روآية أعشقه و هو في دنيتي الجنه و صعب أنساه لأني نسيت أنساه / كاملة رواية جميلة
عنوان الموضوع : روآية أعشقه و هو في دنيتي الجنه و صعب أنساه لأني نسيت أنساه / كاملة رواية جميلة
مقدم من طرف منتديات الضمير العربي
روآية أعشقه و هو في دنيتي الجنه و صعب أنساه لأني نسيت أنساه / للكـآآتـبه : }{!Karisa!}{
-
تبيني أنساك والله مـا أنسـاك أصلا مو بكيفي غصب عنـي
وين ماتروح والله راح ألقـاك ولا تفكـر انك راح تتعبنـي
أنا فاضي بس شغلي بدنيـاك ما راح أتركك الين تعشقنـي
والله العظيم وراك يعنـي وراك حتى بالحلم بتقول لا تلحقنـي
مابنساك عسى الموت ينسـاك حطيتـك براسي و لاتسألنـي
حلفت أجيبك وأذوق هـواك وأنا اذا قلت محـد يعارضنـي
أنا أعرف عـلاجـك و دواك وأعرف كيف أخليك تدلعنـي
لا تفكر بعيش لحظـة بليـاك أنت لي وأنا لك ولا تناقشنـي
لا تحلم أنساك والله ما أنسـاك حتى لو تقتلني وتجـي تقبرنـي
.. اللي يحب انسان ويهـواه ..
.. مستحيل انه فيوم ينسـاه ..
... والله ما أنساك
-
--
في سيـاره BMW الجديده المتجهه الى مطار جده كان الضحك و الفرح و هو الشيء المعتاد بين الشخصين الموجودين في داخلها بازدياد اغلب الكلام المضحك كان من البنت اللي جنب السائق، وكان السائق بدوره يضحك على سوالفها المعتاده ..
السايق في وسط ضحكه اللي يحاول يكبته و ينتبه في السياقه خصوصا ان الوقت كان متأخر و الطريق مظلم كثيـر:ههههـ احــسن شـيء صار ان الشركه بلغتنا بتاخر الرحله و لا كان انتظرنا في المطار 4 ساعات كامله ..
البنت كانت كاشفه وجهها الملون بانواع المكياج و جزء من شعرها لثلج بدلع ردت: ليش!! خايف تخسر كم الف في سوق المطار؟؟ تطمن شريت قبل الزواج اللي يكفيني 10 سنين علشان ما احتاجك يا بخيــل..
السايق و هو مستمر في الضحك: اناااا بخيــل!!! بعد مياات الالاف اللي صرفتهم على ليله العرس و في النهايه ما حصلت شيء؟؟؟
البنت التفتت له بخبث و دهاء: انت تحددت موعد العرس من غير ما تستشيرني احســن ..... تسـتاهل ههههــ
السايق و هو يمثل الوجه البريء: ما توقعتك قاسيه كذا يا خولـــــه
خــوله وهو ترفع حاجبها بثقه: انا ماني قاسيه ... انت غلطت و تحمل نتيجه غلطك..
السايق و هو ينظر لها بخبث : راح اتحمل هالكم يوم بس بعدها ما راح يمنعك عني شيء ولا راح ارحمك...ابدااا
خــوله حمر وجهها فقررت تحركه للجهه الثانيه بعيد عنه.. كان السايق ناوي يكلمها لما رن موبايله مسج..
رن رن رن رن رن
خوله: اعتقد طلبت منك تغلق خطك ...... لا تقول الدوام؟؟؟
السايق وهو يسحب موبايله من جيبه: قليلين اللي يعرفون هذا الرقم.. مستحيل يكون الدوام...
وقف الرنين فتح الرساله يقراها لما قالت خوله بفضول: خالد المرسل؟؟
توسعت عيـون السايق لما قرا الرساله في نفس اللحظه اللي سمع فيها صرخت خوله : فيــــــــــــــــــــــــــــــــــــــــــصللللل لللللللللللللللللل
رفع فيصل عيونه وكانت مصابيح سيارتين في وجهه حرك سيارته بتأخر و انرمت سيارته الصغيره بعيد بعد ما انقلبت اكثر من مره ..-
سمح الله طريقك لانويت الرحيل
منت الاول على درب الموادع رحل
قبلي الناس واجد سوت المستحيل
ودها ما توادع والموادع حصل
جيتني تسبق الخطوات عابر سبيل
رحت مني غرامك بالضماير نزل
نوب اشوفك شعاع الصبح مافيه ليل
ونوب اشوفك ظلامي بالعيون اكتحل
شكوتي بالقصايد للمحبه دليل
ذوقتك المراره بعد طعم العسل
ذكرياتي على بالك تحط وتشيل
لا تذكرت فعلي يحتويك الخجل
عزم القلب ورحل لا ترد الجميل
مابقا غير تلزم خطوتك بالعجل
روح لا تلتفت لي قبل دمعي يسيل
والله إني من الضيقه قطعت الامل
البارت الاول :
الرياض:
في قاعه الاجتماعات المغلقه لاعضاء مجلس اداره مجموعة شركـات عبـدالله الـ... كان اجتماع مغلق ينعقد وسط مناقشات حده بحاول كل طرف فيها يثبت انه الافضل و ان اللي جعبته اعلى من الكـل..
الرئيس ( عبدالله) بو فـهد : بخصوص مشـروع المدنيه السياحيه، المقاوليين يتذمرون من المواد اللي وصلت لهم هذا الشهر و يقولون انها ماهي مناسبه لمشروع كبير وراح تسبب مشاكل كثيره مستقبلا..
المدير العام ( عبدالرحمن): يا طويل العمر هذي اخر دفعه مواد متوفره عندنا في المخازن و كان في نيتنا توفير دفعات افضل بس انت اعلم شخص بالظروف..
مدير العلاقات العامه ( فارس): يا يا طويل العمر، انت عارف ان بو محمد الـ .. طالب 50% من اسهم المدينه بالكامل مقابل توفير كافة المواد.. وانه بعد ما رفضنا طلبه قاطعنا واحنا ما نقدر ننكر انه اكبـر مستورد لهذي المواد في المملكه!! الشركات الصغيره اللي نتعامل معها قاعده ترسل لنا كميات صغيره بسعر كبيـر و هذا الشيء راح يسبب لنا خساره كبيره..
بوفـهد رفع راسه للمدير المالي وكانه اخر ينتظر منه القرار النهائي: ايش رايك يا ناصر؟
ناصر و هو شبه منزل راسه من قيله حيلته في القرار اللي راح يتخذه وعارف انه ماهو من مصلحتهم لكن ماكان في اليد حيله لا له ولا للشركه اللي يشتغل فيها: ما في حل غير نقبل عرض بو محمد .. و نطلع باقل خساره ممكنه..
بوفهد تنهد وكان بيعطي بيوافق على القرار اللي اصدره المدير المالي لما قاطعه صوت الجالس جنبه (نائبه): مستحيل نقبل عرض بو محمد بعد ما خسرنا اللي خسرناه...
بو فهد حرك عيونه البنيه علشان تلاقي عيون نائبه العسـليه ببرود: ايش تقصد يا يـوسف.
يـوسف بهدوء و ابتسامه بارده: من كم يوم ارسلت طلب لاحدى الشركات الكبيره في جده بتمويل المشروع بالمواد لمشروعنا مقابل70 مليون...و قبل الاجتماع بساعه وصلني ردهم بالموافقه على تمويل كامل للمشروع مقابل 10% .
عيون بو فهد توسعت و اندهش من الرد اللي حصل عليه: اي شركه هذي يا يوسف..؟؟
يوسف من غير ما تتغير ملامحه: شركـه بو بدر الـ ........... ..
تغيرت ملامح بو فهد الهاديه الى العصبيه و ضرب الطاوله بقوه: كيف تتاخذ قرار مثل هذا من غير شوري هااااااااا!!!!!!! من تكون انت اصلاااااااا علشان تتصرف على هواك!!!!!!!!!!!!!!1
نهض عبدالرحمن من مكانه لجانب بو فهد و بدأ يهديه: اهدا يا عمـي.. يوسف نائبك ولا نسيت و تصرفه ما فيه اي خطأ.
ناصر: يا عمي يوسف بتصرفه هذا انقذ الشركه من خساره كبيره و من خساره اكبر لو ان قبلنا عرض بومحمد.. ارجوك اترك الامور الشخصيه بعيد و خلنا نركز على العمل و بس...
تظاهر بو فهد بالهدوء لكن عيونه ابدا ما بعدت عن يـوسف اللي فهم سبب هذي النظرات وقرر ينسحب بهدوء من الاجتماع.. فارس قرر يتبعه ..
فارس وهو يغلق باب الاجتماع و يحاول يلحق يوسف: يوسف!!! يوسف!!!1
التفتت يوسف له و على وجهه ابتسامه كاذبه:في شيء يا بو يوسف؟
بويوسف(فارس) اتمنى ما يكون كلام عمي زعلك.. انت تعرف انه رجل كبيـر و ما عاد يقدر يضبط اعصابه و انــــه..
قاطعه يـوسف: واني رغم كل شيء اسويه راح اظل شخص غير مرغوب فيه و ماله اي اهميه في حياته...
فارس: يوسف...
قرر يوسف ما يلتفتت لفارس و يكمل طريقه بذهن شارد
-
-
-
في جده:
دخل البيت و على وجهه ابتسامه عريضه مثل عادته استأذن قبل لا يدخل المجلس و كان ظنه في محله زوجه اخوه كانت عندهم : السلام عليكم
ردت امـه وزوجه اخوه : وعليكم السلام..
مشـى خالد لجهة امه و باس راسـها: شـلونك يا الغاليـه..
ام بدر بهدوء معتاد منها: الحمد لله دامني اشوفك بخير..
خالد من غـير ما يلتفت: شـلونك يا ام خــوله..
وفـاء (ام خوله): الحمد لله..
خالد التفتت في المجلس من غير ما يركز على زوجة اخوه الكبيـر وقبل لا يسـال امـه جاوبته: خوله في غرفتها...
خالد تغير ملامحه المبتهجه اللى ملامح غاضبه و حزينه في الوقت نفسه صعد بسرعه لغرفة خوله كان بيطرق الباب لما سمع صوتها من داخل الغرفه.
لو قلت أحبك هالكلمه ماتكفيك لو قلت اني فحبك لحظه ماسهيت
لو قلت هاك عمري مايغلى عليك لو قلت السعاده من حبك جنيت
لو قلت عسى الغمـوم ماتبليك لو قلت اني مجنون فيك ماخطيت
لو قلت انشاء الله الهموم ما تجيك لو قلت مافي غيرك بحياتي هويت
لو قلت يا حبيبي عسى ربي يخليك لو قلت اللي قلت والله ماوفيت
بس لو قلت اني أموت فيك وأهواك وقتها بتحس اني فعلا ذايب بسماك
واني مستحيل أفرط فيك أو أنساك واني أحبك و أعشقك وكلي فداك
خالد سمع اللي يكـفيه فتح الباب من غير ما يستاذن رفعت خـوله عيـونها لاتجاهه و ابتسمت لما شافت عيونه المتسائله ابتسمت بهدوء و كملت: اعتقد هذا كافي..................... اوكي اكملك بعدين مع السلامه..
سكرت خوله موبايلها و التفتت لاخوها.: من كنتي تكلمين؟
خوله وهي فاهمه قصد اخوها: سعاد بنت خالتك مزعله رجلها و تبي مسج تتعذر فيه..
خالد بشبه احباط: اهـااا.
خوله بمكر وهي وجهها لشاشه الكبيوتر و تكمل قرايه الروايه: كنت تظني اكلم واحد؟
خالد بصدمه: لاااااااا انا كنت اعتقد ان.....
خوله ببرود من غير ما تلفت له نزلت الصفحه و ظلت تتامل صوره الخلفيه..: تطمن يا خالد انا مستحيل افكر باحد بعده..
خالد : خوله اللي راح عمره ما راح يرجع..وانتي الحياه قدامك طويله مستحيل تظليين على هذا الحال للابد.... كافي ثلاث سنين راحت من عمرك بهذا الحزن
خوله ببرود: قلتها من حياتي يعني انا اللي بندم عليها ما هو انت ثانيا انا مرتاحها كذا..
خالد بعصبيه من ردودها: انتي الحين مرتاحه لكن انا بعد كم يوم بتزوج و بدر عنده بيته و ما نشوفه الا فتره لفتره... ولا تنسين ان امي و ابوي ماهم دايميين لك.................
خوله من غير ما يهز فيها اي شيء ردت: انا ماني محتاجه رجال ييصرف علي و اذا خايفه علي من الوحده اقدر اتبنى لي طفل في اللحظه اللي احس فيها و اربيه...
خالد حس ان توأمه اسكته و ماعد في يقدر يجاريها حوار كانت ينتهي دايما بفوزها من صار اللي صار..: اوعديني على الاقل تحضرين زواجي..
خوله: ما اقدر اوعدك لانك تعرف راي في الحفلات... لكن بحاول اجبر نفسي كثر ما اقدر.....
طلع خالد مهزوم كعادته من غرفتها الكئيبه.. الخاليه من اي شيء مبهج.. الشيء الوحيد الي كان ملون هو دميه اميره على سريرها و سبب وجودها في هذي الغرفه كان معروف...
بمجرد ما سكر خالد الباب، تنهضت خوله من مكانها اللي كانت فيه و مشت لجهت السرير تمددت و سحبت اللعبه لصدرها.. كان الفرق بين شكليهم كبيــــر.. اللعبه كانت لابسه فستان و ردي بشرايط ذهبيه و شعر ذهبي مزين بشرايط ورديه اللون عيون بنيه مزينه بالكحل اللامع و احمر الشفايف الاحمر الفاقع في الوقت اللي كانت خوله ذات 21 سنـه لابسه فستان اسود شعرها كان اسود قاتم قصير لتحت اذنها بشوي عيونها بنيه خاليه من اي زينه سواد تحتها كثير و الحزن التعبير الدائم على وجهها..
-
--
في الريـاض:
على عكـس خالد دخل يوسـف بيتـه من غير ما يسلم مشـى لجهه غرفته بسرعه الشيء اللي فاجأ زوجه اخوه اللي كانت نازله و طرحتها على كتفها، بسرعه حرك يوسف عيونه لبعيد وعطاها المجال تتغطى لكن صورتها الجميله مستحيل تزول بسرعه: سامحيني يا فاتن.. كان لازم استأذن..
فاتن بتوتر معتاد و خجل وفي نفس الوقت شاكره الطرحه اللي رمتها على وجهها لانها تغطي وجهها الاحمر ردت: الحق عــــ....لـــي يـ....ــا يــــ.....ووســ...ف انا كــ....ــان لازم اكــ...ـــون اكثــ...ــر حــ...ــذر..
يـوسف وهو عارف سبب توترها الحقيقي.. رفع عيونها للي كان يمشي بتمايل من وراها و لبس اجنبي بالكامل و نزل راسـه..
فــهد بابتسامه ساخره: اخوي الصغيـر هنا!!!! ياااا مرحــباااا ...
يـوسف وهو منقرف من تصرفات اخوه الطفوليه: وعليكم السلام...
فهد ضحك و حط يده على كتف زوجته الخجوله: بدري الدوام يتنهي بعد الظهر؟؟
يـوسف بابتسامه مصطنعه: حسيــت بتعب قلت ارجع ارتاح..
فهـد: هههه too bad انا عازم امي و فاتن على مطعم براه ... بس اكيـد الخدم طبخوا لهم شيء...
يـوسف بقهـر قرر ينسحب من غير ما يرد.. في الوقت اللي كانت قلب فاتن يتقطع عليه في كل لحظه تشوف معاملة اهله او اللي المفروض يكونون اهله له...
يـوسف ضرب باب غرفته بقوه من وراه و رمى نفسه على سريره و هو يشد شعره بقوه... تعب تعب كثــير...
تعب يـشوف الاب اللي مهما سـوا يهينه، تعب من زوجه الاب اللي تعامله اقل من الخدم، تعب من الاخوات اللي ما عمره نظروا له كاخ، تعب من الاخ اللي يحصل على كل اللي يتنمناه من غير تعب.. تعب من شوفه الانسانه اللي تمناها مع غيـره، تعب تعب تعب تعب ...... حس بدمعه بتنزل ... تمالك نفسه بصعوبه مشـى لمكتبه الكبيره كان يحتفظ فيها باغلب ذكريات دراسته في الخارج فتح الدرج المغلق و سحب مظله مطر ورديه اللون مزينه بشرايط ذهبيه و ميداليه تحمل الحرف f في نهايه المقبض ...ابتسم و هو يتذكر كلمات مستحيل ينساها...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
-
-
يوسف فجاه رد الرئيسه(يتزوج) ابوه لمح له بموضوع الزواج اكثر من مره لكنه ابدا ما فاتحه فيه بشكل رسمي على عكس فهد رجع يقرا الرساله مره ثانيه و بعدها اتخذ قراره: كلامها عين العقل اول ما يرجع ابوي من جده بفاتحه بالموضوع...
-
-
-
في قاعه الافراح الضخمه في جده كان زواج خالد الـ ..... الجـود الـ .. وسط اهلهم و احباءهم دخلت العروس فستانها الابيض الطويل المزين بالكريستال من كل جهه و تسريحتها الاخاذه كانت في قمه الجمال و الروعه .. لكنها ما كانت محط انظار الكـل.. اغلب الحضـور كانوا يستفسرون عن البيت النحيله الجالسه لحالها.. ثوبها الاسود وكانها رايحه لعزاء ووجها الخالي من المكياج.. شعرها الاسود القصير..كانت جالسه لحالها و كان العرس غير مهم بالنسبه لها ..
طاولة اهل العروس:
الهنوف وهي تأشر على البنت الجميله اللي تسلم على الحضور و تشرف على الضيافه: الجوهره هذي اخت المعرس اللي لابسه احمر ..
الجوهره: لا هذي زوجه بدر اخو خالد.. كانت حامل يوم الملكه علشان كذا ما حضرت..
العنود بابتسامه ناعمه : ما شاء الله عليها حلوه و انيقه..
الهنوف: وووووووع .. هذي حلوه؟؟؟ اختي الجود احلى منها بمليون مره..
العنود: استغفر الله العظيم،، الهنوف انا ما قلت شيء.. اختي الجود حلوه و مرت اخوهم حلوه بعد ..
الجوهره: لا مو حلوه...
العنود قامت من مكانها و قررت تمشي لطاولة امها و فاتن .. لما كانت قريبه منهم انتبهت وجود حريم ما تعرفهم كثير حتى فاتن كان شكلها متوتره و ماهي عارفه تتكلم... حركت وجهتها تدور مكان فاضي لما لمحت الطاوله اللي جالسه عليها البنت الكئيبه ذات الرداء الاسود...
العنود: السلام عليكم..
خوله بوجه خالي من اي تعابير: وعليكم السلام..
العنود وهي تاشر على احد الكراسي: المكان فاضي؟
خوله هزت راسها و سمحت لها تجلس..
العنود جلست و ساد الهدوء المكان كانت تنتظر من البنت تفتح معها اي حوار لكن البنت ما فتحت فقررت هي تفتح الحوار: ما تعرفين اي وحده اخت المعرس؟
خوله باستغراب من السؤال ردت بسؤال: ليش تسالين ما تعرفينها...؟؟
العنود: لا بس .. ماشفتها في الملكه علشان كذا ما اعرفها..
خوله: انت من اهل العروس؟
العنود بابتسامه عذبه: اي انا اخت العروس اللي اكبر منها العنود و انتي؟؟؟
خوله ردت ببرود: انا خولـه اخت المعرس..
العنود توسعت عيونها من الصدمه و فتحت فمها من المفاجأه: انتي اخت المعرس؟؟
خولـه: ليش؟ فيني شيء؟؟؟
العنود بتوتر: لا بس .... مو باين..
خوله حركت وجهها لبعيد وبدت تراقب العروس.. سعيده و تضحك.. تصور مع صديقاتها و اهلها شكلها و فرحتها ذكرتها باشياء حاولت تنساها...
العنود لما حست ان خوله ماهي راده عليها قررت تنسحب و ترجع لطاوله خواتها ...: تدرون اي وحده اخت المعرس؟
الهنوف بفضول معتاد: من؟؟؟
العنود من غير ما تأشر : البنت اللي جالسه لحالها و لابسه اسود..
الجوهره وكانها ما كانت عاجبتها : هذي مو باين اصلا ما نشوفها تسوي شيء من اليوم..
الهنوف: لا تنسين ان في الملكه بعد ما كانت موجوده.. هذا وهي اختهم الوحيده..
العنود: حتى انا استغربت.. بس ما ادري احس في عيونها حزن ... و ان عقلها ما هو معها..
الهنوف: مجنونه؟
العنود : استغفر الله... اروح اقعد مع امي و صديقاتها ابرك لي..
الهنوف ظلت تتامل خوله لمده.. الجوهره راقبت اختها و عرفت شيء واحد.. الهنوف ترسم شيء في بالها و اكيد هذا الشيء خطيــر..
-
-
-
خالد كان في قمه السعاده.. و اخيرا ما عاد في حواجز مكانيه و زمانيه بينه و بين الجــود.. اللي ما شافها الا يوم الملكه و بحكم البعد و شغله المستمر كان يعتمد على التليفون كطريقه للتواصل معها ..
خالد باعجاب و هو يتامل الجود اللي فردت شعرها الاسود الطويل على قميصها الابيض الحريري و مكياجها الثقيل و هي تتمايل بجسمها بخبث تخفيها بخجل: شلونك يا حبيبي ....
خالد وهو يطلق شهقه طويله: حبيبك؟؟؟؟؟؟؟
الجود بخبث: اكيــد انتي حبيبي... ولا شلون رضيت فيك زوج لي..
خالد: قمر والله قمر.. يالجود..
الجود: هذا ماهو شيء جديد علي... اصلا انا احلى وحده في الكون ... و لو تفكر تتزوج علي بتكون اغبى انسان في الدنيا..
خالد وهو يضحك على كلامها: هههههه الحين هذا كلام تقولينه في ليلة زواجنا؟؟؟
الجود: لازم اقولك و افهمك .. انا الجــود الـ.... و ماني اي بنت اصل و جمال و فلوووووووس.. يعني مالي مثيل..
خالد تأفف هذي العباره كانت اكثر شيء يملله في كلامه معها: اسف يا الجود الـ ... يالحلوه يا الغنيه يا بنت الاصل ممكن نسكر هالموضوع ونعيش احلى ليله في حياتنا...
الجود رفعت حاجب و ابتسمت بخبث بدت تتمايل بجسمها و خالد يمشي وراها..
-
-
بعد العــرس رجعوا اهل العروس للفيلا اللي اشتروها في جده علشان يقعدون فيها اذا زاروا الجود في المستقبل ..
بو فهـد: الحمد لله تم كل شيء خيـر..
ام فهد وهي تمسح دموعها: ياولي على بنتي توها صغيره ما ادري شلون وافقت ازوجها و هي بهذا السن..
بو فهد وهو يضحك: هههه بنتك عمرها 5 سنين علشان تقولين هالشيء؟؟
ام فهد: استغفر الله مالك قلب هذي بنتك اخر العنقود.. ما رضيت الا تزوجها واحد من بره منطقتنا علشان تحرمني شوفتها...
بو فهد: هذي سنه الحياه و بو بدر رجال مليونير و من مستوانا.. عكس اللي كان يخطبونها كلهم طامعين بفلوسها..
الجوهره و اخوتها و هم مقررين ينظمون للحوار: شكلك تعرفهم من زمان..
بوفهد: بو بدر صديقي ايام الدراسـه قبل لا ينتقل ما عايلته لجده... و لما بددينا التجاره بدينا مع بعض و لما كبرنا كل واحد راح لجهه..
الهنوف: علشان كذا اول ما خططبوا الجود وافقت على طول؟؟؟
ام فهد بعصبيه: الهنوف شهالكلام اللي تقولينه؟؟
بو فهد و هو يضحك: مافي داعي للعصبيه فعلا انا ما صدقت ان بو بدر يخطب الجود.. في الحقيقه انا كنت خاطب بنته خوله لفهد بس للاسف كان خاطبها و لد خالتها و موافقين عليه.. و صارت فاتن هي اللي من نصيب فهد..
الهنوف: خوله الكئيبه!! كنتوا خاطبينها لاخوي فهد المزيون!!
ابو فهد وهو يطلع نفس طويل: لا تقولين هذا الكلام يا الهنوف الله يكون في عونها خوله..
العنود: ليش يا يبه؟؟ شفيها خوله؟
ام فهد: الله يسلمك بعد ملكه دامت اربع سنوات مات زوجها في ثاني يوم من زواجهم..
العنود وعيونها امتلت بالدموع: مات ثاني يوم؟؟؟
ابو فهد: صار لهم حادث في طريقهم للمطار.. و مات على طول.. خوله بقت في المستشفى لمده ماهي طويله و بعدها طلعت ما سمعت شيء عنها بعدها حتى بو بدر كان رافض يتكلم عنها ..
العنود: الله يكون في عونها..
الهنوف ربطت اخر خيط في خطتها و اطلقت القرار النهائي بخبث: بابا انت لحد الحين تتمنى خوله لواحد من عيالك؟
ام فهد بعصبيه: هبله انتي؟؟ و ان كانت بنت صديقه تبين يزوجها ولده على بنت اخوه؟؟
الجوهره و هي فاهمه خطت الهنوف قررت تسايرها في انجاحها: الهنوف اختي ما تقصد فهد..
ام فهد: اجل تقصد من؟؟؟ لا تقولييييييييين يوسف؟؟
الهنوف بابتسامه: بالضبط... يوسف مسكينه بيشيب وهو ما تزوج لانه خايف يرفضونه..
بو فهد بعصبيه: ولدي و ينرفض ليش!!!!!!
الهنوف: الكل يعرف انه اخونا بس امه من و اهلها من .. والناس هالوقت ما يزوجون بناتهم لاي واحد حتى وان كان ابوه مليونير و صاحب مركز...
الجوهره: كلامي اختي الهنوف عين العقل.. الحرمه ماهي متزوجه ولا مخطوبه ( ارمله) و نقدر نخطبها ليوسف...
العنود باندفاع: انهبلتووواا؟؟ اخوي يوسف ماعليه قاصر.. ليش تبون تزوجونه ارمله وهو توه ولد!!!
ام فهد بعد ما اعجبتها الفكره قررت تكبرها في مخ زوجها: اسكتي انتي يا بو فهد بناتك كلامهم صح.. لا تفوت هالفرصه من بين يدك اخطبها ليوسف وخل نقوي علاقتنا فيهم .. اللي اكيد بتجيب لنا الكثير من الفوايد..
العنود: يمــه..
ام فهد بعصبيه: اطلعي براااااااااااااه..
بوفهـد دخل في عالمه الخاص .. كلام بناته و زوجته صحيح.. لكن من الظلم يزوج يوسف ارمله.... بعد تفكير و تفكير اخذ قراره مستحيل يترك بو بدر و ثروته تضيع من يده: اول ما نرجع للرياض راح اكلم يوسف و ابلغه بالقرار اللي اتخذنها...
ليت النـدم يفيد و أتنـدم وليت القلوب تنطق وتتكلم
من حب بقيت فيـه أتألم و للجروح مستسلم و مسلم
ليت النـدم يفيد و أتنـدم وليت الظالـم يفهم و يتعلم
حب بسيـط و منـه أتعلم تعلمت منه اشلـون اتظلم
ليت النـدم يفيد و أتنـدم حالي ما يسر عدو ولا صديق
و قلبي يشتعل نيران و حريق وأنا بين دمعي ضايع وغريق
ليت النـدم يفيد و أتنـدم دمر كل مابنيتـه من قصور
وظلمني بلا احساس وشعور وأنا اللي أهديته ورد وزهور
ليت النـدم يفيد و أتنـدم كفاية لــوم وكفايه عتاب
واليـد اللـي فتحت الباب هي لنفسها جابت العذاب
ليت النـدم يفيد و أتنـدم الجرح فيـا عيـا يتحسن
ومدري أضحك و الا أحزن على حبيب مافي منه أجبن
ليت النـدم يفيد و أتنـدم جرحي ينزف وعيـا يطيب
والحـظ معي عيـا يصيب و عجـز فيني كـل طبيب
ليت النـدم يفيد و أتنـدم على حبيب لا حن ولا حس
وجرحني وظلمه كان أخس الين نطق لساني و قال بس
ليت النـدم يفيد و أتنـدم قلبي من جرحـه صار أبكم
ماني مصدق كأنـي أحلم لو جات من غيره كان أرحم
أندم والا ماراح يفيد النـدم .. آآآه .. ليت النـدم يفيد و أتنـدم
-
-
انـــطر ردوكم وتـوقـعـآآتـكم
__________________________________________________ __________
>>>> الرد الثاني :
هلابك
واشكرك على الروائعه
باين انها حلوه
متابعه لك استمري
وارجو منك مراجعت قوانين القسم
ولك شكري
__________________________________________________ __________
>>>> الرد الثالث :
ثــآآنـكـس مزوون ع الرد
ان شاء الله بشووف القوآآنين
واتمنـى اشووف ردوود عشـآآن اكملها
__________________________________________________ __________
>>>> الرد الرابع :
__________________________________________________ __________
>>>> الرد الخامس :
روآية أعشقه و هو في دنيتي الجنه و صعب أنساه لأني نسيت أنساه / للكـآآتـبه : }{!Karisa!}{
بعد كل هذا الغياب اللي صار يعني مافكرت انك تسأل عني
أنا قلت بصبر وبرضى بالأقدار قلت حبيبي أكيد مات وتركني
مو معقول ماتجي منه أي أخبار أكيد فيه شي صار وأبعده مني
أثرك بخير وعايش دنياك ياغدار وماجا على بالك انك تطمني
ماودي أعاتبك صار اللي صار وراح أنسى انك خيبت ظني
تعال الحين مو وقت العتـاب كيف حالك وايش أخبـارك
عايش مثلي عذاب في عـذاب والا أنا اللي أنحرق من نـارك
أكيد مثلي مأثر فيك الغيـاب قلي وايش أخبارك وأعـذارك
أنا بخير وأحتريك ليل و نهار بس كل همي ترجع وتسعدني
تبي الحقيقه كنت بعدك منهار ولون عيونك عيا انه يفارقني
عايش وكنت كل لحظه محتار مره أقول والله حبيبي يعشقني
ومره أقول حبنا كان استهتار كنت في حيره وظنوني تعذبني
أنا ماقدرت أنساك باختصار عايش وذكرياتك هي تصبرني
تعال الحين يا أغلى الأحبـاب تعال اوصف لي وين مكانـك
أبي أجي بيني وبينك حسـاب ودي أضمك وأبوس لسانـك
تعال من زمان قلبـي ماذاب أنا مشتاق أرتوي من حنانـك
البارت الثاني:
كانت تطبع كعادتها رد في الموقع لما دخلت امها عليها و معها الشغاله: حطيهم هنا.... شكرا..
ام بدر صرفت الشغاله و انتظرت خولـه تلتفت لها..: خوله..
خولـه و هي مستمره في الكتابه: ثواااااني مامــــا........................... انتهيـــت..
ام بدر طلعت نفس طويل و جلست على الكنبه هي تراقب خوله تمشي لجهتها ..
خـوله جلست جنب امها و انتظرتها تبدأ : هلا مـاما ...
ام بدر بنظره شبه غاضبه : سؤال يطرح نفسه انتي جاهزه لزواج اخوك بكرا؟؟؟
خوله حاولت تتظاهر بالهدوء و ردت: كل شيء جاهز مـاما تطمني..
ام بدر: مثل اللي قلتيه يوم الملكه كل شيء جاهز و لما كنا بنطلع غيرتي رايك!!!
خوله: تعرفين اني اكره طريق المطار.. ثانيا انا وعدت خالد احضر العرس..
ام بدر و هي حاسه ان جزء من همها طاح ابتسمت و كملت: اخترت لك فستان من المشغل يجنننننننن لـونــ......
خوله: سعاد اشترت لي فستان..
ام بدر رفعت حاجب : سعاد؟
خوله مشت لجهت الخزانه و فتحتها سحبت فستان توسعت عيون ام بدر لما شافته من الغضب: ايش هذااااااااااااااااااا؟؟
الفستان كان اسود طويل باكمام طويله و فتحه صدر متوسطه فيه شريطه رماديه حول الخصر تنتهي بورده..
خوله و هي كانت متوقعه ردت فعل امها و مجهزه الرد: الفستان اللي راح البسه.... ومستحيل البس غيره مهما حاولتي!!
ام بدر قامت من مكانها بعصبيه: انتي فاهمه بتصرفك هذا راح تحرجيني... انا صاحبه وحده من اكبر دور الازياء بنتي الوحيده تلبس فستان مقرف مثل هذا!!!!!!!!
خوله نزلت راسها بحزن و رجعت الفستان للخزانه: اسفه مـاما سامحيني...... انا ما راح اسمح انك تنحطين في موقف مثل هذا علشان كذا انا ما راح اروح..
ام بدر و هي تحط يدها على راسها تكبت اللي في قلبها: خوله حياااااتي تقدرين تلبسين اللي تبينه انا اسفه اني حاولت اجبرك تلبسين غير اللي جهزتيه..
خوله بهدوء: شكرا ماما..
ام بدر: اوكي فستانك بما انه ناعم محتاج ميك اب ثقيل و تسريحه اوفر و ........
خوله: انا بروح كذا............
ام بدر: هذا اللي مستحيل يصير!!!!!!!! سااااااااامعه.......... كحل خفيف وقلووووووووس ما راح يذبحك...
خوله باستسلام : اوكي..
ام بدر ارتاحت على الاقل لقت حل لمشكله الميك اب بقت المهمه الاصعب في نظرت مشت للعلبه المغلفه بطريقه ممتازه و سحبتها: طلبت هذي من فرنســا .. مصنوعه باعلى جوده ممكنه..
خوله بتوتر و فضول في نفس الوقت: ايش هذا؟
فتحت ام بدر العلبه و كان مثل الكف على وجهها.. داخل العلبه شعر ذهبي طويل مموج لونه طبيعي و ماهو بايبن اطلاقا انه مستعار: اعتقد انه بالضبط مثــل شـعـ.........
خوله قاطعت امها بصراخ: طلعي هالشيء بره..
ام بدر: خوله.........
خوله وهي تصيح و تبكي: طلعييييييييييييييييييييييييييييييييييييييييييييييي ييييييييييييييييهاااااااا..
ام بدر بخوف سكرت العلبه و اخذت طريقها لبره.. خوله اللي انهارت على الارض تبكي كملت يوم جديد من حياتها لحالها في الغرفه...
-
-
بملل و تأفف يـوسف و هـو يوقع اخر ورقه من بريد الشركه.. استدعى السكرتير و سلمه البريد اللي استبدله السكرتير بمجموعه جديده من الملفات، منصب رئيس مجلس الاداره صعب.. شيء طبعي ابوه دايما عصبي...
رجع يوسف جسمه لورا و بدأ يتامل السقف ابتسم بالم و قال : دايما عصبي معي......... و رحيم مع غيري...
وجود يوسف في مكان رئيس مجلس الاداره كان شيء غريب نوعا ما.. السبب هو ان المدراء واللي يعتبرون جزء من عائلتهم ( بحكم انهم ازواج اخواتهم) و رئيس مجلس الاداره سافروا لجده البارح..
- قبل يــوم-
من عادة يـوسف يرجع للبيت متاخر خصوصا في الايام المتوقع فيها وجود اخواته و خصوصا الهنوف مسببت اغلب المشاكل، لكن و على غير عادته رجع يوسف قبل عادته لان ابوه اتصل فيه و طلب يشوفه..
يـوسف وهو يدخل الصاله الرئيسيه: السلام عليكم..
كانت الهنوف و العنود مع فاتن و امهم في الصاله، ردت على يوسف فاتن و العنود: وعليكم السلام..
ام فهد وهي تلوي وجهها للجهه الثانيه و بتأفف: اهلا... رجع بدري !!!
يوسف: ابوي يبيني بموضوع..
على غير عادتها ردت الهنوف وسط صدمه الكل: موجود في المكتب لا تتاخر عليه، اوكي..
يوسف استغرب مثل الكل ان الهنوف تبدي حوار ما ينتهي بمشكله معه لا و تحرص انه ما يتاخر علشان ما ينزعج ابوه!.. مشى يوسف للمكتب و هو ماهو متطمن..
يوسف و هو يفتح الباب: السلام عليكم..
بو فهد حط الاوراق اللي كان يقراها و ابتسم: هلا وعليكم السلام..
ابتسم يوسف مشى لجهة ابوه و باس راسه، اشر له ابوه يجلس قدامه: تبي شيء يالغالي..
بوفهد و الابتسامه مازالت على وجهه: يوسف يا ولدي انت تدري ان عرس اخوك بعد بكرا و انه لازم من بدري نمشي لجده..
يوسف: ادري يا يابوي و اغراضي كلها جاهزه..
بوفهد وهو شبه غاضب ان يوسف قاطعه: يا ولدي .. انت تدري ان ما نقدر كلنا نروح و نترك الشغل من غير والي... عبدالرحمن كان ناوي يقعد و يتولى كل شيء في غيابنا.. بس صار ظرف منعه من هذا الشيء و الباقي خبرتهم قلليله مثل ما تعرف و انت يا ولدي اكثر شخص اعتمد عليه في غياب عبدالرحمن و غيابي..
يوسف و هو يضغط يده من تحت الكرسي علشان ما يشوفها ابوه: افهم من كلامك انك تبيني اجلس هنا اشتغــــــــــل في الوقت اللي الغرب رايحين زواج اختي؟؟
بوفهد و بذكاء رد: قلتها بلسانك، الغرب.. تبي اترك حلالنا عند الغرب و انت ولدي المسؤول الحكيم موجود!!!
يوسف غمض عيونه بقوه و ضغط يده بقوه اكبر ابتسم و فتحها بعد ما ابتلع كل الغضب اللي كان فيه: طلباتك اوامر يا ابوي.. هذا ماهو او زواج اغيب عنه... ولا هو زواجي علشان اصر على الروحه ههه.
بوفهد طلع نفس راحه و ابتسم: تسلم.. وان شاء الله اشوفك عريس في القريب العاجل..
يوسف حرك راسه بالايجاب و ابتسم، قام من مكانه: عن اذنك برجع اغراضي للخزانه..
بوفهد: تفضل...
مشى يوسف لجهت الباب و لاحظ ظل عنده كان عارف صاحبته لما فتح الباب ما لقى صاحب الظل لكن سمع صوت عالي من الزاويه كانه قاصد صاحبه يسمع يوسف الكلام: غصب عليه بيوافق!!!
الجوهره: واذا ما وافق؟
الهنوف بتافف: تطمني انا اقنعت ابوي ان زوجك انسان معروف ومهم ووجوده في زواج الجود اهم بكثيييييير من وجود يوسف.. اصلا يوسف من يعرفه اصلا؟؟
الجوهره: كلامك صح.. على الاقل عبدالرحمن من عايله كبيره و معروفه... عمامه و خوااااااااااااااااااله معروفين و مهمين داخل المملكه و خارجها ... عكس يوسف اللي ما يعرفه الا اهلنا لا و مو كلهم بعد..
يوسف كان عارف ان الهنوف و الجوهره تعمدوا يسمعونه الكلام علشان يقهرونه وانه كان ينتظرونه يطلع علشان يحرقون اعصابه...
تحرك بعيد و بدأ يسمع ضحكهم بنجاح خطتهم دخل غرفته و فرغ شنطه في خزانته و سط حزن كبير...
في زواج الجوهره كان عمره 11 سنه.. اشتر له ابوه ثوب و شماغ مشابه لفهد لبس و تعطر بعطر عنده و نزل يجلس مع اهله قبل الزواج ام فهد لاحظت يوسف.. شكل الثوب و رغم انه مشابه لثوب فهد الا ان يوسف كان احلى و اوسم بكثير ما قدرت تتمالك نفسها تظاهرت بالمشي جنبه و مسحت صبغ الاظافر بثوبه ، ابوه عصب و حرمه الروحه لاهماله و توسيخ ثوبه.. يوسف البرئي رجع لغرفته بحزن كبير...و جلس في ذاك اليوم لحاله في البيت لان حتى الخدم راحوا للعرس (حركه من ام فهد علشان تقهره اكثر)
تجنبا لهذا الشيء رفض يوسف يروح زواج الهنوف اولا لان ذكرى زواج الجوهره مازالت في باله ولانه ما كان يحب الهنوف ورافض يكون جزء من فرحها..
زواج العنود هو الوحيد اللي حضره لانها اصرت يكون موجود و تحبه كثييييييييير...
زواج فهد كان متحجج بسفره للخارج علشان يكون بعيد عن شيء رافضه بقوه...
لهذا الشيء مافي داعي للحزن على زواج الجود اللي ما تقل كره له عن الهنوف ..
-الوقت الحالي-
يوسف بعد الاوراق من قدامه و سحب اللاب من شطنته فتح و دخل بريده كان في انتظار شيء ... والحمد لله لقاه...
رد على رساله ارسلها من باب التخفيف عن الحزن اللي داخله.. وندم انه سمح لشخص غريب حتى و ان ما كان عارف هو من يعرف هذا الشيء..
المرسل: نادي العشـاق ..
اقتباس
----------------------------------------------------------
السلام عليكم
بصراحه لفت انتباهي اعلان موقعكم خلال بحثي في المواقع عن حل لمشكلتي و قبل ما ارسل الرساله ،، بحثت وتاكدت بنفسي من ان الكل يمدح فيكم و في المساعده اللي تقدمونها للمحتاجين..
عندي مشكله من نوع مختلف و انا اظن انه صعب يكون لها حــل...
انا احـــب زوجة اخوي !!!
كان من المفروض هذي الانسانه و اللي احبها من كل قلبي و اللي كانت السبب في تحملي ذل اهل ماهم باهل...تكون لي..
استغل هالناس سفري و غيابي.. ضغطوا عليها و على ابوها و زوجوها اخوي الفاشل ..انسان ما يعطي هذي الرقيقه اي حب او انتباه عايش على وناسته و طيشه.. انسانه ما تقدر تمنع عيونها من النظر لي بحب في كل مره تتلاقى عيونا..
انا خايف علي وعليها... خايف تتسب هذي المشاعر بمشاكل اكثر و اكثر بيني و بين اهلي...
ارجوك ساعدني....
------------------------------
و عليكم السلام اخوي..طلبت تحويل الرساله لي و ان الرد يكون مني انا شخصيا لما لاحظت انها شبه معقده و تحتاج حكمه و هدوء بال...
الاعضاء الباقي رفضوا الرد و اعتبروك مجرم.. يستحق التجاهل ..
(يوسف توسعت عيونه من الكلام اللي يقراها كان بيغلق الصفحه قبل لا يلفت انتباهه السطر اللي بعده)
انا على العكس اتعاطف معـك لاني اعرف بالضبط شـعور لما ينتزع بالغصب من قلبك الحب اللي كان يمليه... لكنـا في النـهايه ما بوسـعنا الا ان نعيش من دونهم ..
و اسلم شيء لك هو انك تتزوج... وجود الزوجه مهما كان قلبك متعلق في غيرها راح يغير في اتجاه الصح مع الوقت.. و تكوين الاسره راح يعوضك الفراغ اللي تحس فيه اتجاه اسرتك..
و نصيحتي لك ان تسارع في هذا الشيء.. الشيطان راح يلعب في عقلك و يصور لك اشياء راح تدفعك لارتكاب اخطاء ممكن تكون غير قاصده و تتسبب في اشياء تندم عليها مستقبل ..
بالتوفيق.:
الرئيســه : Magi
