خدامتي الي كنت اضرب فيها المثل ... اسمعوها مني نصيحة يا بنات تدابير منزلية
عنوان الموضوع : خدامتي الي كنت اضرب فيها المثل ... اسمعوها مني نصيحة يا بنات تدابير منزلية
مقدم من طرف منتديات الضمير العربي
السلام عليكم أخواتي العزيزات
حبيت اكتبلكم قصتي مع خدامتي الأثيوبية وأحذركم وانا على علم انكون مو بحاجة تحذير وفاهمين كل الاعيبهون وحركاتهون
يشهد الله يا بنات كنت اعاملها احسن معاملة والله نروح اي مكان تروح معنا بالمطاعم تمسك المنيو وتطلب الي تشتهي
الله هداها واسلمت وصدقنا واخذناه اعلنت اسلامها وجبتلها العبايات و الله يشهد ما قصدرنا معها بشي
عاشت عنا سنتين ونص نعاملها كأنها وحدة من العيلة وزادت مكانتها عنا بعد ما اسلمت وزدنا معاشها مع العلم انو نحنا نجبلا كلشي ومعاشها كلو الها تبعتو لأهلها
من فترة صارت تنزل بنتي عالحديقة الي عنا في البناية كل يوم المسا في اولاد كتير يلعبو واقول عادي خلي البنت تلعب مع الولاد وهي كمان تتسلى مع الخدمات التانيين
ومن وقتها وهالبنت تغيرت احوالها بلشت اول شي تقول انا حاسة اني اتسرعت لما اسلمت وانا وزوجي نضل نكلمها ونعقلها وترجع تقول طيب خلص اقتنعت
من لما صاحبت الخدامات صارت تقولي انا ما بدي احول راتبي من الصرافة في وحدة من الخدامات الي في البناية تحول عن طريق شخص اقربها هو يجي ياخد الفلوس ويحولها
وقتها ما عجبني الموضوع قلتلها بلكي هاد حرامي واخذ فلوسكون تقول لأ هو يبعتهم بسعر صرف احسن وان لما تحول ويسترينون يخصمو رسوم وفوائد كتير وانها بدا تبعت راتبها عن طريق هي البنت تعطيها الراتب وهي تبعته
حكيت مع الحرمة الي مشغلة هي الخدامة قالتلي والله انا اعطيها الراتب وهي في واحد يجي كل شهر يتصل فيها تنزل تحت تعطي الفلوس وهو يحولهم
ما بطول عليكون خواتي خلا صة الموضوع ان من لما صاحبت هالخدامات الي في البناية البنت لاحظت بلشت تتغير احوالها ما انكر ان امور البيت ما تغيرت وضلت تشوف شغلها بإهتمام وتهتم بالبنت متل الأول
بس صرت احسن انها تفكر وتشرد كتير وبلشت احسن انها تكذب وكل امورها متقلبة
يوم الثلاثاء الساعة 2 الضهر بعد ما خلصت تنظيف البيت وفاتت تسبحت والحمد لله انه امي عندي زيارة وانا في الدوام قالت لأمي بروح اكب كيس الزبالة وطلعت وما رجعت
الساعة تنين الضهر امي اتصلت تقلي هي البنت طلعت من نص ساعة عأساس بتكب زبالة وما رجعت لهلأ
قلتلا كيف ما رجعت قال نزلت تشوفها ازا تحت بحديقة البناية ما لاقت حدا
وانا بالدوام اقول لماما لما طلعت كانت لابسة عباتها امي تقلي لأ طلعت بالبيجاما والشبشب تبع البيت
ولأن ماما ما تعرف شو بالظبط عندها اغراض قلتلا طيب شيكي عأغراضها بخزانتها فتحت قالتلي هي الأغراض موجودة وعباياتها معلقة بالخزانة
قلت اكيد البنت صار معها شي يا حدا خطفا يا حدا قتلا الله اعلم
ما خطر ببالي انها هربت فكرت انها لو بدا تهرب عندها الف فرصة تاخذ أغراضها وتطلع ونحنا مو بالبيت
طلعت من الدوام وصلت عالبيت فتحت الخزانة تبعا لاقيتها تاركا بس العبايات طبعآ مو محتاجتهون خلص وكم بيجاما قديمة ومنشفة واخذة كل تيابها جينزات وتيشرتات وكلشي كلشي
رحت بوشي على علبة مجوهراتي لاقيتها موجودة مكان ما انا اخبيها بس في عندي عقد وفيه تعليقة مصحف كنت لابسته قبل بيوم وشلحته وحطيتو بدرج المرايا ما لاقيته سرقته الله لا يسامحها
المهم وقتا عرفت واـاكدت انها هربت وعرفت من السيكيورتي تبع البناية انه في خدامة غيرها هربت قبل كم يوم
عممنا عليها هروب بالهجرة والجوازات واجت الشرطة ما قصرو اخدو البصمات وصور وحققو مع السيكيورتي الي طبعآ قال ما شافها طلعت لأن البناية كبيرة والها عدة مداخل وممكن تطلع من مدخل الباركينغ
حسبي الله ونعم الوكيل فيها وعوضي عاللع بالعقد الي اخذتو المهم ان بننتي بخير
والحمد لله ان امي عندي هالفترة ولا كانت هربت وتركت البنت لحالا بالبيت
والله يا بنات تبت توبة ما بقا فوت خدامة بيتي حتى لو اهلك بالشغل هلأ رح سجل بنتي بالروضة بعد ما تسافر ماما بصير بوصلا بكير وبروح عشغلي وبس خلص دوام بجيبا بعين الله ما عندي غير هالحل والله يحميها من الأمراض والعدوى من الأولاد لأن انا بنتي مناعتها ضعيفة كتير وبسرعة بتنعدي
بس خلص ما عاد في ثقة ابدآ ما عاد اثق فيهون اذا المنيحة والي كنت افكرها احسن وحدة فيهون عملت هيك كيف الباقي
ما بيبين فيهون المعاملة المنيحة ولا العاطلة والله احترنا شو نعمل بس حسبي الله ونعم الوكيل
اسفة طولت كليكون خواتي بس قلبي مقهور منها كتير وحبيت انصحكون ابدآ ولا تحت اي ظرف تخلوهون يختلطو بخدم الغير وابدآ ما تنسو دهب براة وبمكان مش مقفول الله ستر ما حصلت العلبة كان راح الدهب كلو الحمد لله ونصيحة الراتب من ايدك للصراف يتحول عطول لأن بس صار في فلوس بإيدها تطمع وتفكر حالها صارت غنية ومو محتاجة الشغل
الحمد لله عكل حال اهم شي ان بنتي بخير والله سلمها وهي تروح الله لا يوفقها إنشاء الله بيمسكوها بأسرع وقت يارب
دعواتكم أخواتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يكون في عونج حبيبتي
والحمدالله ان امج قاعده في البيت
لان هذولا ماعندهن رحمه
ان شاءالله معوضه خير
الخدم مصيبه
__________________________________________________ __________
>>>> الرد الثاني :
ياربي قصت قصة و الله
الله يعينك و احسن شي تاخذي فترة نقاهة بدون خدامة و الله لا يحوجك للشغلات ابدا
__________________________________________________ __________
>>>> الرد الثالث :
__________________________________________________ __________
>>>> الرد الرابع :
هذه مشكلة الخدامات. الحمدالله ان امج موجودة
الخدمات شر لابد منه و الله يعينا عليهم
__________________________________________________ __________
