لعشاق البدكير والمنكير شوفو شو صار وياي من مطبخ الامارات
عنوان الموضوع : لعشاق البدكير والمنكير شوفو شو صار وياي من مطبخ الامارات
مقدم من طرف منتديات الضمير العربي
السلام عليكم حبيباتي
اولا ماكتبت هالموضوع الا لاني فعلاً حابه افيدكم وانبهكم
انا سويت قبل العيد بدكير منكير
وكل شي تمام وشغل حلو مرتب
عقب كم يوم حسيت بألم قوي في صبع ابهام ريولي
اليوم اللي عقبه ماقدرت ارقد الليل من شدة الالم
وعقب لاحظت حوالي ظفري الجلد شوي يميل للبياض
وهذا غير انه منتفخ ومستوي احمر يابس مثل الكوره
عرفت عقب انه مستوي فيه خراج واسم المشكله ( داحوس الظفر )
ماقدرت اطوف الموضوع ورحت للمستشفى وانا اعري من الالم ولابسه سليبر ^^" لاني مب قادره البس اي جوتي
وهناك حولوني على قسم الجراحه العامه
الدكتور سوو لي شق وطلع الخراج والالم لايطاق الله لا يبيلكم
واليوم ثاني يوم صح انه خف الحمدلله بس بعد مب قادره امشي عدل والالم خفيف وشعور يضايق
والمفروض كل يوم اروح المستشفى يغيرون لي الشاش صوب الخراج
وهذا غير انه مايطلع كله من اول مره
يعني ثاني زياده يطلعونه لج زياده وجي
الحمدلله على كل حال
الزبده يا بنات
لما شاف الدكتور صبعي قال اكثر المشاكل اللي اتيينا بسبة البدكير والمنكير
وحذرني اني اقص حواف ظفري
وراني اظافره وقال جي المفروض الاظافر تنقص ( بس من فوق فقط وماله داعي يقصون الحواف ويعدلون شكل الظفر )
لانه اذا غير جي انقص هني تطلع مشكلة داحوس الظفر
احس اني كرهت البدكير والمنكير من كل قلبي ومابسويه طول حياتي الا بالبيت وبنفسي
انا مب يايه اقول لكم لا تسوون ولاتروحون
لانه هالشي بالاحلام يستوي
بس حابه انبهكم حبيباتي
اولا يفضل تاخذون وياكم ادواتكم ولو انه هالشي مب كافي انه مايسبب لكم مشاكل
لانه طريقة التنظيف والقص هي الاساس
وايد تحذروا وحطوا عينكم عالحرمه وهي تسوي
ولاتطلبون مووول تعدل الحواف
بس خل تقص وتبرد الاظافر من فوق لاتقرب من الحواف
والله اني ما اريد الا مصلحتكم
وقلت في خاطري لو اني شفت عضوه منزله مثل هالموضوع قبل كنت بتحذر او يمكن ما بسوي من الاساس
ف الحين انا احط موضوعي هذا لكل وحده ماعندها خلفيه عن هذا الموضوع
انا ماكان عندي علم مووول بهالمشكله وانها منتشره بسبة البدكير والمنكير الا يوم رحت المستشفى من كلام الدكتور و السسترات !
بالاخير اعيد و ازيد
انا ما اقول وقفوا هالشي
بس تحذروا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
فعلاً أختي صدقتي في كل كلمة . أنا صار لي نفس الحالة من سنوات , ومب بس صار لي خراج أنا حتى الظفر ألتهب وطاح من مكانه , ومن يومها بطلت أسوي بدكير ومناكير في الصالونات وبروحي أقص أظافري وأرتبهم .نقطة مهمة أحب أضيفها على تنبيهج , لو مصرين تسوا البدكير والمناكير في الصالون , خذوا معاكم أدواتكم الخاصة بكم , لا تخلوهم يستخدموا لكم أدوات الصالون حتى لو طلعوها لكم معقمة من الجهاز وبكيسها , لأن عاملة كانت تشتغل في صالون خبرتني بنفسها أنه مرات ما يكون عندهم وقت يغسلوا ويعقموا , بس علشان البلدية يحطوه في الأكياس ويسكروه بجهاز السيل !وطبعاً يوهموا الزباين أنه الأدوات نظيفة ومعقمة .
__________________________________________________ __________
>>>> الرد الثاني :
__________________________________________________ __________
>>>> الرد الثالث :
الغالية الف سلامه عليكي
انا عانيت من نفسسسس هالمشكله , أول ما كتبتي موضوعك الأول تستفسرين عن الحاله فورا فهمت انه صار عندك داحوس
لانه صارلي نفسك من شهرين , ولكن ما كنت مسويه بدكير ومنكير في صالون , انا بروحي قصيت الأظفر ولكن قصيت أظفر زيادة عن اللزوم بالغلط فصارتلي هالمشكله
انا هنا ما ادافع عن الصوالين ابداااا لكن احذر نفس كلام الدكتور لا تقصون الحواف
__________________________________________________ __________
>>>> الرد الرابع :
تقصدون لمن يقصون حواف الجلد الميت لا الظفر نفسه؟
بحرم اسويه
__________________________________________________ __________
>>>> الرد الخامس :
انا بس أقص الاظافر و ابردهم انا قص الحواف مو دايم
مرة او مرتين بالسنة لاني اخاف وايد ،،،
و يستحسن انج تشترين أغراض المناكير و البديكير خاص بج
عسب محد يستخدمه
