اللي ريلها يشتغل في امارة ثانية ... المومة و الطفل

عنوان الموضوع : اللي ريلها يشتغل في امارة ثانية ... المومة و الطفل
مقدم من طرف منتديات الضمير العربي

مساء الطاعة خواتي ...

حبيت نتكلم عن وضع الحريم اللي ساكنين في امارة و مب قادرين يكونون مع رياييلهم لانهم يشتغلون في امارة ثانية و مابيصير يكونون معاهم خاصة لو يشتغل في جزيرة..

خاصة ان بعض الرياييل يشتغلون 3 اسابيع و ياجزون اسبوعين ..و البعض ينزلون كل ويكيند..

فهل اتفضلين الحرمة خلال فترة دوامة اللي ممكن تكون بالاسابيع تبات عند اهلها ؟؟؟او ف فيلتها ؟؟او شقتها؟؟؟

و خلال هالفترة بشو تنصحون الزوجة سواء عندها عيال او لا ...

لا ربيعتي تقول ان ما تحس بذرة استقرار لانها لما تشل اغراضها تشل سنط سفر لشهر و ترد تفرغهم ف بيت اهلها و عقب ترد مرة ثانية عقب الشهر و تفرغهم ف بيتها ...و عفييسة ..

بصراحة ماعرفت شو اقولها .

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يعينها صدق هالشي وايد متعب والله يآجر كل وحده جي دوام ريلها https://4arab.xplainer.net/images/smilies/frown.png

لو كنت بدالها اكيد بتم عند اهلي ولا اتم روحي

واذا حجرتها بعدها موجوده في بيت ابوها خل تحط هناك شوي ملابس واغراض بحيث ماتضطر كل مره تشل اغراضها حق شهر جنها مسافره !

انا حجرتي الحمدلله بعدها موجوده في بيت ابوي ومخليه فيها ملابس واغراض
ف لما احيانا ابات عندهم ما اشل وياي اغراض وملابس الا كم شي بسيط

بس لو ربيعتج عندها بيتها وخدامتها وعيالها اكيد تبقى بالبيت
خصوصا لو عيالها وراهم مدارس ومرتبطين

اما لو بعدها صغيره وماعندها عيال او كانو صغار مايداومون ف اتوقع تروح عند اهلها احسن

__________________________________________________ __________

>>>> الرد الثاني :

اذا عندها عيال ف ماله داعي تبات ف بيت اهلها
تكفي الزيارات واذا بتبات تسيرلها اسبوع واتم اسبوعين
ف بيتها وبوجود العيال ما بتحس بالملل اما اذا ما عندها
عيال ف مثل ما قالت اختي بنت الشوامخ، تخلي بعض من
اغراضها ف بيت اهلها عشان ما تضطر تنقلهن من بيتها
لبيت اهلها والعكس . .

__________________________________________________ __________

>>>> الرد الثالث :

ماله داعي الحرمة تفرفر عيالها
ترتب امورها و تبات ف بيتها و مثلا ف الويك اند تروح بيت اهلها
و تسجل لها ف نادي مع عيالها الكبار مثلا لجم او اي شي ثاني
اليهال جي يضيعون بين بيت و الثاني
سوي لهم جدول ولا برنامج او سجليهم ف نادي صيفي
او اشتراك لجم
خلوا اهاليكم يشتاقون لكم شوي

__________________________________________________ __________

>>>> الرد الرابع :

انا انصح الزوجه لي ريلها دوامه في اماره ثانيه تشل قشها وتخليه ياجر شقه وتيلس هي وفريقها معاه انا في دوامي وايد رياييل يداومون عندي من امارات ثانيه مشتتين يا انه معرس ع الثانيه بالسر يا انه عنده حبيبه يا انه يلعب من وحده لوحده حتى ريلي يوم يرمسني عن لي حواليه في الجيش ويقبضون زام وايد يقول وايد منهم هذيلا لي من اماره ثانيه عندهم شقق وحق لعب لانهم شباب وفراغ عندهم ولا عندهم حبيبه ويبدا خراب البيوت الريل مشتت يطلع لي فخاطره عند وحده ثانيه والحرمه تكره عمرها لانها بروحها وشال مسؤليه عيال وترد بيت اهلها جنها ما عندها بيت لانه ماشي استقرار في بيتها فيعني اقعدي عند ريلج فشقه ففي الحالتين ترا هو بيكون عنده شقه يقعد فيها جريبه من دوامه شو المشكله ان شلج معاه ما بتخربين ولا بتظيجين ودواماتهم تعطيهم بدل سكن والحمدالله رواتبهم زينه ماشي عذر

__________________________________________________ __________

>>>> الرد الخامس :

https://4arab.xplainer.net/images/wo...quote_icon.png المشاركة الأصلية كتبت بواسطة حرم الحميري https://4arab.xplainer.net/images/wo...wpost-left.png
انا انصح الزوجه لي ريلها دوامه في اماره ثانيه تشل قشها وتخليه ياجر شقه وتيلس هي وفريقها معاه انا في دوامي وايد رياييل يداومون عندي من امارات ثانيه مشتتين يا انه معرس ع الثانيه بالسر يا انه عنده حبيبه يا انه يلعب من وحده لوحده حتى ريلي يوم يرمسني عن لي حواليه في الجيش ويقبضون زام وايد يقول وايد منهم هذيلا لي من اماره ثانيه عندهم شقق وحق لعب لانهم شباب وفراغ عندهم ولا عندهم حبيبه ويبدا خراب البيوت الريل مشتت يطلع لي فخاطره عند وحده ثانيه والحرمه تكره عمرها لانها بروحها وشال مسؤليه عيال وترد بيت اهلها جنها ما عندها بيت لانه ماشي استقرار في بيتها فيعني اقعدي عند ريلج فشقه ففي الحالتين ترا هو بيكون عنده شقه يقعد فيها جريبه من دوامه شو المشكله ان شلج معاه ما بتخربين ولا بتظيجين ودواماتهم تعطيهم بدل سكن والحمدالله رواتبهم زينه ماشي عذر



حتى ريلي قالي نفس الكلام