روايه ترا حبكـ عذاآاآاآب حصريا من تأليفي ادخلووووووو رواية رائعة

عنوان الموضوع : روايه ترا حبكـ عذاآاآاآب حصريا من تأليفي ادخلووووووو رواية رائعة
مقدم من طرف منتديات الضمير العربي

حبيت انزلكم رواية ترا حبكـ عذااااب من تأليفي وابي ردود عشان انزل البارت الثاني


قصة: تـرا حبــــــــــــكـ عذاآاآاآب
للكاتبة: غلا قلبي
البارت الأول:::::::::
الجو هادئ والمكان مظلم كانت نائمة نوم عميق وفجأة سمعت صوت بنت تصيييح ... وصوتها عالي

قامت من نومها وقلبها يدق بسرعة من الخوف ركضت الى غرفة أختها

درر: شو صاير فيك؟ ليش تصيحين؟!
الغيداء: ما صاير فيني شي سيري ارتاحي
درر: كيف ما فيك شي وانتي جالسة تصيحين لا والمشكلة انه صوتك ينسمع لين غرفتي وفوق هذا تبيني ارتاح؟؟!!!
الغيداء ودموعها اربع اربع على خدها: ما فيني شي بس تذكرت امي وابوي الله يرحمهم,, نفسي اعرف ليش ما رضوا ياخذونا معهم ع بريطانيا كان ع الاقل بنموت معاهم ولا هالعيشة الي عايشينها,, لا وبعد بروحنا بالبيت
درر وهي تضم اختها: أييه والله وانتي صادقه حتى الخدامة الي هي خدامة ما معطتنا احترام وهربت من البيت وعاد الله يعين ما بقى غير هالسواق..
الغيدء : والله تصدقي عاد الصياح مايفيد يالله قومي خلينا نسير ننام ونرتاح لأنه تعرفي بروحنا نسوي شغل البيت وسمحيلي عاد خربت عليك نومتك
درر: امممم اذا كان ع التخريب بصراحه اييه خربتيها يالله يا حلوه نامي انا بسير عنك..
الغيداء اكتفت الرد عليها بابتسامة


طلعت درر لغرفتها وهي تفكر بأهلها لما ساروا بريطانيا عشان يتعالج ابوها من القلب وماتوا بالطيارة حتى ما مداهم يوصلو لبريطانيا هذا الخبر الصعب اللي ماتوقعوا ابدا انه يصير..... وتركوهم لحالهم يواجهوا مصاعب الحياه مسحت دموعها اللي نزلت غصب عنها على خدها هي دايم تحاول تكون قوية ما تصيح وخاصة امام الغيداء
كانت تبي تنام بس سمعت صوت الاذان فراحت تصلي وبعدين تنام


*************************************

يمه قلت لك ااالف مره ماني متزوج يعني مااااني متزووووج,, لين متى وانا اعيييد وازيييييد ف الكلااااام

الهام: وليش ماتريد تتزوج شو اللي ناقصك ماشاء الله ماال وجماال شو بعد ترييد اكثر من كذا...
فهد: يا يمه افهميني ما اريد اتزوج الحين صبري علي شوي وبعدين يصير خير
الهام: كل يوم تقول نفس الكلام ويا ريت بعد تتحرك وتخطب نور بنت عمك
فهالحظه دخل عليهم الوالد وهو معصب: شو هاذا اللي يصير لييش صوتكم واصل لآخر الدنيا؟؟
فهد: ما شي يبه بس يمه الله هداها مكبره الموضوع
حسين: اكيد تكلمك عن موضوع الزواج
فهد: ايوه اصلا هي عندها موضوع غيره
حسين: وهي الصادقه شو تنتظر الحين اللي ف سنك متزوجين وعندهم عيال وأنت للحين جالس..
فهد بخاطره: الله يستر عاد أبوي تكلم وراح يسوي محاضره ما بتخلص
فهد: خلاص يبه بفكر بالموضوع وارد عليك انا الحين طالع عندي شغل ما فاضي
وطلع من البيت ويشوف اخته نازله من سياره همر سوداء وراح يكلمها....
فهد: ايييه انتي من وين جايه الحين وريحة عطرك واصله لبعيد
ملاك: وانت شو دخلك انا لما طلعت من البيت عطيت امي خبر ووافقت على طووول
فهد: تماام ومن هاذا اللي بالسياره وليش ما جيتي مع السواق حقنا
ملاك: اولا انا جايه مع صديقتي وثانيا السواق ما موجود رايح السوق ماخذ امجاد تشتري اغراض...
فهد: سوق هالحزه,, علينا يا حلوه,,والله انتوا ما بيضيعكم الا هالدلع
ملاك وهي تريد تدخل للبيت بدلع: احلف اخوي
" ع فكره ملاك صوتها ناعم وحلو مره"

( تعريف مبسط عن عائلة حسين)
حسين : رجل طيب صاحب شركه والكل يحترمه
الهام : زوجة حسين مره محترمه وكلمتها تمشي ع الكل
فهد: الولد الاكبر عمره 27 سنة شاب متكبر ومغرور بس حبوب وحلو
يعمل مع والده ف الشركة
ملاك: عمرها 19 سنه مغروره ودلوعه طالعه على أخوها,,تدرس بالجامعه تسويق...
امجاد: عمرها 16 سنه طيبه وحبوبه بس مش مع الكل,,حلوه بس مليانه شوي,, تدرس مع الغيداء ف نفس الصف ويتنافسن في الجمال..
مجد : اخر العنقود ودلوؤوؤوؤعة بمعنى الكلمة وحلوة مررة عمرها 4 سنوات

***************************************

جالسه تشوف الفلم وسرحانه ع الآخر بنجمها المفضل سلمان خان وتدخل عليها الغيداء وابتسامتها شاقه وجهها الصغير

"لحظه اوصفلكم درر والغيداء درر بنت حبوبه مره عمرها 19 سنه كانت تدرس بالجامعه لكن بعد اللي صار خلاص ما رضت تروح ..المهم.. هي حلوه مره شعرها ناعم ولونه بني يوصل لنص الظهر وبشرتها حنطاويه"مايله للاسمرار" بس هاذا ما مضيع جمالها بالعكس عاطنها مظهر جذاب..

الغيدء بنت دلوعه مره تحب تتدلع عمرها 16 سنه قلبها ابيض بس مرات تكون عنيده. شعرها كستنائي وناعم مره ما طويل يعني بس يوصل لأكتافها وبشرتها بيضاء مره واللي محلنها اكثر الشامه اللي على خدها...
........
جلست ع الكنبه جنب اختها,, وطلبت منها درر تروح تجيب البوب كورن اللي بالمطبخ وكانت تبي تنهض بس تذكرت شي
الغيداء: يوووو نسيت جوالي بالغرفه انتظريني حبيبتي اروح اجيب جوالي وبعدين بمر اجيب البوب كورن
درر: خذي راحتك

وصعدت تركض بالدرج ودخلت للغرفة..
اوووه وين راح هاذا بعد وين اكون حاطته" حاطه ايديها على فمها وتفكر وين حاطته"
تذكرت ف غرفة درر الحين بجيبه,راحت لغرفه اختها عشان تجيبه وااااو شو هاذا المذكره اكيد حق درر بأخذها معاي

نزلت من الدرج وراحت لأختها اول ما شافتها درر عصبت لانها خذت مذكرتها وهي ما تحب احد يلعب بحاجاتها
درر: تعاالي أنتي الدوبه ليش ماخذه مذكرتي رجعييييها بسررررعه
الغيداء وهي ما عاطنها وجه جالسه تقرا ايش مكتوب بالمذكره: الى اعز ناسي اكتب كل م..
قامت درر تركض للغيداء تحاول ترجع مذكرتها والغيداء تركض ما راضيه ترجعها لدرر تريد تقراها هاذي الفضوليه كل شي تبي تعرف..

درر: انتي ما تسمعييي الكلااااااااام يالله رجعييييهااا يا الدبه انتي
الغيدا: مايصييير لاااازم اقرااااها كلهاا وبعدين ارجعها ابي اشوف ايش كاتبه

درر تركض وراها ,, والغيداء تدور وتركض ,, وتلف لوراها تشوف درر تلحقها وتصدم الغيداء ع الجدار وتطيح
درر: غيداء حبيبتي قومي"كانت الغيداء اغمى عليها من الضربه" راحت تجيب لها ماي وترشها عشان تنهض بس مارضت تنهض خافت درر على اختها الوحيده قررت توديها المستشفى تتطمن عليها
وتوها طالعه من البيت وتصادف رجال جالس يطالعها وقرب منها

فارس:على وين ياحلوه وشو فيها الاخت
درر: انت شو دخلك يالله ابعد عني بلا مشاكل
فارس يمسك ايد درر بعصبية: شوفي انتي لما اكلمك ما ترفعي صوتك علي فهمتي ترا ما ناسي اللي سويتيه فيني يوم رفضتيني اكثر من مره وعلى شو شايفه نفسك بعد...
قرب السواق منها ولما شافه فارس هرب
درر: يالله خلنا نروح المستشفى

اول ما وصلوا المستشفى قابلهم الدكتور بعد ما دخلوا الغيداء للغرفه
الدكتور مهند: لاتخافي اختي ترا ما فيها شي شوية تعب وبيزول
درر: الحمدلله ع كل حال اقدر الحين اشوفها
الدكتور: ايوه تقدري روحي شوفيها

*************************

مهند: انا جييييت شو جالسين تسواا
هديل: والله كذا نسولف سوالف خاصه
مهند: ممكن اسمع سوالفكم الخاصه هاذي
هديل: ما يصير يالله روح ترا عندنا بنات يستحوون..

بعد ما طلع مهند لغرفته

نور: يالله خلونا نكمل سوالفنا الحلوه ملاك انتي من هاذا اللي مجننتنا عليه كل يوم ليل ونهار
ملاك:هههه واحد ماتعرفنه ابدا ما من العيله
هديل: اها كيف تعرفتي عليه يوم تقولي ما من العيله
ملاك: عادي كنت ماره صديقتي يسرى عشان نروح السوق وشافني وعجب فيني ترا يصير اخو يسرى
ملاك وهي تغمز: تدري انا أي واحد يشوفني يعجب فيني اصلا في احد يشوف هالزين كله ويبعد عني لالالا
امجاد:صحيح حتى مهند لما يشوفك يفز قلبه من جمالك
نور: تعالي مجوده انتي من خبرك انه اخوي مهند يبيها؟؟؟
امجاد: عرفت صدفه سمعته يقول حق امك وعرفت عادي عادي
فرح: ايييه انتن ستتن تلا ما علفنا نشوف تراميش
مجد:اييه والله ماعلفنا تو تالعه ترزه حق ستى حمات
هديل: اييه انتي فروحه ما تعرفي تسكتي اذا تبي تشوفي كراميش روحي غرفتك
فرح تتطنز: عمه واذا ابي شوف تيور الدنه عادي
نور: انقلعي من وجهنا الحين والا بخبر عليك ابوك
فرح: شوي ابي اعني مع ستى ترزه وبعدين الوح تمام
فرح ومجد ينشدن مع سجى حماد كرزه وبعد مصدقات نفسهن ما تلوموهم بزر:
ترزه يا ترزه يام حدود مورده اوليلي...."للنهايه لانه ما يخلصني اكتبها كلها"


******************************


نرجع لدرر والغيداء بالمستشفى كانت الغيداء نايمه ع السرير والابره ف ايدها وبعد ما استأذن الدكتور مهند لأنه يريد يروح البيت ضروري وصى الدكتوره منال تتابع حالتها وكانت درر جالسه ف السرير جنب اختها..

الدكتوره منال بعصبيه: ايييه انتي وياها من اللي جايبنكن المستشفى
درر من دون نفس: من يعني جايبنا اكيد السواق في احد غيره؟؟
الدكتوره منال: وليش يعني تكلميني كذا اهلك ما علموك كيف تتكلمي مع الي اكبر منك ها؟
درر وعيونها مليانه دموع: اييه انتي لا تجيبي طااري اهلي على لسانك فهمتيي اهلنا مربيينا عدل قبل لا يموتوا فااهمه يا... يا بنت عمي واذا ابوك متبري مني ومن اختي عادي الحمد لله عايشين ف بيت ابوي وما ناقصناا أي شي..

الدكتوره منال: والله وطلعلك لسان يا درر اسمعيني اصلا انتو ما من مستوانا ابدا ومن حقه أبوي يتبرى منكم طالعي حالكم وطالعي حالنا وشوفي الفرق وبعدين تكلمي يا الزفته أنتي...
درر: اذا كان همكم بس الفلوس ترا احنا عندنا امور اهم من الفلوس وترا ما نسيت اللي سواه ابوك ف ابوي لكن انا اقولك من الحين ما ابي اشوفك قدامي لا انتي ولا ابوك وما الكم دخل فينا

اخذت اختها وطلعوا من المستشفى واتصلت بالسواق عشان يرجعهم البيت بعد ما تطمنت على اختها..


*******************************


ملاك: يمه ترا امجاد ما في البيت وين رايحه؟؟
الهام: راحت مع أخوك فهد تشتري ملابس حق الخطبه..
ملاك بصراخ: وليش ما خبروني ابي اشتري انا كمان ما عندي شي البسه للخطبه..
الهام: كنتي طالعه من البيت واختك اتصلت ع جوالك وما رديتي عليها
ملاك:خلاص بخلي السواق يوديني انا ومجد
مجد: انا ما الوح معاك عندي فشتان حلو
ملاك: جب انتي اسكتي والا الحين اطب عليك يا الدبه
الهام: خلاص ماني ناقصه ازعاج,, وانتي اذا تبي تروحي روحي مع السواق لحالك اشتري اللي تبيه وارجعي ولا تتأخرين.
ملاك: ما ابي اروح مكان تذكرت عندي لبسه جديده شريتها امس لما كنت بالسوق

وطلعت لغرفتها تجرب اللبسه اذا حلوه عليها والا لا"ملاك رشيقه مره جسمها حلو وفيها طول"

*****************************
في بيت سالم
هديل: نور اشتريتي فستان حق خطوبتك؟
نور: ايه اشتريته مره حلو يجنن وخاصه على جسمي
هديل وهي تفتح خزانة نور: عادي اشوفه؟؟
نور بصوت عالي: لا ما بتشوفيه الحين مفاجأه
هديل:اووه نسيت... وتاخذ جوالها وتتصل برقم
هديل: الوؤو
درر: هلا والله وينك انتي مختفيه؟
هديل: سمحيلي حبيبتي كنت مشغوله اووه نسيت ابي اقولك نهاية هاذا الاسبوع خطوبة اختي نور وابيك تحضري انتي والغيداء
درر: اوكي ان شاء الله بحضر هاذي اخت الغالية من حقي احضر خطوبتها

(التعريف بالعائلة)
سالم(ابو راشد) : اخو حسين... رجل محترم ومملوح يعمل مع اخوه حسين ف شركة والدهم الله يرحمه... وزوجته اللي هي ام راشد متوفية من 5 سنوات
راشد: ابنهم الاكبر عمره 30 سنة يعمل مهندس معماري,, ذكي ومحبوب والكل يغار منه ,,متزوج من رشا وعندهم *عبدالله(عمره 10 سنوات) وفرح (عمرها 4 سنوات)*
نور : بنت حلوة وحبوبة وهي اجمل بنت ف العائلة عمرها 22 سنة وتعمل ادارة اعمال
هديل: البنت الاصغر والدلوعة وعمرها 18 سنة وصديقة درر كانت معاها ف الجامعة


********************



يحيى بمسخرة: افففففف كل هذا حب وانا ما ادري؟ اللي ماخذ عقلك يتهنا به
فارس: مو بس احبها الا اموؤوؤوؤوت عليها انت ما تعرف شو سويت بس عشانها وفوق هذا ترفضني اخ يالقهر بموت يا يحيى بموت والسبب هاذي البنت اللي اسمها درر
يحيى : هههههه يوم انت ما حلو,,عشان كذا رفضتك بس لو انا كنت ساير اخطبها كانت اكيد بتوافق محد يقاوم جمالي
فارس: جب جب انت اسكت انت وشكلك قال بتوافق قال,, بس تصدق اشك انها بشر لأني بصراحه اتوقع انها تكون ملااااااك فديتها ..
يحيى: والحين شو ناوي تسوا يعني بتسير تخطبها كمان مرة
فارس : وعند منو بسير اخطبها مثلا؟! ابوها وامها الله يرحمهم يعني تباني اسير اخطبها من السواق
يحيى : والله صدق انه الحب عذااااااااب

************************************

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انتظر ردودكم يا حلوين

__________________________________________________ __________

>>>> الرد الثاني :

مـآشـآء الله ..
رووعــة الروآيـــة
تــآبعـــي =)

__________________________________________________ __________

>>>> الرد الثالث :

منتظرينك يالعلا

بدايه رررررررررروعه

__________________________________________________ __________

>>>> الرد الرابع :

شكلها حلوه
يعطيك العافيه
استمري متابعينك ان شاءالله ...

__________________________________________________ __________

>>>> الرد الخامس :

يسلمووووووووو هذا من ذوووووقكم يالغوالي..