احذرو من مكتب فاست للخدمات فراك عمل يدوي
عنوان الموضوع : احذرو من مكتب فاست للخدمات فراك عمل يدوي
مقدم من طرف منتديات الضمير العربي
السلام عليكم ... من فتره يبت شغاله فلبينيه من عندهم وطلعت روحي بارده ماتسمع الكلام اقول لها نظفي الحوش تلبسني ودش داخل.. نظفي المطبخ تسمع من اذن وطلع من الثانيه ماتغسل حمامات تمت عندي سبوعين ماغسلت غير مره او مرتين لااكثر البيت انترس غبار والقشه اللي قضمت ظهر لبعير انها غسلت نعالها مع ثيابنا انا ماتحملتها مع ان الله يشهد اعاملها بمايرضي الله ولا اعصب عليها حتى يوم اطنشني صراحه اخاف تكيد وتضر عيالي وانا وايد اخاف عليهم ماخلي الشغالات يهتمون فيهم انا بروحي اغسلهم وسبحهم واسويلهم الاكل وباريهم المهم رجعتها المكتب لهم ووحده من معارفنا قالتلي تباها لانها مشلوله وشغالتها بتسافر فيوم رحت ايبها والله صرخو علي وضاربوني وعلى شو انتو شو يخصكم شغالتي باسمي ودافعه فلوسها المهم سكت عنهم وقلت لريلي لاتسوي مشاكل ... يبت عقب فلبينيه ثانيه من عندهم لانه بها الفتره كانو الوحيدين اللي عندهم طلبات وانا كنت مستعيله لاني حامل يت العله الثانيه بعد شهرين انتظار ومن اول يوم مبوزه انا قلت يمكن مضايقه اول الايام ماتعودت بس تمت جيه اكلمها ماترد اامر عليها اطنش وتبوز وعقب قامت تحبس عمرها بالغرفه ماتشتغل اتصلنا في المكتب يكلمونها قعدت تصيح وتقول مشتاقه حق عيالي وهم مايخليوني اتكلم بالتلفون طبعا جذابه كانت تخلص عني الرصيد ومااقول لها شي وعقب يت اعتذرت وقالت بشتغل وكملت الشهر وكانت زينه ويوم كنت بعطيها راتبها قالت انا بسافر قلت لها خلاص مافي مشكله وديناها المكتب وهي مستانسه وفاقل عن ساعه اتصلو فينا يقولون خلاص هي بتشتغل يت وعتذرت قلت لها مافي مشكله انت ام لازم بتشتاقين لعيالج بس اهم شي اذا المكتب جبروج خبريني قالت لا ..بس فها الفتره كله مضايجه وتعاند وصارت شرات الاوليه ماتهتم وبارده مارتحت لها رجعتها لهم وعقب خبرتني وحده يايبه شغاله من عندهم ان شغالتها كانت تسوي نفس الحركات وتقول مابشتغل ويودونها المكتب عقب الي في المكتب يقولون تعالو خذوها بتشتغل وتعتذر بس صاحبتي ملو فقالو بيسفرونها بروحهم فقالت لهم الشغاله في المطار ان ها المكتب مب زين ايبون الشغالات ويقولون لهم تمو فترة الضمان وعقب شردو او سو مشاكل وسافروا والمشكله ان ابوي عقب ماسمع اني اتعامل معاهم خبرني ان كان يايب شغاله سيلانيه من عندهم وكانت نفس الشي قشرا وتلبس وماتسمع الكلام وعقب الضمان شردت وسار لهم وخبرهم بعد عاملوه بحتقار ورفعو صوتهم عليه بس هو ماسوالهم سالفه اشتكي عليهم عند الشرطه بسبة اسلوبهم والتعويض طبعا ماشي المشكله اني قبل لااسمع بسالفة ربيعتي وسالفة شغالة بيت اهلي كنت مسويه شغاله ثانيه من عندهم على اساس طباخه لاني احتمال اربي بعمليه فبحتاجها فيوم رجعت الفلبينيه تمت هاي باسمنا ويت بعد ثلاث اسابيع تقريبا وهي اندونيسيه ماتمت عندي وايد كانت ماتتسبح ولاتاكل ونظراتها تخوف والمصيبه انها على طول حطت عينها على ريلي تراقبه وين مايروح وحتى اذا اكلمها ماتطالعني تطالع ريلي وتم مركزه عليه لين يغيب عن نظرها.. وتامه خايسه بثيابها يوم يا زوجي من الدوام الخميس غيرت ثيابها على طول بس ماتسبحت وكانت تتكلم بصوت عالي ومرتبشه وتخلي باب حجرتها مبطل ويوم سار الشغل رجعت ساكته واذا بتدخل حجرتها تسكرها وراها خفت منها رجعتها ويوم خبرت روز الفلبينيه صاحبة المكتب صرخة علي وطلعتني انا الغلطانه واني مااصبر عليهم ووووو وكل مابطل حلجي بتكلم ماتخلي لي مجال عقب قلت لها شو اصبر اقولج حاطه عينها على ريلي اذا سوت لي شي انت بتفيديني وانت يعني ماتبين تخسرين تقومين تخسريني وكنت بقول عن اللي قاله ابوي وربيعتي بس صراحه من القهر طلعت عنها بروحي فيني سكر الحمل ومابغيت اعصب زياده انا ايب شغاله عشان ارتاح وماندفع شوي تذكرتهم تكلف من غير معاشاتهم اللي يبطونها شكثر ومعامله حسنه اعاملهم لوجه الله وعشان احمي نفسي وعيالي فاذا ماسوت الشي اللي هي يايه عشانه خلاص ارجعها المكتب مايخصه ينازع ويضارب.. لكن هم مايبون يخسرون على قولتهم البيزات اللي يعطونها للمكتب اللي من بلاد الشغالات يخسرونها ؟؟؟ لا الخسر بس حقنا يبلشونا بشغالات حركاتهم وحده وعقب يشردونهم عشان نرجع نسوي غيرها والربح عليهم فنصيحه لاتسون عندهم دام هم حراميه اللهم بلغت اللهم فشهد .
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صرنا نبي نطالب بحقوقنا مع الخدامات
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
