اللي رايحة لندن تدخل لذوي الاحتياجات

عنوان الموضوع : اللي رايحة لندن تدخل لذوي الاحتياجات
مقدم من طرف منتديات الضمير العربي

https://4arab.xplainer.net/images/sm...alam_allah.gif

شحاالكن بناات

بنات بغيت اتخبركن عن لندن ...

الي سارت لندن تخبرنا شو كان جدولهم هناك ..

لان نحن اول مره نسير .. يعني سيرت عوائل ..

واهم شي الي يبونه الحدائق الي فيهن العاب اكترونيه حق كبار وصخار يعني ما بين 6 سنين و18 سنه ..

الي تعرف تعطيني اسامي الملاهي ..

ويليت تقدرون تفيدوني في درجات الحراره هنااك يعني برد ولا حر في شهر سبعه ..

وهل فيزت اوروبا ولندن وحده .. ولا لندن فيزا وحده وباقي دول اروبا وده ثانيه .. لان افكر اسير فرنسا ولا سويسرا ..

وهل البلاد امنه ؟؟!!

وبس ^^

يلييت تفيدوني اكون شاكره لكم ..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هلا وغلا .. شحالج الغاليه ؟
اولا تسافرون وتردون بالسلامه ان شاء الله ... الغاليه انا من حبي للندن رديت عا موضوعج
.. تعرفين طول حياتي اسير لندن بس كله في لندن ما جد طلعت منها غير مره في سنة 99 سرنا منطقة العاب وايد روعه اسمها (الالتون تاور ) مدينة ملاهي تجنن ممكن تباتون فيها يوم بس انا اقول الاحسن تردون في نفس اليوم .....

بس السنه اللي طافت لفيت تقريبا كذا منطقه ( الثاور بارك ) مش بعيده عن لندن تقريبا نص ساعه بس بعد حلوه وايد حلوه حق العوايل والاهل وما فيها خوف بس تعرفين جو لندن وايد متقلب مرات في النهار حر موووت ومره موت برد ومطر فجأه لازم تاخذون احتياطكم ...


وممكن تروحون مناطق وايد مثل ( ويلز , برايتون منطقه بحريه . بلاك بووول بعد رووووعه )


بس الغاليه في مكتب في شارع اجولد رود مال واحد مصري وايد اوكى مواعيده وايد اوكى ومش غالي .... وبالنسبه لداخل لندن في وايد شوارع ( اكس فورد , كوينز ووي فيه مركز اسمه وايت ليس) وفي نفس الشارع في صالة العاب وتزلج وصالة بولنغ ...

وفي طبعا مطاعم عربيه على افا من يشيل عا قولت المصريين وفي طبعا ( عشقي ) الهارودز والسلفرج ومس سلفرج ... ونسيت اخبرج عن متحف الشمع (مدام تسوو )رووعه .... بس زحمه حاولوا لا تسيرون في الويك اند يعني في نهاية الاسبوع لانه زحمه وايد ووايد صراحه غالي الاحسن حد يسير قبله بيوم يحجز لكم عا فكره المتحف شارنه الشيخ محمد بن راشد .... وفي بعد ( الاكواريوم مجمع فيه احواض السمك شي غريب وعجيب شي في الخيال انا صراحه تخبلت عيبني وايد وبتشوفينه وبتذكريني بتقولين سبحان الله البحر فيه هاي العجايب وهذا بعد للشيخ محمد بن راشد وفي شي بعد له ( لندن اي يعني عين لندن ,,, بس شو عوده انا صراحه خفت اركبها )

وفي سوق اليهود يسمونه ( اسمه شابز بوش ) فيه اشيا يعني مش لين هناك اخير ما فيه الجلاليب مال النوم راقيات تعرفين مال لندن وفيه الشلح جمع شلحه الملونات والبجايم مال النوم ...... وشو شووشوووشوشووشوشوشووش بعد والله نسيت

الغاليه بدور عا الكرت مال المكتب مال الرحلات و بطرش لج الاسم والرقم والعنوان بس مش متأكده اني بلقاه او لا بس هو اخر محل في شارع الاجول رود ..........


وهيه بخبرج ترا التكاسي بتقص ضهووركم بس حاولوا تتعلمون عل الباصات اخير وفروووا الفلوس حق شي ثاني .....

وفي مكان وايد احب ارووووحه فليل بس طبعا لازم رياااااااااااااال معانا ( البيكدللي ) لانه يخوف فليل بس روعه وفي مطعم وايد احب آكل عنده اسمه ( ستيك هاووس )


وفي مركز اسمه ( التروكاديرو .. كله العاب حق الاولاد بالذات جيمز)



وفي مكااااان بموت قهر اكتشفته اخر يوم وفي اشيا وايد وايد تهبل بس بعد نسيت اسمه بس بتخبر بنت خالي هي تذكره وبخبرج ...............

هيه فيزت لندن غير عن فرنسا واوروبا .. بس ترومين تروحين من نفس المكتب اللي قلت لج عنه منطقه قريبه من لندن بس في فرنسا اسمها ( اليورو دزني ) بالقطار اللي تحت البحر مش بعيد وايد بس يباله تمين يومين اوثلاث...


وهذا كل اللي عندي عن لندن والسموحه عا القصور

__________________________________________________ __________

>>>> الرد الثاني :

بالتوفيق

__________________________________________________ __________

>>>> الرد الثالث :

مشكووره الغاليه .. والله ما قصرتي ..

وفدتيني واايد ..


وبغيت اتخبرج عن( اليورو دزني ) شوفيها هالمنطقه بالظبط .. يعني فيها العاب وطبيعه ..الخ

وعن المكان الي اكتشفتيه قبل ما تردين الامارات هههههه .. شو فيه بالظبط ..


ويزااج الله خييير .. ويو تلقين اسم المكتب تطرشيلي اياه ^^

وما قصرتي الغاليه ..

__________________________________________________ __________

>>>> الرد الرابع :

للرفع

__________________________________________________ __________

>>>> الرد الخامس :

فيزة لندن غير عن اوروبا

اذا عندكم صغار من 6 سنوات وطالع لازم تاخذونهم معاكم يوم بتسوون الفيزا لأنه بياخذون بصماتهم بعد

ولازم ماتحطون حنا في يدكم ولا لزقة جروح...