بشاكير الشوارع ! افتوني. تدابير منزلية
عنوان الموضوع : بشاكير الشوارع ! افتوني. تدابير منزلية
مقدم من طرف منتديات الضمير العربي
السلام عليكم،
عندي موضوع موب عارفة كيف اتصرف فيه، في مكان سكني عندي جارة عندها بشكارة شاردة من كفيلها الأصلي.
مسكينة جارتي الله حق واااايد حاولت يكون عندها بشكارة على كفالتها و جربت اكثر من وحدة بس كلهم طلعن بطرانات، يعني اللي ما تبا تشتغل و اللي قليلة ادب و اللي ما تسوي شغلها مثل الناس و تاكل زيادة عن اللوزوم، يعني الحرمة ما قصرت، بس يوم شافت عمرها خسرت وايد فلوس ويا مكاتب الخدم بدون فايدة يابت بشكارة شاردة و شغلتها براتب فوق الـ1500.
البشكارة ما ضرتي بشي بس انا اخاف انها تعلم بشكارتي ، يعني احيانا عيالي يلعبون ويا عيال جارتي و اشوف الخدم نازلين كلام، صراحة وايد اخاف من ها الموضوع، كلمت جارتي انها تنبه عليها ما تكلمها عن موضوع شردتها و اكدتي انها منبه عليها بس من كم من يوم عرفت من الدريول ان بشكارتي سألته عن رقم تاكسي دبي، و قالت له ما ابا اشتغل ويا ها الناس اكثر خلاص تعبت.
انا ما وجهتها بس كلمتها و قلتلها اننا نحبها و بنزيد راتبا 200 يعني الحين استوى راتبها 1000.
اللي مطمني انا ماسكة كم من راتب عليها بس الحين طلبت تطرش رواتبها كلها و الله ما عرف كيف اتصرف انا بعدني خايفة تشرد و تورطني لاني احيانا اخلى بنوتي الصغيرة و ياها.
صراحة فكرة اخبر على بشكارة جارتي و افتك من شرها بس استحرم اني اضرها و خاصة انها وايد محتاجة للبشكارة.
افتوني شو اسوي؟؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
تستحرمين !! حرام ان تسكتون عن الغلط
فقير كفيلها الاول شو ذنبه مخسر
و خرام على يارتج تستفيد على حساب الغير
خل تتقي الله
من يتق الله يجعل له مخرجا
وانتي حبيبتي حاسبي بعد قوليلها بصريح العباره انا اخافج تشردين راتبج بيتم عندي و نصه طرشيه لهلجو النص الثاني عندي
و قوليلها ان خلصتي مدتج لج مكافاه و قدرها يعني اربطيها لعل وعسى
__________________________________________________ __________
>>>> الرد الثالث :
بلغي وانتهي الموضوع ........
__________________________________________________ __________
>>>> الرد الرابع :
والله انا قاعده عند الاهل واسمع وحده من الاهل تقولي انه بتروح تلاقي شغاله عند الجمعيه قلتلها كيف قالت اختها دفعت حق الحرمه 500 والشغاله شارده وتبا راتب 1500 قلتلها حرام جييه ما يصيير مسكين الريال او العايله اللي مخسره عليها والحرمه تاخذ مبلغ بسيط وتوزعهن شو هالمصخره اصلن حتا حرام يسون شي يخالف قوانين الدوله يختي الموضوع يقهر.
__________________________________________________ __________
>>>> الرد الخامس :
تدرين عمتى يابت خدامه كملت 9 شهور وشردت ويابت غيرها ما كملت شهرين وشردت واحينه متغربله من دون خدامه خاصة انها حرمه عوده ومريضه وتبا حد عندها يطبخ ويقوم بشغل البيت تعبت من الخساير وبلغت عنهم بس شو الفايده واحده منهم عرفنا انها تشتغل ببيت ناس غير والمصيبه تتصل ببشاكيرى واخاف تشردهم حسبى الله عليها ما يفكرون كم الواحد يخسر عليهم لين اييبهم وبالاخير يشردون انا لو منج ابلغ عشان نفتك من مشاكلهم وهالظاهره ما تنتشر اكثر وكل واحده تفكر زين قبل لا تشرد
