لاتوثقون فالخدم لو شو ماسوت لكم شوفو قصه خدامتي عمل يدوي

عنوان الموضوع : لاتوثقون فالخدم لو شو ماسوت لكم شوفو قصه خدامتي عمل يدوي
مقدم من طرف منتديات الضمير العربي

السلام عليكم ورحمه الله وبركاته خواتي ربي يوفقكم ويسعدكم جميعا بخبركم سالفه الشغاله الاندونيسيه اللي كانت معي طبعا انا مااقصر معهن بشي من ملابس وغيره واعتبره صدقه فيهن لاني ارحمهن الهم الشغاله كانت معي اسمها نور كملت معي سنه و9شهور اتصدقون هالفتره ماشفنا منها الا كل خير الا كل خير نعم كانت امينه وطيبه وكل حد يحبها تصدقون لو تحصل درهم طايح يابته حقنا وقالت لقيته فكنت اثق فيها فكل شي لشده حرصها وصدقها معي وعقب فرمضان قالت بسافر ابوي تعبان وبرجع شهر9ولاتكنسلوني كان باقي لها ثلاث شهور تقريبا وانا قلت لها زين وخذت لها الهدايا والحاله وقبل لااتسافر نزلت لنا شنطها وفتحتهن قدامنا وقالت شو فهن اذا كنت شاله شي من اغراضكم وماشفنا شي وودينها المطار شهر10اتصلت وقالت بس ابا200حق المطار والتاكسي وخبرتها زين وانا كنت طالبه اغراض من اندونيسيا ب1000الف درهم منها وقالت خلاص حوليهن وانا يوم الخميس بي قلت لها زين والحمدلله ماقصيت التكت قلت بترياها اتخبرني انه الامور كلها تمام وعقب بقص المهم خواتي حولت البيزات وصكت للتلفون منيه لامن شاف ولامن درى وادق مغلق ادق على التلفون الثاني مغلق شو صار!!!!!!!!!!!!!!!!!!ليش نور جي اتسوي ؟؟؟؟؟؟؟وين الصلاه 24ساعه؟؟؟؟وين الاستغفار كل حين؟؟؟؟؟؟وين تسمع قران من الصبح؟؟؟؟؟؟سرقت البيزات واختفت للحين ولله مب مصدقه انها جي اتسوي ؟؟؟؟؟؟؟للحين ،،،،،،،فقلت اخبركم البيزات راحت وعلى الله العوض بس ياخواتي انتبهو منهن ولله ولاتحطون كامل ثقتكم فيهن لوشو ماصار لانه نحن الاغلبيه قلوبنا ضعيفه ونرحمهن. ولكن الفلوس تعمي النفوس حسبي الله ونعم الوكيل ليت الغريب سرقني ولا نور

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سبحان الله على إللي أستوى شي عجيب صدق المظاهر تخدع ، والله إني تعلمت من إللي إستوالج لأني مريت بها الشي صدق المظاهر تخدع ، لا تنخدعين لا بصلاتهم ولا عباداتهم ما تعرفين شو داخلهم هذا لكل الناس



https://4arab.xplainer.net/images/smilies/ast_green.gif

__________________________________________________ __________

>>>> الرد الثاني :

يمكن صار عندها ظرف اوشي لاتستعجلي الحكم عليها

__________________________________________________ __________

>>>> الرد الثالث :

يحليلج يا اختي الله يعينج

__________________________________________________ __________

>>>> الرد الرابع :

بتقفل تلفوناتها وحته تلفون ابوها مقفول والحين فتره صار لها يااختيه عقب البيزات صكته كيف بس عسى يكون ظرف واكون ظلمتها عسب اطلع من ذي الصدمه اللي انا فيها ولكن مافي رد للحين وصار لها فتره زمان

__________________________________________________ __________

>>>> الرد الخامس :

سبحان الله فيه شبه من سالفه خدامة قوم عمتي خلصت سنتينها وسافرت وتمت تتصل على أساس أنها تبا اتيي وتقوللهم طرشوا لي فلوس عسب تخلص اوراقها وهم صدقوا طلبت 1500 وتمت تقول ريلها مسافر وما تروم تتسلف من حد المهم طرشوا لها ومن وصلتها البيزات غلقت تلفونها وطارن البيزات حسبي الله عليهن اللي ما يخافن الله