مالي الا خواتي شوروا على ايب خدامة ولا لا؟ تجارب منزلية

عنوان الموضوع : مالي الا خواتي شوروا على ايب خدامة ولا لا؟ تجارب منزلية
مقدم من طرف منتديات الضمير العربي

خواتي شوروا على ايب خدامة ولا لا؟صراحة من انا صغيرة متعودة على الخدامات,تنظف وتكوي وتطبخ بس صراحة امي اللي كانت مراعيانة.وبعد ما تزوجت اول سنين ما احتجت خدامة بس بعد ما صار عندي 3 اطفال ولله الحمد احتجت شغالة وكل ما ايب واحدو تطلع اخس من الثانية ضرب للاطفال وخناقة ووجع راس طول اليوم.والحين لي 3 شهور ما عندي خادمة بس صراحة تعبت احس ماني قادرة اتحرك اطلع واقضي اغراض البيت لانه عندي طفل صغير وصعب معاه الحركة وكمان بناتي صارت دراستهم كثيرة ماني قادرة اوفق بين شغل البيت ودراستهم والاهتمام بزوجي.افكر ايب خدامة بس والله صارت عندي عقدة نفسية منهم ما ادري ايبها ولا لا شو رائكم.مع العلم اني ما ادام بس احس ان الشغالة شوي بتريحني وتمسك اشياء مني انا ما اخليها تطبخ زوجي ما ياكل من الخدامات ولا ليها خص بالاطفال بس تنظف وتغسل وتكوي وانا اهتم بالصغارية ودراستهم وزوجي .انا الحينه في بيت غرفتين وصالة وبنقل بيت ثاني فيه غرفة خادمة بسبت الخدامات لان كل مرة ايب واحدة تجلس مع بناتي في غرفتهم وتعمل مشاكل .شوروا على ايبها ولا ايش الافضل؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صلي استخاره

الشغل يبالها مساعده بصراحه

__________________________________________________ __________

>>>> الرد الثاني :

لازم يبالج وحده تساعدج في امور البيت

يعني فالتنظيف والغسيل والترتيب

اما رعاية الطفل والزوج والطبخ عليج

بس ممكن هي تساعده فالطبخ .. مثلا تقطع وياج اشيا

لان ماشاءالله عندج اطفال ما بتلحقين على كل شي

__________________________________________________ __________

>>>> الرد الثالث :

لو تحصلين وحده اتيج ساعتين في اليوم أفضل من الخدامه إللي تكون متواجده على طول من ناحية مشاكلهم وراحتج النفسيه
ساعتين تغسل وتننظف وتكوي وتتوكل وباقي اليوم تكونين حره في بيتج بدون عيون غريبه

__________________________________________________ __________

>>>> الرد الرابع :

نصيحة اختي لو بيتك غرفتين صالة بلاها جيبي خدامة بالساعة افضلك وغسالة صحون اريحلك

__________________________________________________ __________

>>>> الرد الخامس :

لوتقدرين تجيبين بالساغات ابرك لج بس حرصي لا تسرق منج شيء