اكلات البيبي فتره العصر في الامارات

عنوان الموضوع : اكلات البيبي فتره العصر في الامارات
مقدم من طرف منتديات الضمير العربي

هلا خواتي حابه اعرف شو تعطون عيالكم خاصه اللي فعمر سنتين وسنه فتره العصر مليت كله فروت يا جبس وعصير يا ببكورن عطوني افكار او اشيا حلوه جربتوها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الشوفان
سيريلاك
بسكوت الاطفال
مهلبيه
كريم كراميل الفرن (شغل بيت مب الكراتين الجاهزه)
الفروت
روب بالفواكه
شوربه (الخضار او اي نوع ثاني )
عصائر طازجه
حتى من الاكلات الشعبيه عندج مثلا :
عصيده مالحه
عصيده حلوه
جباب مع جبن وعسل
بلاليط
خبز رقاق مع جبن وعسل



يعني الغاليه وايد عندج اختيارات لأن العيال من السنه وفوق
وفي هالعمر تقدرين تأكلينهم تقريبا كل شي ولله الحمد

اتمنى انج استفدتي
والسموحه

__________________________________________________ __________

>>>> الرد الثاني :

مش ضروري فواكه بس , الا خضار بعد , يعني انا اقطع شرائح خيار وفليفلة الوان وجزر وخس بنتي تستانس
او كيك او بسكوت انا اسويه بالبيت +عصير او حليب بشوكولاته او هورلكس
بدال الشيبس انا اشتري رقائق الافطار (نسكويك عندهم مجموعه متنوعه ومغذيه) واسكب بالصحن بدون اضافه حليب , تاكلها بنتي مثل الشيبس ولكن هذا مفيد عن الشيبس
اسكب بصحن مجموعة مكسرات غير مملحه (لوز و كاجو ) واخلط معاهم زبيب مجفف و تين ومشمش مجفف حسب المتوفر بالبيت

__________________________________________________ __________

>>>> الرد الثالث :

في وايد سوالف

الخضراوات و الفواكه : خيار - جزر - فراولة - مانجو ( لو فيه حساسية ابتعدي عنه )-كمثرى - تفاح - توت - خوخ- عنب - افوكادو ( في وايد اصناف بصراحة )
مهلبية - كستر - كريم كرامل - مرات اعطي عيالي سويت او كيك لو بسوي العصر
مكسرات

__________________________________________________ __________

>>>> الرد الرابع :

عن نفسي ما اايد المكسرات لين بعد السنتين اوك
لأن واااااااااايد شفت حالات اختناق ليهال من المكسرات
ولأن في يهال بعد يحسسون من المكسرات
بنت اخويه اذا تاكل اي نوع من المكسرات على طووووووول ويهها ينتفخ وتختنق
انتي أخري شوي المكسرات

__________________________________________________ __________

>>>> الرد الخامس :

العصر يوصلني هريس وبثيث وخبيص وقيمات
او تمر وقهوة او كاستر او كيك وعصير فرش او زبيب او بسكوت او فواكه حتى حلاو اعطيهم شوي اي شي انتي بتاكليه عطيهم الا اذا عندهم حساسيه