رواية /ورود واشواك اول ما خطه قلمي..كامله رواية رائعة

عنوان الموضوع : رواية /ورود واشواك اول ما خطه قلمي..كامله رواية رائعة
مقدم من طرف منتديات الضمير العربي

بسم الله الرحمن الرحيم

اخواني اخواتي الاعضاء .. هذه الروايه هي اول ما خطه قلمي في عالم الروايه .. هي روايه افكارها افكار كاتبه مبتدئه والاسلوب ايضا لانها الاولى في عالم كتابتي للروايه .. حبيت انزلها عل وعسى ان تنال على اعجابكم .. بحطلكم 4 اجزاء وبشوف ردات الفعل عندكم ههههههه .. يعني بشوف اذا تعجبكم او لا .. واتمنى انها تعجبكم ..https://v.3bir.net/images/smilies/a.gif

الجزء الاول:

بسيل : رؤى .. يارؤى يلا قومي بلا كسل الحين الدريول بيوصل واحنا ما جهزنا ويدتي قالت انا بنروح من يوصل الدريول على طول.. يلا قومي ..

رؤى : اوووووووووووه يا كثر ما تحنين .. خليني انام واللي يخليج ..

بسيل : مابي مابي مابي قومي الحين يلا ( تمط ( تشد ) اللحاف عنها )
رؤى : زين الحين قايمه بس انتي طلعي
بسيل : ماني طالعه قبل ما تقومين ..
رؤى وهي تقوم : هاااااااه ارتحتي كاني قمت ..
بسيل وهي تبوس اختها : الحييييييييين بطلع يلا بروح البس ارد القاج جاهزه اوكيك .
رؤى :اوكيك يا كيك ..

طلعت بسيل وراحت غرفتها ورؤى قامت ودشت الحمام ..

بسيل : 20سنه تدرس هندسة الكمبيوتر .. بنت جميله جدا .. بيضاء كالثلج .. وجهها صافي من اية شوائب .. شعرها اسود كسواد الليل متوسط في الطول .. عينيها واسعتين لونهما اخضر .. متوسطه في الطول ونحيفه .. طيبه حنونه وهادئه ومتسامحه ..( اسمها معناه الشجاعه والقوه )

رؤى : 19 سنه اخت بسيل تدرس الحقوق .. جميلة جدا كاختها .. بيضاء .. عينيها رماديتين .. ملامحها طفوليه وتدل على البرائه ولكن العكس صحيح فرؤى فتاه لا تسكت عن حقها وتدافع عن نفسها واختها .. فتاه عصبيه .. ولكنها طيبه .. رؤى طويله ونحيفه ..

رؤى وبسيل امهم سوريه .. بتعرفوا قصتها بعدين مع احداث القصه

تجهزوا رؤى وبسيل ولبسوا ملابسهم وعباياتهم ونزلوا للصاله كان الدريول واصل ..
رؤى : يدوه عيل وين عمي سلطان ؟؟
الجده : راح دبي ..
رؤى بزعل : انزين هين يا سلطانوه ان ما راويتك ..
بسيل : هههههه توج متأدبه وتقولين عمي الحين صار سلطانوه ..
رؤى ما ردت توجهت للتليفون وضغطت على ارقام عمها .. معصبه حدها ..
من الجهه الثانيه سلطان شال السماعه ..
سلطان : الووو
رؤى : انت واحد اناني انا ما احبك فاهم لا عاد تكلمني بعد اليوم ..
وسكرت السماعه في وجهه ..
سلطان مااااااااات من الضحك عليها كان يدري بتسوي جذي ..
جاسم : بسم الله شفيك تضحك جذي ..
سلطان : هههههههههههههههههههه هذي بنت اخوي متصله .. عطتني كلام يا جسوم جاااارح قالتلي لا عاد تكلمني بعد اليوم ..هههههههههههه
جاسم : وانت تضحك والله لا اخبرها عليك ..
سلطان : هههههههه لا بس انا كنت عارف انها بتسوي جذي لانها قالتلي بتروح معاي بس انت دخلت بالموضوع ..
جاسم : بس انت ما خبرتني كنت ما رحت ..
سلطان : لا ياخي افضل انت تيي معاي ولا رؤى والله لو يت معاي ما ارجع الا 3 الصبح .. يلا مشينا ..

سلطان : 26 سنه شاب وسيم جدا طويل ونحيف عيونه وساع وناعسه لونهم عسلي .. خشمه ( انفه ) حد السيف حنطاوي .. طيب وحبوب ويحب بسيل ورؤى وااااااايد بس رؤى متعلقه فيه واااايد ..

جاسم : صديق سلطان الروح بالروح .. 26 سنه .. وسيم جدا .. حنطاوي .. عيونه ناعسه ولونهم بني .. جسمه رياضي .. عنده غمازه .. ضحكته تهبل .. طيب وينحب . هادي ..

نروح عند رؤى اللي معصبه بس راحت مع يدتها واختها بيت عمها .. لان التجمع اليوم عندهم ..
بسيل ورؤى صعدوا فوق عند البنات ..وجلسوا يسولفوا ..
رؤى : انا عطشت بنزل اشرب ..
نزلت رؤى وتوجهت للمطبخ .. شربت وبعدين ما كان لها نفس ترد تقابل ريما بنت عمها .. المغروره ..وقفت عند باب المطبخ من برا الجو كان حلو مع انه ظهر بس الشمس ما طالعه .. شكلها بتمطر ..رؤى كانت سرحانه وما شافت اللي دش من البوابه الرئيسيه وكان مبهت فيها .. رؤى كان جمالها يسحر .. المهم الشاب ما قدر يشيل عيونه .. وقف يشوف .. رؤى تحركت ودخلت داخل وما انتبهت ..
بس ما راحت فوق .. طلعت من الباب للحوش ( الجنينه _ الحديقه ) وجلست في الجلسه .. بعد شوي دخل شاب .. ما انتبه على رؤى .. بس رؤى من صدمتها وقفت
رؤى فخاطرها : ما شاء الله عليه ملاك .. منو هذا ؟ ما اعتقد واحد من عيال عمامي ..
بعدين دخل عمها سلطان فعرفت انه رفيج عمها ..
رؤى جلست بسرعه كأنها مو منتبهه ..
سلطان شاف رؤى جالسه : اقول جسوم ادخل المجلس انا بيي بعد شوي
جاسم : اوكي

جاسم راح المجلس .. وسلطان توجه لرؤى .. مسك كتوفها من ورى ..
سلطان : القمر ليش قاعد هني بروحه ..
رؤى ما ردت ..
سلطان : رورو حبيبتي زعلانه مني ..
رؤى : انت سويت شي يزعل اصلا ؟
سلطان : لا عيل زعلانه والله يا رؤى كنت باخذج معاي بس جاسم صديقي قالي بروح معك وانت تعرفين منو جاسم بالنسبه لي .. ما اقدر ارده وبعدين مو حلوه اقوله لا ما تروح بنت اخوي بتروح معاي ..
رؤى: اوكي
سلطان : شنو افهم من هالاوكي ..
رؤى : لا تفهم شي ..
وقامت بتروح .. مسكها سلطان وضمها في صدره ..
سلطان : رؤى لا تزعلي مني والله ما اقدر اشوفج زعلانه ارجوج رؤى ..
لما شالت رؤى راسها من صدره شافت دموعه ..
رؤى : عمي ليش تصيح .. لا يا عمي انا كنت امزح معاك .. والله يا عمي لو ازعل من العالم كله منك لا يمكن ازعل .. ارجوك عمي لا تصيح ..
سلطان : خلاص .. دشي داخل وفي البيت بنتفاهم ..
رؤى باسته على خده وراحت ..

لما دخلت من الباب شافت ريما بنت عمها ..
ريما : ليش يايه تركضين .. ايوااه منو كنتي تقابلين برا اعترفي
رؤى : شنو .. انتي افكارج خايسه مثل ويهج تصدقين ..
ريما : احترمي نفسج ..
رؤى : لما انتي تحترمي نفسج ..
ريما : انتي وحده خايسه .. تلعبين من ورا ظهورنا .. بس هين انا اراويج .. اعترفي منو مقابله برا ..
رؤى : جب ولا كلمه صدق لي قالوا كلن يرى الناس بعين طبعه ..
ريما : بنت السوريه .. اكيد السوريه علمتج هالشي لما رحتيلها في الصيف ..
رؤى عصبت : جااااااااااااااااااااااااب ( وعطتها كف قوي ) ..
ريما ركضت وخبرت ابوها ..
خالد ( ابو وليد ) : رؤى .. يا بنت السوريه طلعيلي .. ليش تنخشين ..

رؤى : كاني طلعت .. ومو منخشه لاني مو خايفه منك ولا من بنتك الخايسه ..
ابو وليد : لا والله وتردين علي يا بنت الخايسه ..
رؤى : لهني وبس .. امي اشرف منكم كلكم .. فاهم كلكم ما تسوونها ..
ابووليد : احترمي نفسج .. انا الحين اكلمج بهدوء ولا ترفعي صوتج ..
بسيل نزلت وشافت اللي يصير .. كانوا واقفين في الصاله وما احد في الصاله ..
بسيل : خير شو صاير ..
ابووليد : اختج المحترمه مدت ايدها على بنتي وانا كله ولا احد يزعل بنتي ..
رؤى بسخريه: ياربي فديتها انا الدلوعه النونو هاي صارت مثل البقره وبعدها دلوعه ..
ابووليد : تراج تتعدي حدودج ..
رؤى : انت عمي على عيني وراسي بس انك تغلط فأمي هذا اللي ما راح اسمحلك فيه ..
ابووليد : تعالي ضربيني احسن ..
بسيل : لا احنا اسفين يا عمي ..
رؤى : انتي اللي اسفه انا لا ..
ابووليد : صج انج خايسه مثل امج ..
رؤى عصبت : انت واحد قاسي واناني وما تحب الا نفسك ..
ما حست رؤى الا كف نزل على ويهها ..
تجمع الكل .. سلطان راح لرؤى وبسيل ومسكهم
سلطان : يلا بنروح بيتنا احسن ..
ابووليد : وانا اقول من وين البنت متعلمه قلة الادب .. والله مو يايبته من بعيد من عمها الاستاذ سلطان ..
سلطان بعصبيه : سكت وايد : ياما سمعتك تسب بنات اخوي اللي للاسف هم بنات اخوك بعد .. بس اليوم ما راح اسكت .. ياخي ارحمهم وايد ظلمتهم انت ما تحس هذولا بنات اخوك .. محتاجين احد يوقف جنبهم .. عمرك ما قلتلهم كلمه حلوه ..
حس فيهم هذول يتامى .. ياخي انت ما عندك قلب .. يلا رؤى بسيل مشينا .. يلا يمه ..
مشوا كلهم وراحوا بيتهم ..
في البيت رؤى كانت تصيح بهدوء في حضن عمها .. وبسيل دموعها تنزل بغزاره وعمتها اميره تخفف عنها ..
اميره : بس يا بسيل بس يارؤى خلاص انسوا .. خالد طول عمره قاسي ما احد سلم من انانيته وقساوته الا ريما اللي طلعت مثله ..
ام خالد كانت تبكي ..
سلطان : بس يا يمه انا من وين بلاقيها ولا من وين .. بس سكتوا خلاص .. ما عاد نروح بيته مره ثانيه ..
رؤى : أي عمي ما ابي اروح بيته .. عمي ..
سلطان : عيونه ..
رؤى : ليش عمي يعاملني جذي انا نفسي عمي خالد وعمي حمدان وعمتي اسماء يحبوني مثل ما انت وعمتي اميره تحبوني .. اهمه ليش ما يحبوني ..
سلطان : كافي حبنا لج خليهم يا حبيبتي الله فوق ويشوف ..
( في هاليوم بينت نقطة ضعف رؤى .. رؤى انسانه حساسه بس ما تحب تظهر هالشي مثل ما بسيل تظهره ..رؤى تحب اسرتها وايد وكانت تتمنى في يوم ان عمامها يحبونها .. بس اليوم بعد ما خذت كلام جارح من عمها وكف على ويها صارت تكره عمها .. رؤى مو من النوع اللي ما يسامح بسهوله ..)

برأيكم شو اللي راح يصير ؟؟
في نقطه نسيناها .. سلطان ليش بكى لما كان مع رؤى في الحديقه ؟؟
رؤى حبت جاسم ولا مجرد اعجاب ؟؟
منو اللي كان يشوف رؤى لما كانت واقفه عند باب المطبخ ؟؟
بسيل هل راح تظل على حالها والا راح تصير اقوى مثل اختها ؟؟
كل هالشي في الجزء الثاني ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الجزء الثاني :

صحت رؤى من النوم وهي تحس خدها مورم ..
رؤى : الله يسامحك يا عمي ..
دخلت بسيل عليها ..
بسيل : صباح الخير ..
رؤى صباح النور
بسيل : هههههههههههههه
رؤى شفيج ؟؟
بسيل : شوفي خدج شلون صاير ..
رؤى : لا والله يضحك وايد ..( رمت عليها المخده )
ركضت بسيل برا ورى وراها ..
رؤى : تعالي اراويج يا بسوله ..
بسيل : شوفي شكلج بالمنظره شلون صاير ..
رؤى : راح اسويلج مثله بس تعالي..
بسيل تقدمت رؤى وانخشت عنها .. رؤى اصطدمت بشي كبير وطاحت على الارض ..
قامت وشافت .. طلال ولد عمها قدامها ..
رؤى في نفسها : شيايبك انت من الصبح ..( تذكرت انها مو لابسه حجاب) . اووووو ( ركضت فوق )
طلال في نفسه : ياربي شحلاتج .. ما ادري شو سويتي فيني من يوم ما شفتج امس عند باب المطبخ ..
سلطان : طلال .. طلااااااااااااااااااال ..
طلال : هلا عمي ..
سلطان : صارلي ساعه اناديك وانت مو معي ..
طلال : لالا معك ..
طلعت بسيل والتقت مع عمها وطلال ..
بسيل : صباح الخير ..
طلال وسلطان : صباح النور
مشت بسيل بتطلع فوق ..
سلطان : وين ؟؟
بسيل : راح اطلع فوق ..
سلطان : بسيل ترى طلال ما له خص باللي سواه ابوه
بسيل : ادري يا عمي بس انا بطلع اشوف رؤى ..
سلطان : اوكي ..
طلعت بسيل فوق ودخلت غرفتها .. نامت على سريرها ..
بسيل : آآآآآه
دخلت رؤى عليها ..
رؤى : كاني سمعت آآآه .. ليش عاد شو صاير ؟؟
بسيل : هاه لا ماكو شي ..
رؤى : لا اكو شي خبريني
بسيل : انا احب..
رؤى : اعرف هالشي من زمان ..
بسيل بإستغراب : شنو من متى ؟؟
رؤى : اممممم من زمان ما ادري متى .. تحبين طلال صح ؟؟
بسيل : أي
رؤى : والله اختي كبرت وقامت تحب .. كاهو عندج اياه تحب قومي روحيله ..
بسيل : تستخفين دم حضرتج ..
رؤى : ما ادري يمكن .. تصدقين صدمت فيه من شوي لما كنت اجري وراج ..
بسيل : عسى ما عورتيه ..
رؤى : لا والله خايفه عليه وانا لا ..
بسيل : قومي يلا من ويهي
رؤى : عاد انا مايته واقابل ويهج بروح اقعد بداري واذاكر احسن ..
بسيل : احسن ..
طلعت رؤى وراحت دارها فتحت الشباك .. شافت نفس الشاب اللي شافته امس مع خالها
رؤى : ياربي انت شو سويت فيني من امس وانا افكر فيك ..

طلال : 23 سنه شاب وسيم وحليو .. طويل ونحيف .. حنطاوي وعيونه عسليه .. ابتسامته تريح القلب .. طيب وحبوب وهادي وما يعبر عن اللي بقلبه كتوم وايد ..
.................................................. ........
الصيف قرب والناس تحب تسافر بالصيف .. طبعا بسيل ورؤى يسافرون عند امهم بس عمهم خالد هالصيف ركب راسه واصر انهم يسافرون معاه ..
عمهم خالد زارهم بالليل ..
خالد : وين بنات اخوك ؟؟
سلطان : مو بنات اخوك بعد ..
خالد : سلطان تراني معصب حدي وينهم قوم ازقرهم لي ..
سلطان : انزين ..
رجع سلطان ومعاه بسيل .. رؤى ما رضت تنزل ..
وسلمت على عمها اللي سلم عليها بجفاء..
خالد : سمعي انتي واختج هالصيف ما راح تسافرون عند امكم ..
بسيل : ليش عمي ؟؟
خالد بعصبيه : سمعي كلمه وقلتها وما راح اعيدها سفر عند امكم مافي سمعتي..
رؤى سمعت هالكلام ونزلت وهي معصبه حدها ..
رؤى : لا والله ومنو انت علشان تقول رأيك ..
سلطان : رؤى ..
خالد : خلها هاي لسانها اطول منها .. بس انا ما راح ارد عليها .. انا قلت سفر مافي واذا تحديتيني بتشوفين شنو راح يصيرلج ..
رؤى : انت شو انت مستحيل تكون انسان .. انت بدون قلب ولا احاسيس .. بس الله فوق .. الله يمهل ولا يهمل ..
خالد : يلا روحي قامت تتفلسف بعد ..
رؤى : عيل عناد فيك السنه بسافر عند امي وبشوف اذا بتقدر تمنعني ..
خالد : روحي وشوفي شبسوي فيج ..
طلع خالد معصب حده ..
سلطان : ليش جذي يا رؤى ؟؟
بسيل : ياما قلتلها مهما كان هذا عمنا ..
رؤى : يخسي يكون عمي .. الله لا يسامحه .. الله يراويه اللي يسويه فينا في بنته المغروره ..
سلطان : بس يا رؤى لا تدعين على انسان مهما كان ..
رؤى : استغفر الله بس والله من القهر اللي فيني يا عمي ..

سلطان : ما عليه هونيها وتهون ..
..............................................
ريما : هلا والله شلونج يا قلبي ؟؟
علي : تمام عمري شلونج انتي ؟؟
ريما : صرت احسن لما سمعت صوتك ..
علي : فديتج والله .. اخبارك واخبار الدراسه ؟؟
ريما : والله ماشيه تمام ..
علي : أي فديتج ابيج تنجحين ..
ريما : اوكي علشانك راح انجح ..
علي : مو قلتي بنطلع مع بعض ..
ريما : أي يا قلبي بس شسوي ماكو وقت ..
علي : افاا ماكو وقت لي انا ..
ريما : خلا ص علاوي خلها وقت ثاني .. اقول يلا باي باي احد ياي صوب غرفتي ..
وسكرت الخط ..
.................................................. ...............

رؤى مصره انها تروح عند امها وتتحدى عمها .. سلطان وبسيل وعمتها اميره والكل كان ينصحها بس اهي راكبه راسها ومصره .. اتصلت بأمها وامها اقنعتها وقالتلها ان اهي اللي بتيي عندهم بس ما يخبروا عمهم .. وافقت رؤى ..
رؤى : والله لو مو امي كنت بروح غصبا عليه ..
الجده بعصبيه : رؤى عيب مهما كان هذا عمج ..
رؤى عيونها دمعت : يدتي يعني عاجبج اللي يسويه فينا .. ما كفاه اللي سواه في امي .. ظل وراها هي وابوي لين ما طلقهم من بعض .. اول شي زوج ابوي .. بعدين سوا المشاكل بينه وبين امي .. راح اسامحه على أي شي الا انه يتهم امي بشرفها .. امي انسانه شريفه واشرف من الشرف نفسه ( تشهق من كثر البجي ) واحنا انا واختي يتهمنا بشرفنا اهو وبنته .. انا عمري ما شفت عم جذي .. احنا بنات اخوه وشرفنا من شرفه معقول يدتي .. انا ما اقول كلام عنه الا من قهري .. اذا بسيل هاديه وما تعرف تدافع عن نفسها فأنا مو جوده وبدافع عن اختي وامي ..

ركضت رؤى فوق لغرفتها والجده تبكي ..
الجده : الله يهديك يا خالد .. الله يهديك ..

بسيل ورؤى امهم سوريه .. تزوجها ابوهم لما كان في زياره لسوريا من سنين .. رد البلاد وحط اهله قدام الامر الواقع .. ابوه وامه شافوا انها بنت زينه ومحترمه فوافقوا بس اخوانه وخصوصا خالد ما وافق وظل يجري وراه لين ما زوجه .. يوم كانت ام بسيل ورؤى حامل ببسيل .. تزوج ابوهم من مواطنه .. كانت طيبه وتفاهمت مع ام بسيل .. بس اخوان ابوها ما كانوا راضين عن هالشي فضلوا يخلقوا المشاكل وابو بسيل بطبعه بارد .. ما كان يقدر يرد على اخوانه .. السوريه طفشت وطلبت الطلاق .. سافرت وكانت رؤى عمرها 9شهور .. وبسيل سنه اخذتهم معاها وربتهم لما صار عمر رؤى سنتين وبسيل 3 سنوات .. ابوهم اخذهم وردهم البلاد .. وخلاهم عند امه اللي هي جدتهم .. توفى ابوهم وتركهم يواجهوا اعمامهم وحدهم .. رؤى وبسيل عندهم اخ واخت من ابوهم واخ من امهم اللي تزوجت من سوري وعاشت حياتها بس ما نست بناتها اللي كانوا يزوروها كل صيف .. بس عمهم يريد يمنعهم من زيارتها الحين ..

.................................................. ....................
شو راح يصير ؟؟
رؤى وبسيل شو راح يسووا علشان عمهم ما يعرف بقدوم امهم للبلاد ؟؟
ريما من كانت تكلم على التليفون ؟؟
بسيل شو راح تسوي مع طلال .. اللي تحبه واهو يحب اختها ؟؟
رؤى تحب صديق عمها والا مجرد اعجاب ؟؟
كل هذا في الجزء القادم ..

__________________________________________________ __________

>>>> الرد الثاني :

الجزء الثالث .

رؤى : بسوله ..
بسيل : هلا ..
رؤى : شلون بنخلي امي تيي بدون ما عمي يدري..
بسيل : صراحه ما ادري انا خايفه على امي من عمي هذا ..
رؤى : يخسي يسويلها شي والله اراويه الوجه الثاني لي..
بسيل : لا والله ارجوج راويني اياه اول مره اعرف ان لج وجه ثاني ..
رؤى : والله قامت تنكت البنت انتي شصاير عليج هالايام ..
بسيل : ما صاير شي بس ابغي اطيب الجو .. خلينا نفرفش شوي .. مو كله هم وحزن ..
رؤى : كله من هالعم الله لا يراويه يوم سعيد ..
بسيل : رؤى ليش تدعين جذي والله انج تخوفيني منج ..
رؤى : من قهري يا بسيل من القهر اللي فيني ..
( بكت رؤى ولمتها بسيل في حضنها )

.................................................. ................
طلال : ما ادري شصاير فيني يا عمور..
عمر : طحت وما احد سمى عليك ..
طلال : آآآآآآه لما اشوفها احس قلبي يدق واخاف لا انفضح ..
عمر : وهي شلون معاك ..
طلال: ولا حاسه فيني ..
عمر : حب اللي يحبك يا رفيجي .. والا بتندم اذا كانت البنت تعتبرك مثل اخوها ..
طلا : الله لا قال ياخي ليش تخليمي أيئس ..
عمر : يا رفيجي انا خايف عليك .. لا تتعلق فيها اكثر انصحك ..
.................................................. .......................
بدت الاختبارات وكل واحد لأهي بالدراسه والمذاكره ..
رؤى بغرفتها دخل عليهاعمها ..
سلطان : هاااه شخبار الدراسه ؟؟
رؤى تمااااااام
سلطان : ابي امتياز وما برضى بغيره ..
رؤى : ان شاء الله .. ( رؤى تذكرت شي كانت ناسيته ) عمي ممكن سؤال ؟؟
سلطان : نفضلي ..
رؤى : عمي تذكر الجمعه لما كنا ببيت عمي .؟؟
سلطان : أي اذكر شفيها ؟؟
رؤى : انت لما كنا انا وانت في الحديقه بكيت ليش ؟؟
سلطان : رؤى نسيت جاسم رفيجي يبيني اسف مره ثانيه يلا باي ..
طلع سلطان ..
رؤى : ليش كل ما اسئلك تتهرب مني شصاير ؟؟
.................................................. ............
ريما : هلا حبيبي ..
علي : هلا فيج يا قلبي شلون المذاكره ..
ريما: والله توني قاعده اذاكر ..
علي : قطعت عليج عيل ؟؟
ريما : لا بس تعبت وانت دقيت بوقتك ..
علي : عيل خلينا نسولف ..

ريهام اخت ريما كانت ماره من جنب غرفة اختها وسمعت اختها تتكلم ..
ريهام : هذي مع منو تتكلم ؟؟
فتحت الباب ..
ريهام : ريوم مع منو تتحجين ؟؟
ريما بإرتباك : هاه لا هذي تهاني رفيجتي كنت اسئلها سؤال وخلصت ..
ريهام : اوكي لا تطولي ذاكري زين ..
نتكلم عن ريما شوي ( ريما عمرها 19 سنه تدرس فنون .. بنت مدلعه أخر درجه من قبل ابوها وما احد يقدر يقولها كلمه .. ابوها يحبها لأنها اخر العنقود .. وبعد لأنها طالعه عليه حقوده وقاسيه ومغروره .. ريما بنت جميله وهني المصيبه مغروره اكثر على الناس لأنها حلوه وغنيه لا وبعد تكلم شباب بالتليفون )
ريهام : 21 سنه بنت جميله جدا عكس اختها مؤدبه ومحترمه وطيبه وحنونه حيل ..
.................................................. ..........

سندس : اقول حنونه ..
حنين : قولي يا كثر ما تهذرين ..
سندس : ما تلاحظين ان طلال ولد عمي يحب ..
حنين : شنو ومن هذي اللي يحبها ؟؟ وانتي من وين عرفتي ؟؟
سندس : مايبيلها تفكير .. يحب رؤى بنت عمي الله يرحمه ..
حنين : ومن وين عرفتي ؟؟
سندس : تذكرين لما عمي ضربها .. والله نفسي ادعي عليه بس حرام ..
حنين : انزين كملي ..
سندس : شفت طلال شكله تغير ويهه صار احمر وعصب والله اني خفت منه .. يعني لو ما عمي ابوه كان كفخه ..
حنين : انتي شتقولين تخرفين ..
سندس : والله ما اخرف وانا اللي اعرف نظرات اللي يحب .. وبعد كذا مره اشوفه يطالعها غير ..
حنين : تصدقين انا بعد لاحظت انه يطالعها غير ويخجل منها غير عنا حنا يكلمنا عادي الاهي وبسيل يخجل منهم ما ادري ليش ..
سندس : الايام بتكشف المستور ..

سندس:18 سنه تدرس برمجيات .. بنت جميله جدا .. ذكيه .. طيوبه وحبوبه .. وحشريه ..
حنين : 23 سنه تشتغل في شركة العايله .. جميله وحبوبه وطيبه ..
( بنات عم بسيل ورؤى ( حمدان ))

.................................................. ............................................

رؤى : يدتي ..
الجده : هلا يمه شبغيتي ؟؟
رؤى : بسألج سؤال وتجاوبيني بصراحه ..
الجده : اول شي خلصتي مذاكره ؟؟
رؤى : خلصت وقفلت الكتاب وخلاص ..
الجده : يلا سألي ..
رؤى : عمي سلطان شقصته ..؟؟
الجده : أي قصه ..
رؤى : ليش كل ما اقوله انا زعلانه منك يبجي .. والله حيرني ..
الجده دمعت عيونها : عمج .. والله ذكرتيني بسالفه ناسيتها من زماااااااااااان
رؤى : خبريني شو هي ..
الجده : من كم سنه عمج كان يحب بنت جيران كانوا ساكنين جنبنا .. خطبها واهلها وافقوا وتمت الملجه .. كنت اشوف في عيونه الفرح والسعاده كل يوم .. بس في يوم اختفت هالسعاده ..
رؤى : شو السبب ..
الجده : هالبنت ماتت مع امها وابوها في حادث سياره ..
رؤى : الله يرحمها ..
الجده : والمصيبه ان عمج والبنت كانوا متزاعلين قبل ما تموت ومن يومها عمج ما يحب احد يزعل منه علشان لا يروح واهو زعلان منه ..
رؤى : الله يعينك يا عمي ..

.................................................. ...........................................


يوم النتايج ..
رؤى وبسيل راجعين من الجامعه ماخذين النتايج ..
رؤى : يدتي .. يدووووووه .. يدتييييييييييي
الجده : هاه يمه بشروا ..
بسيل : نجحنا يدتي وبأمتياز ..
الجده : مبروك يا يمه مبروك .. وبنات عمكم ..
رؤى : سندس جيد جدا .. وبشاير بنت عمتي اسماء امتياز ..
الجده : وريما ؟؟
رؤى بسخريه : لا هذي عاد يابت اكثر منا ..
بسيل : رؤى بلا مصخره .. يدتي ريما شلت مادتين ..
رؤى : الله يمهل ولا يهمل ..
الجده : الله يوفقها ..
.................................................. .................................................
بيت العم خالد ..
ام وليد : ان ابي اعرف انتي شو كنتي تسوين .. لا تقوليلي كنت اذاكر يمه .. انتي ما فتحتي كتاب .. فضحتينا كل بنات العايله امتياز وجيد جدا .. وانتي شاله مادتين .. شو ناقصج دلع ومدلعه كل شي يجي لعندج .. بس هذا كله من ابوج ..
ريما بلامبالاه : عادي يمه ..
ام وليد منقهره : والله انج وحده تبي تربيه من اول وجديد ..
طلال : هاه يمه شفيكم ؟؟
ام وليد : اختك الفالحه شاله مادتين ..
طلال : شنو مادتين ..
ريما : وليش مستغرب اول مره احد يشل مواد ؟؟
طلال : لا مو اول مره بس انتي ما كان ناقصج شي .. بس تعرفي كان شي واحد ناقص تعرفي شو ؟؟
ريما : شو ؟؟
طلال وهو ياخذ شنطتها : اني اسحب الموبايل منج ..
ريما : رجع موبايلي والله اخبر ابوي ..
طلال: انتي هذا اللي مضيعج ابوي ..
ريما : هات موبايلي ..
رن الموبايل .. وكان مكتوب على الشاشه علياء ..
طلال : منو عليا ؟؟
ريما : هات هذي رفيجتي ..
عطاها طلا ل الموبايل وركضت فوق ..
ريما : الو علي شلونك ..
علي : تمام يا قلبي شفيج ؟؟
ريما : الموبايل لما رن كان بأيد اخوي بس لحسن الحظ مسجلتك عليا ..
علي : عليا مره وحده ..
ريما : هههههههههههههه
علي : فديت الضحكه عساها دوم ..
ريما : تسلم ..
علي : شخبار النتايج ؟؟
ريما بزعل : شليت مادتين ..
علي : لالالا انتي قلتيلي بتنجحين ..
ريما : بس انت كنت تتصل وايد وما تخليني اذاكر ..
علي : اوكي من اليوم ليما تخلصين امتحان المادتين ما راح اتصل فيج..
ريما : لا علاوي والله اموت انا ما اقدر بدونك ..
علي : بس علشان تنجحين اوكي ..
ريما : اوكي ..
علي : باي يا قلبي ..
ريما : باي حبيبي ..
.................................................. .................................................. ...
رؤى : الو هلا نزار شلونك حبيبي شخبارك ؟؟ انا الحمدلله بخير.. متى باجر .. امي ما راح تيي .. اوكي حبيبي ننتظرك .. مع السلامه ..
سكرت السماعه ..
رؤى : امي ما راح تيي الا بعد 3 اسابيع لان جدتي مريضه .. نزار بيجي مع ربعه سياحه باجر .. عاد قال بيزورنا ..
بسيل : فديته مشتاقتله وايد ..
الجده : الله يخليكم لبعض ..
رؤى : يدتي ..
الجده : نعم يمه ..
رؤى : وين اخوانا من ابوي ليش ما نعرف عنهم شي ..
الجده : لما مات ابوج امهم اخذتهم وما ادري وين راحت .. قالت انها لما تشوفج انتي واختج تحس بالذنب لانها فرقت بين ابوج وامج ..
رؤى : نفسي اعرف اخواني ..
بسيل : الله يجمعنا فيهم ..
رؤى : آمين
.................................................. ...........................................
رؤى : هلا والله حياالله من يانا ..
نزار : الله يخليكي .. كيفكم اخباركم ؟؟
بسيل : هلا نزار ما شاء الله صاير ريال ..
نزار : اكيد بدك ياني اضل صغير ..
رؤى : تعال حبيبي ادخل ..
دخل نزار وسلم على الموجودين ..
سلطان : اخبار سوريا ؟؟
نزار : تسلم عليكن ..
سلطان : الله يسلمها .. عيل وين اصحابك ؟؟
نزار : ما بعرف يمكن راحوا يتمشوا ..
رؤى : ما يبتهم هني ..
نزار : لا خليهم ..
بسيل : شخبار الدراسه ؟؟
نزار : والله ماشيه الحمد لله
سلطان : انت بأي صف ؟؟
نزار : آخر سنه ثانويه
سلطان : يلا بالتوفيق ..
نزار : مشكور ..
.................................................. .........................................
اختبرت ريما وجابت معدا جيد .. طبعا ابوها ما قال شي هذي بنته العزيزه .. جا يوم سفر العوايل ..
ابو وليد : يمه وينهم بنات ولدج ؟؟
الجده : ما يبون يسافرون وانا بقعد معاهم ..
ابووليد : لا بيمشون قدامي ..
الجده : يا وليدي خلهم على راحتهم وانا اوعدك انهم ما بيسافرون لأمهم ..
ابووليد : انزين يمه بخليهم بس والله اذا راحوا والله لتشوفون شي مني ما شفتوه ..
سافر خالد مع عياله بس طلال ما سافر .. وحمدان وعياله الا ولده حمد اللي جلس ويا طلال .. واسماء وعيالها ..
.................................................. ...............................................
رؤى اتصلت على امها وخبرتها تيي البلاد
رؤى : متى بتيي يمه ؟؟ بعد باجر ..اوكي .. ايوه شفت نزار ييبيه معاج مره ثانيه اوكي يمه بسيل ويدتي والكل يسلم عليج باي ..
.................................................. ...........................................
يوم وصول الام ..
وصلت الام راحت رؤى وبسيل وعمهم سلطان واستقبلوا امهم ..
سوزان وهي تضم بناتها : اشتقتلكم يا ماما كتير ..
البنات : واحنا اكثر يمه ..
في البيت ...
الجده : يا هلا والله ببنتي سوزان ..
سوزان : هلا فيكي خالتي ..
اميره : كيف سوريا ..
سوزان : والله تمام ..
اميره : انا هالسنه بروح لبنان وان شاء الله امر على سوريا ..
سوزان : اهلا وسهلا فيكي ببلدك التانيه ..
.................................................. ...............................................
امضت سوزان مع بناتها اجمل الاوقات وبعدين رجعت سوريا ..

رؤى : آآآه والله كان حلو وجود امي ويانا
بسيل : أي والله صدق وااااايد حلو وجودها بينا والله مامداها تروح عنا الاوانا مشتاقهلها
سلطان : بنات شرايكم اعزمكم اليوم على الغدا في افخم مطعم ..
رؤى : انا موافقه نفسي اطلع واشم هوا ..
بسيل : وانا بعد بس اخاف نخسرك ..
سلطان : خسروني مثل ما تبون انا من لي غيركم يا بناتي ..
رؤى: ههههههههههههههه احلى بنات الابو عمره 26 والبنات وحده 20 والثانيه 19 .. يعني تزوجت وعمرك 6 سنوات ..ههههههههههههههه
بسيل : أي والله ههههههههههه بس انا افتخر انك ابوي ..
سلطان : يلا بلا هذره قوموا لبسوا لا اغير رأيي ..
البنات : لالالا قايمين ..
.................................................. ..........................................
راحوا بسيل ورؤى مع عمهم سلطان للمطعم اللي كان راقي وحلو ..
جلسوا على طاوله ..
سلطان: هاه شو تاكلون ..
رؤى : عمي ماكو اتكيت اول شي نشرب شي وبعدين ناكل مقبلات وبعدين الاكل وبعدين التحليه ..
سلطان فتح عيونه : لا بالله فلست ..
بسيل : ههههههههههههههههه محد قالك ..
رؤى : مو انت قلت خسروني مثل ما تبون ..
سلطان : عاد مو جذي ..
حمد وطلال : السلام عليكم ..
سلطان : بسم الله انتوا من وين طلعتوا ..
حمد : يايين نتغدى وشفناك ووياك هالغراشيب ..
رؤى: أي انت عيب احنا بنات عمك ..
حمد : انتي اكيد رؤى ..من صغرج لسانج طويل ..
رؤى بغضب : مو اطول من لسانك ..
سلطان : قلبتوها ساحة معركه .. قعدوا يلا بنتغدى كلنا مع بعض ..
رؤى : انا ما بتغدى وهذا موجود ..
حمد : احماحم حمد بن حمدان ..
رؤى : ما قلتلك عرفني عليك مو مستعجبه ..
حمد : افااا يابنت العم ..
سلطان : حمود بس خلاص ..
حمد : اوكي ..( غمز لرؤى ) وضحك عليها لما قفطت ..
طلال كان ساكت ويطالع رؤى .. وبسيل تطالع طلال ..
تغدوا ورؤى وحمد ما وقفوا ضرابه .. كل واحد يقول كلمه .. ردوا كلهم البيت والجده ما خلت طلال وحمد يروحوا اصرت يناموا عندهم لين ما يردوا اهلهم من السفر ..
في الصاله ..
حمد يغني بصوته الحلو : القلب سلملك امره في حالتي وانت ادرى يالي حنانك وطيبك ينحط عالقلب يبرى شفاف يا نور عيني حبوب قلبك يبيني زهرة شبابي وسنيني تفداك الفين مره ..
بسيل : ماشاء الله صوت وايد حلوووووو..
حمد وهو يطالع رؤى : احم احم تسلمين ياللي تعرفين الذوق ..
رؤى بعصبيه قامت : عمي انا بطلع داري لما يفضى المكان خبرني ..
سلطان : هههههههههههههههه انزين ..
حمد : يابنت العم شفيج عصبتي ..
رؤى : مالك دخل ..
حمد : من هذا مالك هاه ..
رؤى : والله انك بايخ ..
حمد : آآآه جرحتيني ..
رؤى غصبا عليها ضحكت من تعليق حمد .. ومشت وطلعت دارها .. نامت على الشبريه مالها ( السرير ) وهي تتذكر اللي سواه اليوم حمد ..
رؤى : والله انه مسلي بس يقهر بس على الاقل احسن من طلالوه هذا اللي ما يتكلم ابدا كله مبهت ويطالع ..

رؤى حبت حمد والا بس مجرد اعجاب بشخصيته ؟؟
وجاسم وين راح من بال رؤى ؟؟
حمد حب رؤى والا بس طبيعته المغايض ؟؟
طلال شو بيسوي مع رؤى ؟؟

__________________________________________________ __________

>>>> الرد الثالث :

الجزء الرابع :


في لندن
سندس : تصدقين كان خاطري بسيل ورؤى معانا بس كله من عمي ..
حنين : الله يسامحه ..
دخلت عليهم فجأه ريما
ريما : شو تهذرون انتي وياها ..
سندس : لا والله وانتي شلج .. اخت واختها يسولفون انتي شدخلج ..
ريما : كلتيني بقشوري ..
سندس : والله عدلي اسلوبج لما تتحجين ويا الناس ..
ريما : اسلوبي جذي وما بغيره كيفي ..
سندس : والله عيل تحملي اللي بييج
ريما : ما ادري انا ليش مقابله ويهج ..
سندس : عاد انا مايته واقابلج ..
حنين : بس انتي وياها استوت هاي ساحة معركه ..
ريما : انا ما عندي سالفه جالسه اتكلم ويا ياهل ..
سندس : ما احد ياهل الا انتي يا دلوعة ابوج ..
ريما : ويييييي غيرانه ليش ان ابوي مدلعني ..
سندس : ههههههه لا حبيبتي انا ما اغار من هالاشياء التافهه لاني اشكر ربي انا ابوي ما دلعني والا يمكن اكون استويت مثلج يا ....
ريما خافت : مثلي شو تحجي انت وحده قليلة ادب ..
سندس بسخريه : عادي عندي واذا خاطبهم الجاهلون قالوا سلاما ..
نامت سندس على سريرها وتلحفت ..
ريما خرجت مقهوره وراحت غرفتها ..
سندس : ههههههههههههههههههه قهرتها ..
حنين : والله انج مو سهله ..
سندس: اعجبج ..
حنين : والله ان ما احد قادر عليها غيرج انتي ورؤى ..
سندس : خل اتصل على رؤى ..
اتصلت ..
رؤى : هلا والله بالقاطعين ..
سندس : ههههه هلا حبيبتي شخبارج وشخبار الكل ؟؟
رؤى : الحمد لله يسلموا عليج ..
سندس: الله يسلمهم .. ابشرج ..
رؤى : بشو ..
سندس : توها الدلوعه كانت عندي في الغرفه من شوي ..
رؤى : وييييي وكيف استحملتي ..
سندس : لا ابشرج قهرتها وطلعت مقهوره ..
رؤى : زين سويتي فيها والله انا اقول ليش احبج طالعه علي ..
سندس: تلميذتج استاذه ..
رؤى : ايوه كفو احسن تلميذه ويايبه امتياز بعد ..
سندس : تسلمين يا استاذه .. الا اقول شخبار الاجازه معاكم ما طلعتوا ..
رؤى : الا عمي سلطان كل يوم يطلعنا مكان ..
سندس : ايواااااااااه انا اراويه عمي لما نكون احنا موجودين ما يطلعنا ..
رؤى : والله عندج اخوج هالهرم حمد .
سندس: اكيييييييييييييييد مسوي شي اخوي واعرفه ..
رؤى : والله هلكني البارحه قهرني ..
سندس : اعرفه يحب يغايض حتى انا يسوي معي جذي ..بس وين جفتيه ..
رؤى : عمي كان ماخذنا نتغدى برا وشفناه اهو وطلال بس تصدقي احسن من طلال على الاقل يسولف يتحجى مو ساكت ومبهت ما ادري شو شايف فيني ..
سندس : يا غبيه فهميها وهي طايره ..
رؤى : شو تقصدي ..
سندس : طلال يحبج يالغبيه ..
رؤى باستغراب : شووووووووو
سندس : من فتره انا وحنين كنا نسولف في هالسالفه والله ان طلال يحبج ..
رؤى : وانا اقول ليش لما يشوفني يتم مبهت فيني .. لا مو معقول ..
سندس : شو هو اللي مو معقول ..
رؤى : هاه ولا شي اخليج الحين سلمي على الكل ..
سندس : يوصل مع السلامه ..
سكرت رؤى الخط وتمت تفكر .. معقول طلال يحبني انا لا مستحيل وبسيل .. يا حبيبتي يا اختي ..صدق انك ما عندك ذوق يا طلالوه تترك بسيل القمر وتيي صوب النجوم .. ههههههه صدق اني هبله .. مسكين يا طلال .. مسكينه بسيل ومسكينه انا ..
.................................................. ..................................................
نزلت رؤى الصاله كان حمد جالس بروحه يشوف تلفزيون ..
مرت من قدامه رايحه للمطبخ ..
حمد بدون ما يطالعها : الغرشوبه رايحه فين ..
رؤى : الجيكر ليش يتدخل ..
حمد : لانه ما يقدر يشوف الغرشوبه وما يسألها ..
رؤى : مالك خص اسكت يالجيكر ..
مشت رؤى وهي تضحك عليه وحمد ميت ضحك على حركات رؤى ..
حمد فباله : وينج عني من زمان يا بنت العم .. فديتج ما احلاج وما احلى لسانج مهما قال ..
طلال : حمد حمووووووود ..
حمد :هااااااااه ..
طلال : وينك صارلي ساعه اناديك وانت تطالع صوب المطبخ .. لا يكون شايف الخدامه وعايبتك ..
حمد : هاهاهاها بايخه ..
طلال : مثل ويهك ..
حمد : اقول خلنا نطلع ..
طلال : يلا ..
طلعوا طلال وحمد ورؤى تشوفهم من دريشة المطبخ ..
بسيل : شو تشوفي ؟؟
رؤى : حمد وطلال طلعوا ..
بسيل : اهاا
رؤى : بسوله بخبرج شي بس ما ابيج تزعلي مني ..
بسيل : من متى انا ازعل منج قولي ..
رؤى : طلال ..
بسيل : شفيه ..
رؤى : يحب وحده ..
بسيل بحزن : شو طلال يحب ..
رؤى : ايوه
بسيل : منو ؟؟
رؤى : انا ما ادري بس سندس تقولي ان هي متأكده ان طلال يحبني انا ..
بسيل : انتي ..
رؤى : والله انا مالي دخل ..
بسيل : ادري يا رؤى .. انا مستحيل ازعلمنج علشان شي تافه ..
رؤى : حبج لطلال شي تافه ..
بسل : قدام اخوتي ايه شي تافه ..
رؤى : فديتج والله يا اختي .. بس اخبرج اذا هو ما يحبج انتي بعد انسيه مو علشاني ترى والله ما اكنله الامشاعر الاخوه ..
بسيل : ادري .. طول عمري حظي نحس ..
رؤى : لا يا بسيل لا تقولي جذي انتي يستاهلج واحد احسن من طلال ..
بسيل : خلاص راضيه بنصيبي .. مكتوب وصار ..
رؤى : بس للحين ما صار شي انا ما احب طلال وببين هالشي له ..
بسيل : لا لا تجرحيه ..
رؤى : عيل تبيني اعلقه فيني ..
بسيل : ما ادري ..
راحت بسيل تركض وهي طالعه الدرج اصطدمت بشي .. لما رفعت راسها كان طلال .. وباين عليه الحزن .. وبسيل دموعها كانوا مثل السيل ..
طلال : آسف ..
بسيل ما ردت عليه وركضت لغرفتها ..
طلال كان راد ياخذ شي وسمع كلام بسيل ورؤى .. طلع بسرعه والتقى برؤى وكان في عيونه حزن ..
رؤى عرفت ان طلال سمع كل شي ..
رؤى : اسفه طلال ..
طلال : لا يارؤى انا اشكرج انج نبهتيني انا كنت عايش فحب من طرفي .. ياما رفيجي قالي حب اللي يحبك .. ما كنت اتصور ان بسيل تحبنب .. كنت اعمى ..
طلع طلال وهو حزين وايد ..
رؤى : هلا عاليه شحالج بتي اليوم عندي يا هلا فيج والله .. اوكي انتظرج .. باي .
سلطان : من كنتي تحاجين .؟؟
رؤى : رفيجتي بتيي اليوم عندي ..
سلطان : وينها بسيل ؟؟
رؤى : فوق فغرفتها ..
سلطان : شفيها هالايام ؟؟
رؤى : بخبرك بس ما تقول حق احد ..
سلطان : قولي ..
خبرته رؤى كل شي ..
سلطان : معقول طلال لهالدرجه اعمى ما يشوف ..
رؤى : عمييييييييي شقصدك ..
سلطان : هههههههههههه ما قصدي شي .. انا بطلع اشوف بسيل ..
.................................................. ...........................................
العصر عاليه صديقة رؤى زارتها في البيت ..
دقت الباب وكان سلطان طالع .. فتح الباب ..
عاليه ما كانت متغشيه ويت عينها بعين سلطان ..سلطان نزل عيونه بسرعه ..
عاليه : السلام عليكم
سلطان : وعليكم السلام ..
عاليه :رؤى موجوده؟؟
سلطان : أي تفضلي الشيخه ..
دخلت عاليه ..
رؤى : هلا والله حيا الله من يانا ..
عاليه : الله يحييج ..
رؤى : تعالي بنصعد داري ..
عاليه بالها ما كان معاها كانت تفكر بسلطان ..
اما سلطان حس بشعور ما حسه بحياته الامع مها خطيبته المتوفاه ..
سلطان : معقول قلبك يحب بعد كل هالسنين يا سلطان .. معقول احب غير مها ..

شو راح يصير من تطورات مع طلال وبسيل ؟؟
رؤى وحمد ؟؟
وسلطان وعاليه ؟؟
كل هذا فالجزء القادم ..

__________________________________________________ __________

>>>> الرد الرابع :

رايه جميله
يعطيك العافيه
واتمنى تكملينها بسرعه قبل مروور شهر
لان من شروط القسم الروايه اللي ماتكتمل خلال شهر ننقلها بكل اسف للمحذوفات
تحيااتي لك

__________________________________________________ __________

>>>> الرد الخامس :

مشكوره مزون على مرورج وان شالله بكملها قبل الشهر ..





الجزء الخامس :

رؤى : انتي شفيج صارلي ساعه اسولف وياج وانتي ولا داريه ..
عاليه : ولا شي ..
رؤى : لا اكو شي قوليلي من متى احنا نخبي على بعض ..
عاليه : ما ادري احس بمشاعر غريبه في داخلي ..
رؤى : من شنو ؟؟
عاليه : شفت شخص وما ادري ليش احس اني اعرفه من زمان ..
رؤى :من هذا الشخص ..
عاليه : ما ادري شفته الحين قدام الباب لما يتج ..اهو فتحلي الباب ..
رؤى : خالي سلطان ..
عاليه : هذا هو خالج ؟؟
رؤى : أي اهو خالي ..
عاليه : ما ادري حسيت بدقات قلبي سريعه .. حسيت اني اعرفه من زماااااااااان ..
رؤى : من وين تعرفينه ؟؟
عاليه دموعها بدت تنزل : ما ادري والله ام ادري افكاري ملخبطه ..
رؤى : شفيج علويه ليش تصيحين ؟؟
عاليه : ماادري ليش تذكرت اهلي ..
رؤى : الله يرحمهم ..
عاليه : والله اشتقت لأمي وابوي واختي ..
حضنت رؤى عاليه وهي تبجي .. بكت رؤى معاها ..
عاليه 19 سنه صديقة رؤى الروح بالروح .. بنت جميله .. حنطاويه .. عيونها كبار وعسليه طويله ونحيفه .. ابوها وامها متوفين من زماااااااان وهي عايشه عند خالتها ..
.................................................. .................................................. ...
سلطان كان ما يدري وين يروح .. جاسم مسافر ويا اهله وانا بروحي ما ادري لمن اشكي همي .. يا ربي شهالمشاعر اللي اجتاحتني فجأه .. يا رب ساعدني ..
رجع سلطان البيت وعاليه ما زالت موجوده عند رؤى بدارها .. طلع بيدخل داره .. بس قبل انفتح باب غرفة رؤى وطلعت منه نفس البنت .. مره ثانيه جت عينه بعينها وبسرعه نزل راسه ودش داره ..
رؤى : هاها شفيج وقفتي امشي والا ماتبين تروحين ..
عاليه : لالا بس ..... ماكو شي
رؤى : علويه حبيبتي نامي الليله عندي ..
عاليه : لا مشكوره وبعدين نسيتي ان اولاد عمج عندكم انا بروح بيتنا احسن ..
رؤى : على راحتج ..
.................................................. .................................................. .
بسيل جالسه في غرفتها حزينه .. تبجي حب عاش معاها من يوم اهي في ال16 من عمرها واهي تحب طلال .. كانت دايما تحس بالخجل لما تشوفه .. لما كان يطالعها وينزل راسه كان تحبه اكثر تحب احترامه وادبه واخلاقه .. ما فكرت يوم انه ممكن ما يكون يحبها .. مو لانها واثقه انه يحبها لا .. بس من كثر حبها له ما فكرت في هالشي .. حبها تربى معاها .. معقول بعد كل هالسنوات يطلع يحب اختها .. اهي ما بتعاتب اختها .. رؤى تستاهل بس انا قلبي شسوي فيه قلبي شقوله .. يا رب ساعدني ..
.................................................. .................................................. ...
طلال كان بحاله ما يعلمها غير رب العالمين .. خبر حمد انه يريد يجلس بروحه .. حمد خلاه على راحته وما ضغط عليه ..
طلال جلس عند البحر .. يا بحر خبرني شسوي .. قلبي انجرح .. وبعد الصدمه ان بسيل تحبني .. والله حرام هالانسانه تنجرح والله حرام .. انسانه بحساسيتها وقلبها المرهف والله يارب هذا مو شفقه بس والله كنت احس بقلبي يكن لها مشاعر الود والاحترام .. بس معقول المشاعر اللي كنت اكنها لرؤى ما كانت حب .. يا رب انا الحين احس ان رؤى صارت مثل اخت صغيره بمجرد انها قالت انا ما احبه الا كأخ معقول مشاعري تجاه بسيل كانت حب وانا ما قدرت افسرها .. والله مشاعر مظطربه بداخلي ما ادري ..
.................................................. ..................................................
في لندن ..
غرفة ريما ..
ريما : مشتاقه لك حييييييييل يا قلبي ..
علي : واذا قلتلج انا الحين في لندن ..
ريما : قول والله فديتك وانا اقول ليش لندن منوره ..
علي : أي أي قصي علي صارلج اسبوع ما فكرتي حتى تدقين علي ..
ريما : والله يا قلبي ما بكيفي بس طول الوقت كل العايله متجمعه مع بعض شسوي ..
علي: اوكي انا بشوفج في لندن ..
ريما : لا علاوي بليز ..
علي : مالي دخل بشوفج يعني بشوفج والا بزعل ..
ريما : ياربيييييي اوكي باجر اشوفك اوكي ..
علي : اوكي متى ؟؟
ريما : الساعه 8 الصبح لكل يكون نايم ..
علي : اوكي يا قلبي اشوفج انا باخذ ورده حمراء ..
ريما : ههههه اوكي باي ياقلبي ..
علي : باااااااي .
.................................................. ................................................

الصبح قامت ريما من النوم ولبست وكشخت وطلعت وكل اهل البيت كانوا نايمين .. راحت للمكان اللي تواعدت فيه اهي وعلي .. وقفت بعيد شافت شاب واقف وماسك ورده وعليه ملامح عربيه ..
ريما : السلام عليكم ..
علي وهو مبهور : وعليكم السلام هلا والله حياتي ..
ريما : هلا انت علي معقول ما تصورتك كذا ..
علي : وانتي ريما والله جميله ..
ريما : تسلم ..
مسك علي ايدها .. سحبت ريمه ايدها بسرعه ..
ريما : لا علي عيب ..
علي : عادي احنا في لندن ..
رجع مسك ايدها .. ومشى معاها وتمشوا وبعدين راحوا لأحد المطاعم يفطروا ..
.................................................. .................................................
رؤى دقت باب غرفة بسيل ..
بسيل بصوت مبحوح : ادخلي رؤى ..
رؤى : القمر ليش ما ينزل ياكل معانا ..
بسيل : ما فيني شي الي نفس ..
رؤى : بسيل لا تخليني اندم لاني خبرتج ..
بسيل : رؤى بليز لا تذكريني ..
رؤى بغضب : بسيل ليش انتي جذي .. هاه ليش .. ليش على أي مصيبه تطيحين بسرعه .. انا اللي المفروض اكون مكانك وانتي اللي تساعديني وتعطيني تشجيع لأنك الكبيره .. ليش انتي جذي خبريني .. للاسف بقول ضعيفه .. أي ضعيفه يا بسيل .. انا خبرتك علشان ما تنخدعي بحب من طرفك ما خبرتك علشان اقولك ان طلال يحبني انا ما يحبك انتي .. انا طلال عندي كالاخ وبس .. ولعلمك طلال سمع كل اللي دار بينا ..
بسيل باستغراب : سمع علشان جذي كان حزين لما شفته ..
رؤى : بسيل خلاص كوني قويه .. اذا تحبي طلال خليه يحبك .. طلال ما يحبني .. انا اعتقد انه يكن لي مشاعر كاذبه .. طلال يعتبرني مثل الاخت الصغيره وبس بعد اللي سمعه ..
بسيل : خلاص يا اختي .. انا اسفه ..
حضنتها رؤى وبكوا مع بعض ..
.................................................. ..............................................

ريما رجعت البيت على الساعه 10 وكل اهل البيت كانوا نيام لانهم ناموا متأخر بالليل ..
ريما : اشوه ان محد قام .. رمت نفسها على الكنبه وغمضت عيونها ..
ريما فخاطرها : فديتك شلون روماسي يا على وشلون انت حلو وحبوب ياااااااااااي ما احلى كلامك ..
قامت بسرعه وراحت دارها بدلت ملابسها وراحت في سابع نومه ..
.................................................. .................................................. ..
طلال نايم في داره .. بس اهو اصلا ما نام من كثر ما يفكر .. راسه عوره .. عقله مظطرب ..
دق عليه عمه سلطان الباب ودخل ..
سلطان : شفيك ؟؟
طلال : ما فيني شي ..
سلطان : مو علي هالكلام البارحه ما تعشيت وما رديت البيت الا متأخر واليوم شوف الساعه جم وانت ما نزلت تتريق .. ولا بعد من امس ما نمت .. انت فيك شي ومو طبيعي ..
طلال : عمي اناااا..
سلطان : ادري عن السالفه كلها انت تحب رؤى صح ..
طلال : لا انا احب بسيل يا عمي .. حبي لرؤى كان مجرد اعجاب بشخصيتها .. يمكن انا فسرت هالاعجاب غلط ..
سلطان : بس عرفت متأخر يا طلال بعد ما البنات عرفوا كل شي ..
طلال : ادري يا عمي وانا لو اقول اني احب بسيل الحين اهي بتفهم انه شفقه ..
سلطان : انت صح بس انت اصبر فتره لحد ما هالسالفه تهدى وبعدين اخطبها وبنشوف رأيها ..
طلال : بس اخاف ترفضني ..
سلطان : توكل على ربك ولا تخاف ..
طلال : ونعم بالله ..
.................................................. .......................................
رؤى كانت قاعده في الصاله .. دخل حمد وهوياي من برا ..
حمد : السلام عليكم يا غرشوبه ..
رؤى : هلا والله وعليكم السلام يالجيكر ..
حمد : شخبارج يا غرشوبه ..
رؤى : لما شفت الجيكر اعتفس حالي ..
حمد : لالالالا معقول احد يشوف جيكر ويعتفس حاله .. ما اصدق انا كل البنات اللي يشوفوني يعتدل حالهم ..
رؤى : البنات عميان ..
حمد : يمكن انتي حولا ..
رؤى انفهرت ورمت المخده عليه ..
ركض حمد وهو يضحك ..
حمد : 22سنه يشتغل في شركة العايله .. شاب وسيم جدا .. طويل ونحيف .. كتوفه عراض .. حنطاوي .. عنده غمازات يهبلوا .. عيونه كبار وناعسه .. لونهم عسلي .. خشمه سيف .. شعره طويل وناعم بس مو وايد طويل .. شاب مرح يحب يغايض .. طيوب وحبوب ..
ركض حمد وكان سلطان نازل الصاله ومعاه طلال ..
سلطان : انت وياها ما تلتقوا غير تتضاربون ..
رؤى : عمي اهو يغايضني ..
سلطان : حمود كله ولا رؤى حبيبتي ..
حمد : انا ما سويت شي .. اقولها غرشوبه تقولي جيكر ..
طلال : واهي الصاجه انت شكلك مو يلوع الجبد ..
الكل استغرب ان طلال اتكلم ..
رؤى : شفت الكل يشهد ..
حمد : اقول انت روحوا شوفوا وجوهكم في المنظره وبعدين تحجوا ..
سلطان : عن نفسي واثق انا حليو واطيح لبنات من نظره ..
حمد : أي عمي كاهم طايحين قدام الباب وانا اقول شيسوون هني ..
الكل : هههههههههههههههههههههههههههههه
.................................................. .................................................. ...
نزلت بسيل وكان حالها متغير كانت تضحك ..
بسيل : هااااه ضحكوني معاكم ..
سلطان : لا النكته خلصت ..
بسيل : عيدوها ..
حمد : لا بس عمي يقول اونه اهو يطيح البنات من نظره .. كان اقوله أي باين كاهم طايحين قدام الباب .
بسيل : ههههههههههههه لهالدرجه عاد .. لا حبيبي البنات ما يطيحون بسهوله انتوا اللي تركضوا ورا البنات وانتوا اللي تطيحون وتتمنون نظره منهم ..
رؤى تصفر : عاااااااااااااااااااااشت اختي فديتج تنقطين عسل ..
سلطان : شباب شكلهم اتفقوا علينا ..
حمد : شرايكم نلعب لعبه واللي يفوز يطلب أي شي يبيه ..
رؤى : موافقه .. وشو اللعبه ؟؟
حمد : اممممممممممممم اونو ..
رؤى : انا وبسيل ..
حمد : انا وطلال ..
سلطان : وانا الحكم ..
الكل : اوكي
وبدوا يلعبوا ..
في النهايه فازوا رؤى وبسيل ..
رؤى : بسوله شو نطلب
بسيل : امممممممممم باجر تفطرونا وتغدونا وتعشونا وتمشونا برا ..
حمد : لا بالله فلست ..
طلال : تامرون امر ..
سلطان : انا بعد معاهم ..
رؤى وبسيل : اكييييييييييييد
رؤى : انت شاب عمي واحنا قلنا الشباب ضد البنات ..
سلطان : الله يعينيي
.................................................. .................................................. ..
شو راح يسوي طلال مع بسيل ؟؟
وحمد مع رؤى ؟؟
وريما شو راح يصير فيها مع علي ؟؟