خدامتي و الكشخة و الطلعات تدابير منزلية
عنوان الموضوع : خدامتي و الكشخة و الطلعات تدابير منزلية
مقدم من طرف منتديات الضمير العربي
السلام عليكم
بصراحة احترت وايد ويا خدامتي و مب عارفة كيف اتصرف قلت استشيركم خاصة انها اول خدامة لي
خدامتي فلبينية و انا يايبتنها عشان عيالي عمرهم خمس شهور و اليوم بتوصل الخدامة الثانية، المهم هي واااايد زينه للعيال تحبهم وتهتم فيهم و المهم انها ما تكشر لاني مااحب الخدامة اللي تكشر، فيها عيوب بسيطة في الشغل ماتنذكر، المهم المشكاة انها من فترة بدت تكشخ و تتجحل و طبعا سالفة الملابس الضيجة من قبل تلبس وانا اهزبها وتروح تبدل حتى احيانا تلبس ملابس تبين صدها شوي ، وانا كثر مااني شديدة وياها في هالسوالف احاول اكون زينة عشان عيالي، في سالفة الملابس هزبتها كم مرة وقلتلها اني مااباها تلبس جذي ، وهاليومين طالعتلي بسالفة الكحل، و البودرة، احيانا اقول ما بقول لها شي بتغاضى عن هالشي لانها زينه حق عيالي واحيانا اقول اخاف تتمادى اكثر و خاصة ان الثانية ياية وعادي تخربها، هذا غير سالفة سيرة الدكان اللي بالدس واطول لينما ترجع ويا خدامة البيت الثانية ، ماابي ابينلها اني معاندة وياها ومااخليها تسوي شي ونفس الوقت ماابيها تتمكيج و تروح الدكان بدون ماتقول لي مع اني قايلتلها تخبرني بس يوم اكون راقدة الظهر تسير او بالليل بحجة انهم يعقون الزبالة، مب عارفة شو اسوي ، يتني فكرة اني اكلم اليدية اللي بتوصل جدامها والمحلها اقول للجديدة اني ماابيها تتمكيج و ماتلبس ضيق و ماتطلع مكان لينما تخبرني و اقول للاولى اذا سرتي ووديتيها بهزبج انتي مب هي، شو رايكم عندكم اي اقتراحات ثانية
وفي شي ثاني ابي استشيركم فيه كيف اوزع الشغل بينهم هم ايودون العيال بس بعد يغسلون ثيابهم وثيابي انا وزوجي و يكوونهم ينظفون الحمام و غرفتي علما باني ساكنة بيت اهلي و ابيهم يساعدون خدامتهم يوم مايكون عندهم شي
ادري طولت عليكم بس اتمنى حد يفيدني لاني ماعندي خبرة وهالبشاكير هم لا بد منه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يعينج
اذا مافاد معاها الكلام رديها المكتب
اذا جي بدايتها
__________________________________________________ __________
>>>> الرد الثاني :
بالنسبة للملابس ،،، اشتريلها يونوفورم
__________________________________________________ __________
>>>> الرد الثالث :
وليش تترين الثانيه تخبرينها عسب تخبر الاولى غلط هالتصرف شفتي غلط ييبيها وكلميها كاش الحين تقولين خايفه على عيالي وانها زينه وبعدين يوم تتمادى ويوم تيبلج مصيبه دامها تروح الدكان ولا تييب مرض انتبهي الغاليه الخدامه اذا انتي ماوقفتيها عند حدها بتتمادى وبعدين لبسيهم يونيفورم وخاصة الفلبينيات اختصاصهم دلع وحركات
__________________________________________________ __________
>>>> الرد الرابع :
تتمكيج وتروح الدكان بدون ما تخبرج المفروض تفهمين شو صاير
__________________________________________________ __________
>>>> الرد الخامس :
هذي باجر عادي تدخل ريال للبيت
