رايكم في الخادمات الأثيوبيات !!!!! تدابير منزلية
عنوان الموضوع : رايكم في الخادمات الأثيوبيات !!!!! تدابير منزلية
مقدم من طرف منتديات الضمير العربي
السلام عليكم
شحالكن خواتي
بنات أريد تجاربكم ورايكم في الخادمات الأثيوبيات
لأني أريد أييب وحدة ،، والصراحة متخوفه >_<
رايكم من حيث النظافة
الشغل
الطبخ
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نفس حالتى متخوفه لا تذبحنى هاها
انا اخوى عنده فبيته وحده كانت صغيره ومتعلمه واهلها متعلمين زين يمدحونها لكن يشتكون من كسلها ما تشتغل زين فى النظافه بس دوم اسير اشوف بيتهم نظيف والله اعلم
واعرف وحده كانت عندها مهب على كفالتها اثيوبيه مسيحيه متدينه وايد تشكر فيها ومول ما تستغنى عنها
استخيرى غناتى والله بس الى يعرف المصلحه
__________________________________________________ __________
>>>> الرد الثاني :
الصراحه كل الجنسيات منهم الزين والشين
وايد من اهلنا عندهم اثيوبيات من ناحية النظافه معلميهم ومرتبينهم ونظاف بس انصحج لما تطلبين من المكتب قولي لهم ابغي من المدينه مب القريه واطلبي دارسه ولو كم سنه
والشغل ماشاءالله شغيلات
بس الطبخ صراحه مب هاك الزود على حظج اغلبهم ياييبينهن للتنظيف والكوي
بس في كذا وحده ماشاءالله علموهم ماشاءالله صارو طبيخات بالحظ
انتي توكلي على الله واستخيري وربي يسهل امورج
__________________________________________________ __________
>>>> الرد الثالث :
من ناحيه الشغل شغيلات لكن هذا ان تمت وما شردت
وغير جيه سفاحات وسراقات
__________________________________________________ __________
>>>> الرد الرابع :
__________________________________________________ __________
>>>> الرد الخامس :
اثيوبيه قال الاثيوبيه خليها تشتغل براحتها تخبرينها ولاتتامرين عليها حاره ماتحب حد يدخل بشغلها بتنظف لج بتكرف بس تدخلين بشغلها بتم مبوزه طووووووووووول الوقت بس هي ماتصرق الحق ينقال ياما خليت فلوس جدام عينها وماصرقتني
على فكره بخبرج معاناتي حاليا وياهن كانت عندي اثيوبيه تشتغل عندي من اربع سنين في البدايه واول مره تشتغل صغيره في العمر ومسلمه بعد اول الايام كانت تحب تشتغل وهي ساكته ومن بعد ماخذت الراتب قامت تبوز المهم قامواليهال يتعلقون فيها وهي بعد حبتهم وطول الوقت اليهال ضحك وسوالف وياها وانا بعد ارتاحت لها كنت اخلي عيالي عندها يوم اكون مشغوله برع البيت ويوم ارجع احصلهم في فرشتهم متعشين ونايمين خلاص تعودنا عليها حتى من كثر مانثق فيها قصين لها تذكره ساير راد واخر شي الحرمه شردت عن طريق المطاااار وهالسالفه من يووووووووووووومين وانا حاليا حامل وماعندي خدامه خلاص توبه ماااخذ من هالجنسيات البنقاليه ابرك منها
