ريلي يمر بحالة غريبه بالليل !! تعبت ساعدوني ..!! المومة و الطفل
عنوان الموضوع : ريلي يمر بحالة غريبه بالليل !! تعبت ساعدوني ..!! المومة و الطفل
مقدم من طرف منتديات الضمير العربي
السلام عليكم ورحمة الله وبركاته؛؛
شخباركم خواتي؟؟
انا خايفه وحيرانه ومش مستوعبه اللي يصير ..!
مش عارفه طبيعي أو حسد ؛؛ أو عين ؛؛ أو مس بعيد الشر ..!!
الله يسلمكم ريلي يمر بحاله غريبه اثناء النوم .. أحيانا انش ع صراخه يطيح قلبي من مكانه يكون نايم ويصارخ بصوت غليظ غير عن المعتاد ؛؛ أفز من مكاني وأحاول اخليه ينتبه ؛؛ لما أسأله شو اللي صار هل هو كابوس؟؟
أحيانا يقولي احلم بحد يراوغني بسجينه ..! واحيانا مايذكر شو سبب الصراخ ..!
في يوم من الايام وعلى غير المعتاد وفجأة قام من النوم يصارخ ويفرفر الاغراض اللي فوق الطاوله ومواصل الصراخ وفتح باب الغرفه ويصارخ وطاح ع الزوليه تخيلو لدرجة انه ركب ريوله تقطعت وطلع منها دم من قوة الطيحة !! وانا مبهته احاول انبهه ..! أمسكه اذكر الله لين يرد لوعيه ..!
أسأله بسم الله عليك شو اللي صار .. ابدا ابدا مايذكر ولا شي .. !
وهالحاله ماتيي دوم نادرا.. بس يعاني منها .. سار عند مطوع قرا عليه وعطاه ماي زمزم مقراي عليه .. بس للاسف ردت عليه الحاله ..!
مره مابتصدقون شو صار .. نش من رقاده يصارخ وقلب الكبت !! متخيلين انه الكبت طااح !! الكبت ثقيل وكبير !!
والله يقولي لو انا في وعيي وحاسيتي مستحيل اقدر احرك الكبت ..!!
وايد مضايقني الموضوع انش مفزوعه مش عارفه شو اللي صاير .. وريلي تعب من هالموضوع..!
ماعرف شو الاسباب ..! وشو العلاج ..!
فيدوني يزاكم الله خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اهاااااااااا اختي راح لطبيب نفسي....في ناس يمشون وهم نايمين....
يمكن هو عنده توتر او كبت يطلع على هيئة كوابيس ويطلع التوتر وهو نايم ويصحى يصارخ او يضارب....
يمكن تحليلي للامور...................
انا يوم كنت صغيره كان عندي حلم ان في ناس تركض وراي.....يوم كبرت راح يمكن بسبب خوف او ضغط......
ومره كنت احلم طيارات حربيه.....قرات بعدين.....انه حلم بسبب ايضا التوتو.....يمكن نومي كان ثقيل وكنت مصدعه.....
يعني حاله نفسيه......في ناس تصيبهم حالة رعب فجاءيه.....يراكضون وهم قاعدين بين الناس........
__________________________________________________ __________
>>>> الرد الثاني :
عليكم السلام ورحمه الله الله يحفظه لج اختي ويشفيه يحاول يبصر مع مطوع ثقه وبالقران او يروح لطبيب نفسي وياخذ بلاسباب والحافظ الله
__________________________________________________ __________
>>>> الرد الثالث :
لازم يروح لمطوع ثقة يقرأ عليه
والله يشفيه يا رب
__________________________________________________ __________
>>>> الرد الرابع :
غناتي هاتوا له مطوع من وزارة الأوقاف ،،، و الشوون الاسلامية
بس الحالة الي بمر بها انه يشيل كبت ،،، ما ادري يمكن حالة نفسية
أو انه مسكون
عليج بالرقية الشرعية دوم يوم يرقد اقري عليه
وهو لازم يحصن نفسه و يقرا الرقية الشرعية قبل لا ينام و المعوذات و ايه الكرسي
او انه يحط سماعات في أذنه و يشغل الرقية الشرعية
__________________________________________________ __________
>>>> الرد الخامس :
الله يشفيه يارب. انا برأيي اعرضي حالته علي طبيب نفسي وشوفي يمكن ماره عليه هالحاله من قبل. واستفسري عن مطوع ثقه انتبهي احد يدلج علي مطوع وفي الأخير يطلع دجال وتدخلون في متاهات.
