ساعدوني الله يخليكم انصحوني كيف اتصرف !!! المومة و الطفل
عنوان الموضوع : ساعدوني الله يخليكم انصحوني كيف اتصرف !!! المومة و الطفل
مقدم من طرف منتديات الضمير العربي
مشكلتي مع ريلي اني من تزوجته وانا دوم ازخه يكلم بنات يا البيبي ام او الواتساب
تعبت وتعبت نفسيتي منه قسم بالله كل مره ازخه اجلب الدنيا عليه واقعد اصيح ويقولي انا اسف وسامحيني وبتغير ومابا اخسرج واوعدج
الحين صار عندي بنت عمرها 6 شهور وقبل كم يوم زخيته سبحان الله ربي بغا يكشفه لي وبالصدفة بعد ! لا نبشت من وراه ولا شي لاني مابا اعور راسي واعور قلبي معاه
لقيت تيلفونه مفتوح على محادثة ف الواتساب يكلم فيها وحده ويوم شافني ير التيلفون من ايدي ومسح كل شي ويلس يرقع لعمره ويقولي هاي ربيعة ربيعي مضاربين وتباني اكلم ربيعي
المهم يابنات والله انه احساسي هالمره غير عن كل مره هالمره مابكيت ولانزلت دمعة من عيني هالمره حسيت انه كسرني من داخل وجرحني هالمره حسيت اني احتقرته ومب طايقة حتى يلمسني او يحط ايديه عليه هالمره احس اني مخنوقة منه وخلاص صار الشك فقلبي اكثر عن قبل مستحيييل اثق فيه ابدن ثقتي فيه صارت معدومة بشكل كبييير حتى لو شو ماسوا صرت اوسوس انه دوم يوم يكون في دوامه يكلم غيري لانه دوامه شفتات 4 ايام صرت حتى اشك ف كلمة حبيبي يوم ايقولي اياها اخر مره واجهته بالحرف وقلتله ( تخيلني انا مكانك واكلم غيرك شو بيكون شعورك ! يقعد يطالعني مصدوم من كلامي قلتله والله ماتخليني على ذمتك وبطلقني ! انا ليش اصبر واتحمل شو اللي حادني اليوم بتتكلم ع البيبي والواتساب وعقب بتطلع وياهن وعقب بتختلي فيهن ترا كل شي يصير خطوة بخطوة قلت له الدنيا ماتوقف عليك انا بعدني صغيرة والعمر جدامي مابضيع حياتي مع شخص ادري انه يكلم بنات من وراي ويستغفلني انته مافيك خير وانا غسلت ايدي منك ولاتستاهلني ولا تستاهل اي شي اسويه عشانك !) ما يبا يودر هالطبع قلت له سير عند اللي تكلمهم خلهن ينفعونك وطلعت عنه يابنات ريلي كل شي فيه زين الا ها الطبع الخاييس وانا خلاص طفح الكيل فيني انا اقوله هالكلام اخوفه لا اكثر عشان مايعيدها ثاني مره لكن والله اني احبه واموت فيه ومابا اخسره لكن بتصرفاته يقولي اخسريني
ساعدوني شو اسوي احس اني مابتحمل هالشي دوم :30:
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكله طبع فيه ومايقدر يودره
عليج بالدعاء محد يجلب الحال الا رب العباد
__________________________________________________ __________
>>>> الرد الثاني :
يا أختي هاي مشكلة أغلب الحريم في هاي الأيام.... لدرجة إنج تقدرين تقولين إن ريلج طبيعي من كثر ما قمنا نسمع عن هاي السوالف بين المتزوجين.... ياختي لا تيأسين من رحمة ربج ... إذا الله يهدي الكافر بين يوم وليله كيف بريلج المصلي اللي يعرف الله ويحبج؟ إذا تزوجتي غيره شو ضمنج إنه ما يكلم بنات بعد؟ أو إنه يطلع تارك صلاة أو ماعنده أخلاق أو يشرب أو أي عيوب ثانيه..... والله العظيم كل وحدة متزوجه عندها مشكلة مع ريلها في جانب من الجوانب.... لا تتخيلين بتحصلين زوج مثالي وكامل إلا نااادر جدا خصوصا في زمن الانستقرام والتويتر والواتس اب والبنات اللي يركضن ورا الرياييل من كل صوب .... روحي أي جهة حكومية أو وزارة شوفي البنات شو مسويات في عمارهن والله هاي الاشياء يادوب نحن نسويها في الاعراس والمناسبات وهم يوميا ع الصبح مجابلات المراجعين... شو قصدها من هذا إللي تسويه؟؟؟؟؟ تفتن الرياييل .... أنا ما أشوف سبب ثاني... ليش ما اتكونين بحشمتج والعباة اتكون ساده وعمليه والويه بدون مكايج والاظافر ما عليها مناكير والحواجب ما اتكون مصبوغه وحافتنها ؟؟؟؟ ليش اتسوين جي بعمرج؟.؟؟؟ استغفر الله العظيم... وتبين ريلج ما يضعف؟؟؟؟ مسكين الريال اذا شاف الحشمه في كل مكان مستحيل يتجرأ على أي بنت وما بيفكر يكلمها أو يسوي وياها علاقة...... طبعا أنا ما اعمم... بس هذا اللي انشوفه....
أختي إذا هو يحب يسولف في الواتس اب إنتي سولفي وياها وعطي كلام حب كتابه مب شفهي... خصوصا لما يكون مناوب..... ودوم انصحيه وقوليله حرام ورب العالمين يشوفك إذا أنا ما شفتك... وقوليله كل هذا بيكون دين في رقبتك وربي بيراويك في عيالك لا سمح الله.... صدقني حتى إذا استمر ما بيتمادى ودوم كلامج بيرن في إذنه وبيتردد وبيحس بتأنيب الضمير ... وآخر شي والله بيمل وبيعرف قيمتج... ربي يهديه ويهدي كل الرياييل يارب...
__________________________________________________ __________
>>>> الرد الثالث :
الله يهديه ويهدي كل الرياييل يارب ويرتاح بالج أختي
مثل ما قالت الأخت ماما سلطان كلميه ونبهيه إنه الدنيا تدور وعنده بنت ولا ييلس يلعب ...بحس بالذنب وبخاف
__________________________________________________ __________
>>>> الرد الرابع :
https://4arab.xplainer.net/images/wo...quote_icon.png المشاركة الأصلية كتبت بواسطة ماما سلطان
https://4arab.xplainer.net/images/wo...wpost-left.png
يا أختي هاي مشكلة أغلب الحريم في هاي الأيام.... لدرجة إنج تقدرين تقولين إن ريلج طبيعي من كثر ما قمنا نسمع عن هاي السوالف بين المتزوجين.... ياختي لا تيأسين من رحمة ربج ... إذا الله يهدي الكافر بين يوم وليله كيف بريلج المصلي اللي يعرف الله ويحبج؟ إذا تزوجتي غيره شو ضمنج إنه ما يكلم بنات بعد؟ أو إنه يطلع تارك صلاة أو ماعنده أخلاق أو يشرب أو أي عيوب ثانيه..... والله العظيم كل وحدة متزوجه عندها مشكلة مع ريلها في جانب من الجوانب.... لا تتخيلين بتحصلين زوج مثالي وكامل إلا نااادر جدا خصوصا في زمن الانستقرام والتويتر والواتس اب والبنات اللي يركضن ورا الرياييل من كل صوب .... روحي أي جهة حكومية أو وزارة شوفي البنات شو مسويات في عمارهن والله هاي الاشياء يادوب نحن نسويها في الاعراس والمناسبات وهم يوميا ع الصبح مجابلات المراجعين... شو قصدها من هذا إللي تسويه؟؟؟؟؟ تفتن الرياييل .... أنا ما أشوف سبب ثاني... ليش ما اتكونين بحشمتج والعباة اتكون ساده وعمليه والويه بدون مكايج والاظافر ما عليها مناكير والحواجب ما اتكون مصبوغه وحافتنها ؟؟؟؟ ليش اتسوين جي بعمرج؟.؟؟؟ استغفر الله العظيم... وتبين ريلج ما يضعف؟؟؟؟ مسكين الريال اذا شاف الحشمه في كل مكان مستحيل يتجرأ على أي بنت وما بيفكر يكلمها أو يسوي وياها علاقة...... طبعا أنا ما اعمم... بس هذا اللي انشوفه....
أختي إذا هو يحب يسولف في الواتس اب إنتي سولفي وياها وعطي كلام حب كتابه مب شفهي... خصوصا لما يكون مناوب..... ودوم انصحيه وقوليله حرام ورب العالمين يشوفك إذا أنا ما شفتك... وقوليله كل هذا بيكون دين في رقبتك وربي بيراويك في عيالك لا سمح الله.... صدقني حتى إذا استمر ما بيتمادى ودوم كلامج بيرن في إذنه وبيتردد وبيحس بتأنيب الضمير ... وآخر شي والله بيمل وبيعرف قيمتج... ربي يهديه ويهدي كل الرياييل يارب...
__________________________________________________ __________
>>>> الرد الخامس :
