ولدي مايعرف كيف يرقد للسياحة
عنوان الموضوع : ولدي مايعرف كيف يرقد للسياحة
مقدم من طرف منتديات الضمير العربي
مرحبا امهات
انا بطرح موضوعي او استفساري واسمحولي لو كان الموضوع متكرر لانه صار لي فتره طويله مادخلت المنتدى ولا قريت مواضيع هالقسم
بس الحينه انا محتاجه مساعدتكن وابغيكن ياامهات تفيدني بخبرتكن
انا ولدي عمره 9 شهور فديته مشكلته ماشالله من بدا ينجلب مايرقد عدل كل شوي تلقينه داق راسه فمكان فالسرير وينش يصيح ويخرب رقاده
قمت ارقده عندي عالسرير عسب انه ماينش كل شوي والمشكله لاحظت انه يحب يرقد ع بطنه بس ما يعرف شو الوضعيه المريحه فالقاه طول الوقت يشل راسه ويحطه فمكان هههههههه انا بس اطالع واضحك ساعات اكون تعبانه وتوني بي ارقد يسويلي هالحركات وينش يصيح
يعني مشكلته باختصار مايعرف كيف يرقد بشكل مريح وانا مااعرف شو احسن وضعيه كل شوي اغير له ساعه ع ظهره وساعه ع ينب وساعه ع بطنه بس اخاف احاتي ايده وجتفه ولا صدره وانا روحي ماارقد مرتاحه كل شوي افز اطالعه كيف راقد
بليز فيدوني هل هالشي طبيعي من يبدا البيبي ينجلب ولا بس ولدي انا جذه وكيف ارقده واللي عندها صور بعد ياليت تفيدنا عسب نرتاح ونرقد مثل الناس ههههههه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يحليله ما عرف بشو افيدج بس ضحكني ولدج الله يحفظه
__________________________________________________ __________
>>>> الرد الثاني :
اختي يمكن شيء يعورة اذنه مثلا احسن تودينه الدكتور وتشوفي الوضعية المناسبة احس على الظهر يرتاحون الاطفال بنسبه لسرير حطي شيء على جونبه عشان اذا دق براسه مايتعور
موفقة انشاء الله
__________________________________________________ __________
>>>> الرد الثالث :
ولدي اخوي جي ما شاء الله عليه نفس المروحه امه اتقول كل شوي يغير الوضعيه من غير الطيحات من فوق السرير واخر شي يستقر با الرقاد نفس السجود سبحان الله
__________________________________________________ __________
>>>> الرد الرابع :
__________________________________________________ __________
>>>> الرد الخامس :
عادي اختي انا ابني كان يحب ينام على بطنة وانا من شفته ساعدته اني انيمه على بطنه وادور راسه يمين او يسار حتى لا يختنق
رغم ان كثير حذروني وخوفوني ان الطفل احتمال يختنق بس انا شفته انه يرتاح اكثر
والحمد لله صار عمره سنتين وهو يحب ينام على بطنه
شي ثاني حبيت ااذكره اني كنت اقمط الطفل
