عنوان الموضوع : المبزرة في العين
مقدم من طرف منتديات الضمير العربي
السلام عليكم جميعاً،،،
حبيت أسأل عن منطقة المبزرة في العين، تعرفون إجازات عيد الاتحاد و اجازات المدارس ع الابواب و حبيت احجز فندق في العين.
اللي راحت ممكن تفيدنا شو الفنادق الحلوه في منطقة المبزرة؟ كم يوم تكفي لزيارتها؟ شو ممكن الواحد يسوي فيها؟؟؟
يعني اللي زارتها من قبل تخبرنا عن تجربتها.
ثانكس مقدماً،،،
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ما عندي أي معلومات بس قريت في منتديات ثانية انه الشاليهات اللي فيها مستواها مب وايد زين
والله أعلم ..
معلومة حبيت بس أفيدج بها
الأفضل تسكنين في فندق مب شاليه
__________________________________________________ __________
>>>> الرد الثاني :
جربت فندق جراند في جبل حفيت المبزره قريبه منه
الاكل كان بوفيه وحلو ما ادري اذا غيروا لاني سايرتنه من سنة
المنظر حلو وخاصه بالليل
النت تقريبا ماشي
الغرف عاديه
الشارع يخوف ما حبيت المنحنيات سياره طالعه وسياره نازله
عندهم مسبح وهالسوالف لكن الجو بارد ما يساعد انه تتمشي بالليل
يوم واحد يكفي لو طلعتي من الصبح ووقت الظهر تسوي شك ان وتريحي وتطلعي على العصر للمبزره
على فكره المبزره زحمه وقت المناسبات
__________________________________________________ __________
>>>> الرد الثالث :
هلااختي يوم واحد يكفيج حق مبزره ويبل حفيت وحديقه الحيوان لو حابه الاماكن كلها عدال بعض شاليهات مبزره حلوه وكل شاليه بروحه منفصل اما الاسعارماأعرف عنها شي وفيه فندق فاليبل بس وايد برد عدنا خصه فالليل بالتوفيق
__________________________________________________ __________
>>>> الرد الرابع :
مشكورات خواتي ع الرد
الكل حذرني من البرد
و انا عندي بنوته فيها الربو و تتعب من اي برد خفيف
احيذ زمان سرنا عند اهلنا في العين و طلعنا جبل حفيت بس ما كان و يانا ياهال وايد صغار و ما تعبنا وايد من البرد بس الحين استويت اضرب اخماس باسداس قبل لا اسير مكان خاصة لو كان شوي بعيد.
عموما ثانكس ع المعلومات الحلوه،،،
الله لا يحرمني منكم https://4arab.xplainer.net/images/smilies/bb/17.png
__________________________________________________ __________
>>>> الرد الخامس :
اختي ما انصحج تسكنين في الفندق اللي فوق جبل حفيت متعب
للصعود والنزول
اما الشاليهات في مبزره عاديه جدا لاتتوقعين شي راقي
ممكن تسكنين في فندق روتانا العين بوسط السوق
الصبح تزورين حديقة الحيوانات
ومنها تروحين المبزره الظهر تشوين وتتغدون هناك
او تشلون غدا جاهز من مطعم وشي مطاعم
فاست فود كنتاكي وبيتزا هناك
وكافتريا وبعد ماتخلصون تسيرون جبل حفيت تشوفين المناظر من فوق وتنزلون ماينفع لليهال برد عليهم
وخلصنا
اذا تبين فندق نظيف عندنا فندق هيلي ريحان
يديد وخمس نجوم بس عيبه يعتبر بعيد عن مركز المدينه والمبزره
اقرب للي ياي من دبي
