجهها احمممر من الفضوول
منى جت تبي تطالعها وشافت وجهها احممممممر وهي تعرف ان ودها تعرف ليش معصبه
منى بدلع وغنج تبي تقهر مها:ههههههههههههههههههه
مها والللقافه تشتغل عندها: ليش تضحكين.؟
منى بغنج:عليك يا.{وطالعتها من فوق الى تحت} الملقوفهـ
مها:جب جب منى لاتخليني ادوسجح
منى بحزن:ابوي يقولو اننا بنتقل
مها بصدمه:وين .؟
منى :ماسالت
مها بفضول: وانتي وش دراك
منى : نزلت تحت وكنت ا اسولف مع امي واابوي
قبل دقائق
منى:يبا ودي اروح أسافر
أمها: يابنيتي ابوك بيقولج شي واتمنى تتفهمينه
بهالحضه خافت منى
أبوها : يابنيتي إحنا بنتتقل من الدمام
منى بصدمه: شنو يبا من صج ولا هاذي مزحه
ابوها: منى راح ننتقل
منى هنا حست بشعور مو حلو انها راح تفقد كل شي راح تفقد الدمام وراح تفقد صديقاتها والمدرسه كان شعور بااايخ
منى: يبا والبيت والمدرسه وصديقاتي
امهاا :كل شي يتعوض
منى رحت ركضت فوق وسكرت الباب
نرجع للواقع
مها : يوووه كيف بنترك الدمام
...
تعريف عايله منى
الابو :اسمه خاالد رجل اعمال ناجح ولاهو من طبقه الأغنيااء ولاهو من طبقه الفقراء لكن يميل الى طبقه الأغنيااء رجل طيييييب وحنننون جدا يدلع عيالهـ اخر تدليع طويل له سكسوكه لون عيونه عسلي وعيونه كبيره ومرسومة صح ..عيونه طبيعي متكحلهـ خشمه حاد فمه حلو يعني شكلهـ جميل وتعطينه اصغر من عمره وعمره49
..
الام: اسمها ذكرى ام طيبه وحنونه ملامحها عاديه وجنسيتها كويتيه عمرها 45
....
منى:بنت دلوعهـ خقه عيونها مرسومه رسم كبيره شوي ولكن البؤبؤ كبير وهو مخلي عيونها احلى لون عيونها عسليه
خشمها حاااد مثل السيف فمها جنان توت وربي بشرتها ناعمه وبيضاء وشعرها صابغته اشقر فاتح مع خصل بنيه فاطالع جنان شعرها ناااعم ويوصل عند نهاية الظهرقصيره شوي لكن ربي عوض عليها في لسانها هع جسمها نحيف لكن مليان شوي وهذا مخليه احلى ماتسكت عن حقها وعربجيه لكن مو باين ع شكلها راعيه استهبال
عمرها 18 اخر سنه ثانوي
....
مها :البنت الفاصلهـ كله تستهبل وماهمها شي فضوليهـ جدا عيبها اذا عصبت تنسى منو قدامها مملوحه جدا عيونها صغار وخشمها صغير وجهها مدور وملامحها صغيره حتى هيكلها صغير نحييفه لكن لسانها طووووووووويل شعرها ناعم ودايم تسويه كيرلي لون شعرها بني طبيعي قصير عند الكتف عمرها 15 ثالث متوسط
.........
لمى:13سنوات دلوعهـ بقوة عيونها صغار وخشمها حاد وفمها صغير مملوحه حيل
...
محمد: 4 سنواات ملقوووووووووووووووووووووووووووف درجه اولى
............
.
منى :ايوه والله مدري كيف بنتركها
مها : طيب ليش بنتتقل
منى: مدري يأمها والله مدري
فجااةا سمعو صراخ
:حمممممووووووووووود يااكككللب ياحققير
ركضت منى تبي تشوف وش صاير وشافت لمى بالحمام(يكرم القارئ)
منى ومها : شفيك ليش تصارخين
لمى :حمودوه الكلب الززففففت
ذكرى جت تركض ومعها محمد وهي خايفه:وشفيه ليش تصارخون محمد خاف
لمى :محمد الكلب رمى تلفوني بالبالوعهـ (تكرمون)
محمد بابتسامة :هههيههيهيههيهيهيهيههيهيهيههيهيهيهي
ذكرى: حمودي لا تسوي كذا ثاني مره اوك
محمد هز راسه
منى :هههههههاي مقروده لمو
لمى : جب
مها : واك واك واك
لمى :جججججب
ذكرى: خلاص يالمى علامك مكبره الموضوع روحي مع السايق انتي ومنى او مها واشتري جوال وتعالي
لمى : والفلوس .؟
ذكرى: روحي خوذي من بوكي
راحت لمى
ذكرى: مين يروح معها
منى: مها
مها :منى
ذكرى : لاوالله منى قومي لبسي عباتج ونقابج وانتي
...
ركبت لمى مع السايق وركبت معها منى ومها(لان الام اغصبتهم كلهم) ههع
كان السايق قدام والمرتبه الذي وراء كان وراء مقعد السايق منى وبالنص لمى والجانب الثاني مها يعني السايق يشوف مها بالمرأة وبالطريق كانت تلاحظ انه يغمز لها ويتميلح خااافت
وصلو لمحل الجولات
منى : انا بنزل وانتي خلج بالسياره
مها خافت : لا لا بجب معاج
منى : اقول انثبري
نزلت منى ولكى طولو شوي والسايق استغل الفرصة خصوصا ان السيارة مضلله لف ع مها وقال :انتا واجد هيلو
مها تسوي نفسها ماتسمعه السايق عصب ونقزلجنبها مها حاولت تفك الباب شافته مقفل راحت تبي تفتحه من الباب حق السايق لكن السايق مسك رجلها وصارت تدعي بقلبها ان منى ولمى يجون ع طول دقت بوري كثير
.......
منى خذت الجوال هي ولمى وركضو يبون يشوفون شفيها مها ركبت السياره وشكل مها مختبص
منى: شفيكم ضغتو بوري واجد
مها : لا مو إحنا السيارة اللي قدامنها
منى بعدم اقتناع :اها طيب كومارو ودنا البيت
كومارو:هادر مدام
منى بقلبها : مدام بعينك ياحيوان انا انسه احم احم
...
وصلو البيت وشافو ابوهم جلسو وسولفو معاه كان خالد وذكرى ومنى ومها ولمى ومحمد كلهم مع بعض
مها بقلبها(خلاص انا بنسى اللي صار وماراح اركب معاه هالحيوان اشوى ماصار شي)
خالد: يابنات تراء عمكم ابو عمر عنده عشاء بكره
كلهم بصوت واحد:ودنا السوق/ماعندي ملاابس/توك تقول /شسنوي فشله/ عمي بناته كشخه
مع بعض كلهم:قوووم ودنا السوق
خالد: بسسم الله الرحمن الرحيم الحين بروح اصلي صلاة العشاء واذا شفتكم مو لابسين عبيكم ولا جزماتكم مشيت وخليتكم
.......
رجع خالد من الصلاة دخل البيت وراح لصاله ضحك ضحكه طويللللله
.....
انتهى البارت اتمنى عجبكم واتمنى انه كان طووويل ويمكن انزل البارت الثاني اليوم بعد كم ساعه بس ابي ارتاح شوي بعدين ارجع اكتب
التوقعات ابيكم كلكم تجاوبون
التوقعات
...
ليش ضحك خالد.؟
و مها وش رايكم بموقفهاوتصرفها.؟
بيروحون السوق ولا لا.؟
واذا راحو تتوقعون بيصير شي.؟ واذا صار شنو تتوقعون.؟
وش تتوقعون يصير بالعشاء .؟
......
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بارت رائع وجميل يعطيك العافيه ومشتاق
للبارت اللي بعده تحياتي وتقديري لك
__________________________________________________ __________
>>>> الرد الثاني :
اذا كانت الرواية مكررة اتمنى تخبروووووووني
__________________________________________________ __________
>>>> الرد الثالث :
__________________________________________________ __________
>>>> الرد الرابع :
تسلمين روعه
ماشي للبقيه
Sent from my iPhone using منتدى عبير
__________________________________________________ __________
>>>> الرد الخامس :
موفقة بداية حلوة
استمري للنهاية
متابعينك
تحياتي
