معشوقي احبك حتى الجنون فن الروايات
عنوان الموضوع : معشوقي احبك حتى الجنون فن الروايات
مقدم من طرف منتديات الضمير العربي
السلام عليكم ورحمة اللله وبركاته حبيت اشارك منتدى عبير روايتي الاولى {معشوقي احبك حتى الجنون }
بسم الله الرحمن الرحيم
البارت الاول
البارت 1
روايتي تتحدث عن معانة بطلتي وماضي اجبرها ان تعيش على غلطاته اجبرها ان ترتدي رداء القسوة وتتجرد من الانسانية كتبت لكم روايتي لتتعايشو مع بطلتي تحزنون لحزنها وتفرحون لفرحها البارت الاول " عائدة الى ملاذ احزاني
صحت من النوم بسبب الحلم اللي صار له فترة يراودها قامت وتروشت توصلت الفجر ولبست تيشرت وبنطلون جلد اسود وربطت شعرها بربطة سوداء ذيل الحصان ونزلت متوجها لشركة ابوها
قابلها في الدرج سامر
الهام :صباح الخير سمور
سامر :صباح النور الهام تبين يجهزون لك السيارة
الهام ببتسامة : ايه لو سمحت
بشركة عائلة ال -------
وصلت لشركة وطلعت مكتبها الهادئ بدرجات العودي جلست بهدوء وبدت في الشغل دخل عبد العزيز عليها رفعت راسها وناظرت فيه ببرود ورجعت لشغلها
عبد العزيز: مثل مانتي متحشمين احد على العموم السلام عليكم
الهام من دون لا ترفع راسها : ومثل مأنت ماتعرف حدودك شكلك متأدبت من اخر لقئ بيننا
عبد العزيز ببتسامة خبيثة :اكيد اتعلمت كثير
الهام بتملل : وش عندك ماتبي شي تلرى الباب يوسع جمل
قام عبد العزيز: حبيت اسلم بس وخرج وترتسم على وجهه ابتسامة غير مفهومة
تاففت الهام واتصلت على سامر وطلبته يجيها المكتب سكرة من سامر واتصلت على امها
الهام : الو
ام الهام :الو كيفك حبيبتي
الهام : تمام انتي كيف وبابا كيفه
ام الهام: بخير وشلون الشغل ماشي
الهام: الحمد لله كله تمام
ام الهام : بنتي سمعي مني ورجعي لديرتك واهلك والله اتعبتيني ببعدك عني
الهام : يصير خير ماما كلها سنة وارجع لك
ام الهام بزعل : انتي بتموتيني ناقصة عمر على العموم مع السلامة
الهام: في حفظ الرحمن -قفلت من امها ولقت سامر جالس ينتظرها
سامر :وش بغيتي
الهام:خبر الخدم يجهزون اغراضي وجهز اغراضك بتنتقل لمكتبي من بكرة وكلم الكل ابيهم بعد ربع ساعة في قاعة الاجتماعات وماابي اي احد يتخلف
سامر: اوك اي اوامر ثانية
الهام :سلامتك
نعرفكم ببطلتي الهام عمرها 20 سنة عيونها لونهم رصاصي غريب عندها مرض القلب عايشة في كندا من هيا في الثنوية شخصيتها قيادية واذا بدات في شي لازم تكملة مرحة وقت الجد جد وقت المزح مزح وماتجامل احد شعرها بني مخصل بي الاشقر لحد كتفوفها قصيرة شوي جسمها مخصر ونحيفة
درسة سنة وحدة في جامعة هارفرد لادارة الاعمال وصارت تدير شركات ابوها في كندا
في الرياض
صحى من النوم على صوت المنبه رن الجرس وجاى له فهد
فهد:هلا سعود
سعود: صباح الخير
فهد : اي صباح الله يهديك باقي شوي ويـأذن الظهر
سعود :المهم مافي اي جديد بخصوص الهام
فهد : مافي جديد ياخي اانت مدري وش لون حبيتها في واحد متحرش فيها اليوم الصبح وهي رايحة الشركة خلت الحرس يجيبونه لحد رجولها وضربته ضرب مو صاحي شكله راح يبطل مغازلة
مدري من طالعة عليه متوحشة
سعود بضحك : تربيت عمي ماينخاف عليها
فهد : يلا قوم تجهز علشان نروح لشركة وتركه يتجهز
قام سعود وصلى الفجر وتجهز لبس ثوب ابيض وغطرة بيضة ونزل يروح هو وفهد لشركة ابوه
في كندا -في الاجتماع
ترأسة الهام الجلسة وبدأت الكلام
الهام: نبداء الاجتماع لو سمحتم ماابي احد يقاطعني انا انشاء الله طيارتي اليوم في اليل لرياض وممكن ماراح ارجع ثاني سامر بيدير الشركة مثل قبل وابي اوصيكم على الشركة ترى مثل ماهي شركتي شركتكم بعد ابيها تكون مثل شرفكم
ورجال يحافظ على شرفه لو على موته انتم مثل اخواني وانا اثق فيكم ثقة عمياء اشوفكم على خير وقفت وجات خارجة وقفها صوت وليد
وليد : انسة الهام ممكن تعطيني اجازة مرتي توها والدة ولازم اكون جمبها في الرياض
الهام : طيب بعطيك شهرين بس تعال معي اليلة
وليد بفرحة :شكرا
ابتسمة وخرجة وهي حاسة بحزن على فراقهم ماكانت تعتبرهم موضفين عندها تعتبرهم اخوانها في وقت اللي الله ماعطاها اخوان ركبت السيارة وتوجهت لمطار كندا الدولي .
اتمنى القى ردود تشجع دمتم بحفظ الرحمن (التناقض فتاة )
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حياك الله
اتمنى تكون الروايه حلوه
واتمنى تلقين قراء لروايتك
يعطيك العافيه واستمري بطرحها ..
__________________________________________________ __________
>>>> الرد الثاني :
البارت الثاني
في مكان اخر من كندا
---------------------ابيك تجيب لي كل اخبارها اول بأول من يوم اطب رجلها ارض الرياض فاهم
-----------------حاضر طال عمرك ببس وش تراعها من عايلة واصلة لو انكشفنا نروح ف شربة ماي
--------انت نفذ اللي اقوله ومالك شغل باقي الاشياء وسكر من غير لاينتظر رد الاخر
عند الهام
وصلت للمطار ولقت خالد ومربيته
الهام وهي تاخذ خالد من المربية : عسى ماتعبك معاه جوري
جوري : لا ولدك عسل مشاء الله عليه
الهام : عمري ماراح القى مثلك انا وولدي
وصل وليد وركبو الطيارة واقلعت لمملكتها اللي فقدتها من 3 سنين ونص
وصلت على بعد رحلة طويلة وشاقة لقت السواق في انتظارها عند البوابة المطار وصلت خالد والمربية لشقتهم واتصلت على اهلها
الهام : الو سوزي (رئيسة الخدم ) ممكن تعطيني امي
سوزي : اوك مدام
راحت نادتها ام الهام : الو هلا حبيبتي
الهام : يمة انا عند البوابة خليهم يفتحون الباب
ام الهام والفرحة موب سايعتها :والله الحين انا بنفسي لاافتح لك موب الخدم "وسكرة وراحة كلمت ابو الهام اللي استانس برجعة بنته كثير فتح البديقارد الباب ل الهام ودخلت لقت امها
جالسة جات من وراها وحضنتها تفاجأت امها بعدين رجعت تبكي
امها: الحمد لله الحمد لله اللي خلاني اعيش لين اشوفك
الهام: كيف المفاجئ ماما
ام الهام : حلوة بس ليش ماقلتي لنا نستقبلك في المطار على الاقل تلقينا ننتظرك
الهام بتوتر: عادي المهم انا هنا الحين "راحت لجهت ابوها وسلمت عليه بحرارة
الهام: كيفك باباImissyou بو الهام : وانا بعد يا بابا كيفك وكيف الشغل في كندا
ام الهام : عاد انت مايهمك غير الشغل خل البنت ترتاح
الهام :هههههههههههههههههههههههههههههههههه ياحلاتكم والله حتى هواشكم وحشني
ام الهام : والله يابنتي البيت ماله طعم دونك
ابو الهام : معها حق انتي ملح البيت
الهام : تسلمون يلا انا بروح ارتاح
ام الهام وابوها : تفضلي
دقت ام الهام على كل العايلة خبرتهم بجيت الهام من كندا
اعرفكم ب افراد العايلة مكونة من 3 اخوان
ابو سعود الله يرحمه ام سلطان عيالهم
سعود 29سنة غامض ما يتكلم كثير تربية ابو الهام همه الشغل طويل معضل شعره تحت اذنه بشرته برونزية عيونه عسلية غامق العايلة كلها
عيونهم عسليه يدير شركات ابوه
سلطان مرح ويحب احلام طيب ودايم مبتسم 27عمره سنة طويل بشرته برنزية شعره سبايكي نحيف شوي بس جسمه حلو لون عيونه عسلي يدير احد شركات سعود
سحر 22سنة طولها متوسط لون عيونها نفسهم حبوبة حيل بشرتها فاتحة شوي خطيبة تركي
سمر 20 سنة بعمر الهام صديقة طفولتها تشبه اختها سحر بكل شي حتى التصرفات تدرس طب
العايلة الثانية عايلة ابو تركي تاجر مشهورة شركاته ب المملكة ام تركي سيدة مجتمع بمعنى الكلمة
اكبر عيالهم تركي 27سنة صديق سلطان الروح بروح خطيب سحر بنت عمه بشرته فاتحة شعره نفس سعود جسمه رياضي
احلام اخت الهام من الرضاعة عمرها 21سنة تدرسة تصميم ازياء بجامعة في جدة طويلة وجسمها مخصر مثل عارضات الازياء
العايلة الاخيرة عايلة ابو الهام رجل اعمال كبير شركاته منتشرة خارج المملكة ام الهام ربة منزل تهتم ببنتها وتحبها بطريقة جنونية الهام سبق التعريف
احلام من عرفت عن رجعة الهام اختها جات لها طاير من جدة الهام كانت جالسة في غرفتها تراجع تقارير شركتها فجئ انفتح الباب
احلام بدموع : الهام
ناظرتها الهام لثانية بعدين قامت حضنتها وبدت احلام مسرحية الدموع عكس الهام اللي كانت مبتسمة وهي حاضنة اختها
احلام بين الدموع : وحشتيني يادبة
الهام : تدرين حتى انا وحشتيني كثير
احلام : اشك مو شكله كندا عجبتك حتى ناسيتنا لاتتصلين ولاتسألين
الهام:عادي كنت مشغولة انا ماكنت العب هناك مثل ماتعرفين
احلام :انتي ماتتركين البرود هذا
الهام :حياتي اجبرتني على فكرة ترى جبت لك صور خالد خذيها من شنطتي هناك (تأشر على التسريحة )اهل الهام محد فيهم يدري عن خالد غير احلام
احلام :اوك
رن جوال الهام معلن وصول رسالة رفعت الهام الجوال وناظرته كان مكتوب (نورت فينا الرياض عاصفتي عبد العزيز ) عبد العزيز ملقب الهام بلعاصفة ورمته على السرير ببرود
احلام بفضول : مين وليش قهرانة كذا
الهام: هذا عبد العزيز بعدين اقولك سالفته
احلام :لا الحين تقولين الي
الهام بملل من لقافتها : هذا واحد كان معي ب الجامعة لاتشغلين نفسك معه
قومي طفي النور علشان ننام عصبت احلام وقامت تتمشى في حديقة المجمع سلطان كان جالس في البلكونة لما شاف ظل يتحرك في المشتل قام بشويش وشال مسدسه نزل ا وتوجه للمشتل بسرعة كبيرة كانت
ورا الباب وتشم وردة عاجبتها حست بحركة وراها التفتت ولقت المسدس صوبها تفاجئ سلطان ورجع على ورا بسرعة اما احلام كانت واقفة مثل ماهي من الخوف انشلت رجولها كلها ثواني وطاحت على ركبها تبكي ارتبك سلطان وماعرف وش يسوي معاها
سلطان: احلام انا اسفة يلا قومي معي على الفلة
احلام :------------------------------لارد
سلطان : احلام (ياربي البنت هذي تجنن في كل حالاتها ) واخيرا استوعبة احلام هي وين
احلام بفشلة من سلطان : احم انا اسفة بس انا اخاف من المسدسات شوي بس بعد عن الباب بروح ----سلطان كان متنح فيها كيف ترجف من الخوف استوعب واخيرا وبعد
سلطان : (انا وش جالس اسوي حرام علي هذي بنت عمي ) ----احلام كانت تمشي و تطالع ملابسها وجهها احمر من الفشلة (اووه وش اسوي ياويلي لو قال لتركي والله يشرب من دمي ) راحت بيتهم وهي خايفة لا تقابل تركي
طلعت غرفتها بسرعة وصلت راحت على سريرها على طول ----عند سلطان اللي كان فوق سريره ويتذكر شكلها وهي خايفة وترجفة ابتسم ابتسامة خفيفة وغمض عيونه يبي ينام
الصباح
صحت الساعة 9 خذت شاور سريع ولبست تنورة سوداء لنص الساق وبلوزة بيضة وصلت لبست عبايتها ونزلت ركض باست راس امها وجلست على طاولة الاكل تفطر بسرعة
ام الهام : يابنتي اكلي بشويش الشغل ماهوب طاير بعدين انتي الله يهديك ابوك ماعطاك اجازة اسبوع
ليش تتعبين نفسك وتروحين الشغل
الهام وهي قايمة : ماما انا تعودت على روحت الشغل كل صبح ماقدر اقعد في البيت يلاتأخرت اشوفك على الغداء
ام الهام : الله ييسر امرك يايمة
خرجت مسرعة وهي ماسكة الجوال تدور على رقم مربية خالد ماحست غير وهي صادمة ف جسد قوي رفع راسه والتقت عيناه بأعين رمادية طالما عشقها سرا
الهام : اسفة بس ترى انا موب غلطانة انت ماتناظر قدامك
ابتسم سعود : انا بعد اسف بس انتي الغلطانة
الهام :المهم لاطولها وهي قصيرة عندي شغل اذا انت فاضي وتبي مشاكل باي
سعود :(والله تمنيت هذا اليوم من سافرت وانا فاقد حسها وهواشها )
عند الهام "وجع ماعنده ذوق المفروض يقولي الحمد لله على السلامة موب يهاوش بس صراحة صاير وسيم اكثر من قبل مالت علي انا وش جالسة اخربط اوه خالد لازم اروح له بسرعة
ركبت السيارة وقالت له يوصلها لتقاطع ------ وصلها السواق وهو مستغرب طبعا الهام دلته على تقاطع بعيد عن الشقة شوي علشان مايعرفها نزلت وهي مشتاقة لخالد حيل صار لها يوم كامل مشافته
دخلت الشقة وكان صوت بكاء خالد مالي المكان
الهام : افا افا خلودي يصيح " حملته وصارت تدور فيه لحد ماسكت وصاريضحك
نروح لسعود
جالس فمكتبه ويوقع على معاملات لشركة دخل عليه فهد
فهد : سلام عليكم سعود
سعود : هلا تفضل ايه كنت ابيك ماتبطل تراقبها
فهد :حتى وهي في السعودية وش ذا
سعود يطالعه بنص عين : اقول ماكني عطيتك وجه يلا ضف وجهك لااتوطى بطنك
فهد :طالع لاتخاف
سعود بسرعة : فهد فهد
فهد مدبوزه يسوي نفسه زعلان : خير
سعود من غير اهتمام : هي راحت لخالد الحين
فهد: ايه هي عنده الحين ليش
سعود : لابس ماشفتها جت الشركة ا
فهد : انا رايح
سعود : اوك" طلع فهد وكمل سعود شغله
يتبع البارت 3
__________________________________________________ __________
>>>> الرد الثالث :
البارت الثالث
عند الهام وهي طالعة من شقة خالد
الهام :جوري انا ماشية تعالي اخذي خالد
جوري :طيب "جات جوري وخذت خالد اللي بدء يصيح طلعت الهام وراحت لشركة
في الشركة
وصل لشركة وطلعت لمكتبها بعد ماصبحت على ابوها وصلها البريد من سامر على اوضاع الشركة بكندا وكانت امورهم ماشية تمام
نروح لناس ماقد تكلمنا عنهم
ام سعود :روحي صحي سمر وسحر
الخدامة :اوك مدام "راحت ودخلت لجناح سحر كانت صاحية وتكلم تركي اشرت للخدامة تطلع وراحت لجناح سمر كان بارد ومظلم اتجهت لستاير وفتحتها وخذت الريموت كنترول طفت المكيف
سمر بأنزعاج : اندي وجع انشاء الله انقلعي برا
اندي : يور مام ونت يو ^-^ افهموها
سمر :اوك بس اطلعي وسكري الباب
اندي : هازر مدام (حاضر )
عند سحر :تركي متى بنجهز الاثاث تبع بيتنا
تركي : مدري بس جدولي مليان هالاسبوع
سحر : طيب وش رايك الاحد الجاي
تركي ماحب يكسر خاطرها :اكيد موافق كم سحورة عندي انا
سحر:تسلم
في بيت ابو الهام
ام الهام : وش رايك ياخالد (ابو الهام )
ابو الهام : انااعجبتني الفكرة بس مدري اذا بنتك راح توافق نسوي لها عشاء في المزرعة
ام الهام : لابتوافق اذا انا طلبتها بنتي من اهي صغيرة ماترفض لي طلب
ابو الهام: اجل خلاص انا ببدء اجهز من الحين وبكر كل العايلة نروح سوى للمزرعة
ام الهام : نبيها تكون عائلية يعني بس العايلة تعرف بنتك انعزالية
ابو الهام : صار تامرين على شي انا بروح اجهز
ام الهام : ما يامر عليك عدو " طلع ابوا لهام وبدت امها تخبر الاهل
مع حلول العصر كانت العايلة كلها تدري عن المزرعة غير صاحبة الشأن
على الغداء
الهام :سفرة دايمة
ام الهام : قعدي يابنتي ابي اكلمك
الهام: هلا وش بغيتي
ام الهام : يابنتي طلبتك لاترديني
الهام : يايمة وانا منو ارفض لك طلب اكيد عطيتك
ام الهام بفرحة : اجل تجهزي بكرا بنروح كلنا مع العايلة لمزرعة سعود بمناسبة رجوعك بسلامة
ولاتعارضين بكرا وبعده مافي دوام فاهمة
الهام بتوتر : طيب "قامت بسرعة وطلعت لغرفتها (الحين انا وش اسوي كيف اترك خالد واروح لمزرعة هذي مشكلة لاني مستحيل اترك خالد لحاله هنا ) جلست تفكر وتحوس بلغرفة لربع ساعة
الهام : ايه لقيتها " خذت جوالها واتصلت على احلام
احلام : الو سلام
الهام بعجلة : احلام ابيك تساعديني علشان راح اخذ خالد للمزرعة معنا
احلام : كيف ياعبقرية زمانك
الهام :راح يجي مع جوري على اساس انها صديقتي وهوولدها وبكذا يبقى معي وش رايك
احلام : فكرة حلوة
الهام :يلا سلام بكلم جوري تجهز اخراضها هي وخلودي ايه صح ترى بتروحين مع انا وجوري بكرا اوك
احلام : ماعندي مانع يلا سلام " سكرة من الهام وقامت خذت لها شور نعش ولبست بجامة فوشية وجلست قدام المراية تسرح شعرها رن جولها بنغمة تنتظرها بفارغ الصبر رمت الفرشة وراحت بسرعة لسريرها رفعت جولها وكانت رسالة من بدر (شاب تعرفتة عليه احلام ف جدة ) حياتي انتي فاضية ادق عليك الحين " ردة احلام بسرعة ايه اكيد فاضية اتصل بدر
احلام : الو بدر احلى الو والله " نتركهم يكملون حديثهم
عند سعود
كان بيطير من الفرح واخيرا راح يجتمع معها (للمعلومية ترى البنات مايغطون على عيال عمهم ) من متى مجتمعو مثل هالجمعة
سعود : واخيرا بتدخل مزرعتي
صار يجهز اغراضه علشان يروح اول شخص يعاين المزرعة ويوفر له كل شي يحتاجونه قبل مايوصلون
__________________________________________________ __________
>>>> الرد الرابع :
البارت الرابع
ثاني يوم الصبح صحت الهام من بدري علشان تروح عند جوري وخالد لبست بنطلون اسود وتيشرت احمر لبست عبايتها ونزلت ولقت امها تفطر
ام الهام :الهام وين رايحة اليوم مافي شغل
الهام : ايه ادري بس رايحة امر صديقتي علشان تروح معنا المزرعة
ام الهام : بس الجمعة عائلية قلنا
الهام : مايخالف ماما ترى جوري مثل احلام بنسبة لي
ام الهام : على هواك بس لتأخرون علينا
الهام :لاانتم روحو انا وجوري واحلام بنروح سوى
ام الهام : طيب فأمان الله
الهام : باي
عند جوري
جوري : يلا ياخالد البس عن العناد الحين ماما جاية ترى نروح نتركك هنا لحالك
خالد راقد ومعطيها طاف
دخلت الهام
الهام : سلام
جوري : وعليكم الله جابك شوفي هالعلة موب راضي يلبس
الهام : جوري لاتقولين عنه عله اكيد الحين راح يرضي ماما تلبسه " خالد مطنشهم ويلعب
الهام وهي تكلم خالد : يلا خلودي تعال البس علشان نروح باي باي " خالد طناش " الهام بدت تعصب خالد خويلد قوم قبل ماأصفقك صاير مدلع " جوري تضحك على شكل الهام
جوري :توك تقولين لاحد يسبه وش فيك قلبتي
الهام : جوري بتقولين شي زين ولاتسكتين
جوري وهي ماسكة ضحكتها : اكيد اسكت يمة تخوف
الهام: خالد قوم
خالد مطلع لسانه ويضحك على الهام شكل الهام " قامت وشالته بل قوة فتح خالد فمه وعض الهام بأقوى ماعنده "الهام :خالد يامتوحش
جوري :طالع عليك
الهام :جوري انقلعي جيبي خالد من الصالة
جوري تضحك : طيب " طلعت جوري ابتسمت الهام (الله لايحرمني منه )
دخلت عليها جوري وهي شايلة خالد اللي يضحك " مسكت الهام خد خالد : صاير مشاكس يلا الحين تعال البس " واخيرا رضى خالد يلبس لبسته ملابسه ولبست عبايتها هي وجوري وطلعو يروحون عند احلام في المزرعة
وصل سعود على الفجر راح نام وصحى الظهر وبداء شغل في المزرعة رن جواله
سعود : الو
سلطان : وينك علشان تودي امي موب راضية تروح معي
سعود : انت ماتعرف تسلم
سلطان : السلام عليكم ورحمتة الله وبركاته
سعود : انت في البيت
سلطان : ايه ليش
سعود: عطيني امي بسرعة
سلطان : يمة ولدك يبيك
ام سعود : هلا ياوليدي وينك
سعود: يمة ليش موب راضية تروحين مع سليطين " سلطان من بعيد: اصغر عيالك انا قال سليطين قال
ام سعود : اخوك يسوق كنه موب شايف خير ابي اروح معك
سعود : ههه يمة انا بلمزرعة عطيني اكلمه وانا افهمه يمشي بهددوء
سلطان : هلا
سعود بصرامة : والله لو اسمع من امي انك كنت مسرع اعلق راسك في بوابة المزرعة فاهم
سلطان : فاهم
عند احلام
حايسة ماهي عارفة وش تلبس الحين وجالسة ترتب ملابسها (ذكرت في بداية الرواية ان احلام تدرس تصميم ازياء علشان كذا تهم بتنسيق الملابس)احلام: اوف الحين توصل الهام وانا ماجهزت " رن جوالها وكان بدر ردت بسرعة
احلام : سلام
بدر : سلام كيفك حياتي
احلام : بخير وانت كيفك
بدر : مو بخير
احلام : ليش وش فيك
بدر : صار لنا 3 شهور نتكلم وكل ما قلت لك نتقابل رفضتي افهم من كذا انك متثقين فيني
احلام: لا والله اثق فيك بس احسها صعبة
بدر : لاصعبة ولاهم يحزنون انتي عايشة بجدة لحالك صح
احلام : ايه بس الحين انا برياض علشان بنروح مزرعة ولد عمي
بدر :والله
احلام ببرائة : ايه والله
بدر: اجل وش رايك اجيك ونشوف بعض لو دقايق انا ب رياض
احلام : مادري يا بدر صعبة
بدر يمثل الزعل : اجل صدق ماتثقين فيني في امان الله
احلام :لا خلاص بدوري لاتزعل موافقة
بدر بخبث :صدق حلومتي واخيرا راح نتقابل
احلام : ايه بس دقايق ورسلك عنوان المزرعة
بدر : اوك انتظر على احر من الجمر باي
احلام : سيو حياتي " سكرت من بدر وراحت لبست بنطلون ابيض مع بلوزة سماوي دقايق واتصلت عليها الهام تقول لها تنزل لبست عبايتها ونزلت
في السيارة
احلام : سلام
الكل وعليكم السلام
دخلت احلام السيارة وحرك السواق متجه للمزرعة او لمصير مجهول بنسبة ل احلام
احلام :جوري عطيني خالد " خذته من جوري " واخيرا تقابلنا مستر خلود سمعت عنك كثير والله اعرفك فيني انا خالة احلام " مدت ايدها تسلم عليه ناظرها خالد بعدين قال : كبة (كلبة )
الهام وجوري اللي فهمو قصد خالد : هههههههههههههههههههههههههههههههههههههههههههه
احلام : وش فيكم وش قال الفصعون يضحك
جوري : كلبة
احلام :هههههههههههههههه طالع على امه " نزلت الهام راسها بحزن انتبهت احلام عليها وندمت على كلمتها "احلام : الهام سوري والله موب قصدي " رفعت الهام راسها وبتسمت بحزن وقالت : لا عادي تصير
احلام بصراخ :ياويلي نسيت
الهام : وش "ناظرتها احلام بنظرة فهمتها و سكتت " رفعت احلام جوالها وارسلت عنوان المزرعة لبدر
يتبع --------------------------
وين الردود والتعليقات
__________________________________________________ __________
>>>> الرد الخامس :
كملي متابعين لك
يعطيك العافية
استمري وتحياتي لك
