الحيآه بلآ خدآمه

عنوان الموضوع : الحيآه بلآ خدآمه
مقدم من طرف منتديات الضمير العربي

السلام عليكم ورحمة الله وبركآته
يسعدلي صبآحكم / مسآكم
شحآلكم عسآكم آبخير


آلحيآه بلآ خدآمه
ليش نحن نلجآ لـ خدآمه ونحن نعرف نشتغل
ونطبخ
ونربي عيالنا
ونهتم فيهم
وانظف بيتنا


ليش آنتي تيبين فبيتج خدآمه ؟
يعني ماترومين تشتغلين ؟
ماتحبين تعب ؟
ماتبين تطبخين وريلج يفرح بآطبآخج ومن ايدينج ؟
مآتبين تغسلين ثيآب ذو روآئح كريه ؟
مآتبين ولدج آو بنتج تتربي وتكبر بآيدينج آنتي وليس بيد خدآمه ؟


تعرفين انه الشغل مفيد وآيد
تخيلي انتي من الشغل البيت تخففين وزنج
ومن الحركه ماتيبين لج امراض
وماتشتكين من الم الظهر وغيره


زمآن اول ماكان في خآدمآت
عيل حريم شو كانو يسون ؟
ف نفس الوقت ينظفون ويهتمون ف عيالهم وف ريايلهم ويطبخون ويجابلون ضيوف
وشوفي بنفسج تربية عيال اول وعيالنا الحين
الحين انصدم اشوف ياهل مايبي ياكل مع امه يبي ياكل مع خدامه ؟؟؟؟؟



لو تعرفين ريال يحب اهتمام المراءه بعيالها اكثر من خدامه
واكل من ايدينها وليس من يد الخادمه



بيجي يوم وولدج بيقولج يمه انتي ماربيتيني !
تربيت بيد خآدمه
شو بيكون شعورج انتي


وغير هذا نسمع من بنات
والله خدامتي تعصب علي
خدامتي شردت
خدامتي تضرب عيالي
خدامتي ماتشتغل


مافكرتي شو سبب كل ها
ليش خدامتج ماتشتغل ؟
فكري بنفسج ليش يعني
حبيبتي انتي بيتج شوكبره والحمدالله
هي كم بتشتغل وبتسوي ولازم تاخذ راحه
ليش ماتخفين عنها الشغل شوي وتشاركينها شوي
وتسالينها مو هي بعد انسانه ؟
لا وفوق هذا تعامل غير لائق ابدااا




https://4arab.xplainer.net/images/smilies/bb/31.png
بالاخير اتمنى انكم تستفيدون من موضوعي وتفكرون عدل
وسموحه منكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم ورحمة الله وبركاته


أعتقد أن "الخدامة" هي ثقافة مجتمع https://4arab.xplainer.net/images/smilies/smile.png، يعني بالإمارات "يجب" أن يكون هناك خادمة في معظم البيوت سواء المواطنات أو حتى الكثير من الوافدات حتى لو كان أحوالهم المادية "على قدهم".
في بلدي، لا أذكر أحداً سواء أكان في بحبوة من عيشه أو بضيق، يستخدم الخادمة، هي موضة انتشرت في آخر سنوات في بعض الأسر. أسرتنا لم تكن منهم https://4arab.xplainer.net/images/smilies/smile.png، لذلك لا أعتقد أنني فعلاً بحاجة لواحدة. لو كانت موجودة أعتقد أنني كنت ارتحت من بعض أعباء البيت، ولكن عدم ثقتي بهن أبداً، ولا أحب الأغراب في بيتي يمنعاني حتى من التفكير بواحدة.
الأمر يختلف إن كان هناك عمل كثير في التنظيف الجدّي الكامل للمنزل، فيمكن أن أستأجر خادمة بالساعة مرتين في السنة تقريباً، هذا ما تفعله الأسر في بلدي ومنتشر جداً نسميها "اللفاية" التي يستأجرها الناس عادة قبل الأعياد.
لدينا عادة أيضاً أن تجامع نساء العائلة لإعانة إحداهن في تنظيف منزلها في المناسبات https://4arab.xplainer.net/images/smilies/smile.png وهي ظاهرة اجتماعية جميلة كما أراها.
إلى الآن لم أشعر أنني بحاجة لواحدة. لدي طفلان صغيران لاااااااااااااا أتصور أن أتركهما لرعاية خادمة، وأتدبر أمور المنزل بنفسي ويتبقى لدي الكثيييييييير من الوقت الحمد لله لأمور حياتية أخرى (منها زيارة المنتدى https://4arab.xplainer.net/images/smilies/biggrin.png).

فهي إذاً برأيي ... ثقافة بلد وعادة لا أكثر https://4arab.xplainer.net/images/smilies/smile.png



والسلام عليكم ورحمة الله

__________________________________________________ __________

>>>> الرد الثاني :

هلا حبوبه ^__^

مثل ما قالت الاخت اللي قبلي.. الخدامه عندنا صارت موضه.. تلاقين الوحده قاعده في البيت بلا شغله ولا مشغله وعندها خدامتين او 3.. و لما الخدامه ما تشتغل عدل وتقولين لها رمسيها تقولج والله تزخ عيالي!! عيل انتي شو خانتج في البيت حبيبتي؟؟؟ اكل ومرعى وقله صنعه..

للاسف الحريم صاروا اتكاليات بشكل فظييييع.. ما تبي تسوي اي شي في البيت..ومن ترد من الدوام تقولج تعبانه ومافيني حيل اسوي شي.. ومعظمهن للاسف عندهم وظايف مكتبيه يعني ما تشل جبال ع ظهرها.. بس شو نقول!!

لو تعرف الحرمه شكثر لها اجر لما تخدم في بيتها و تهتم في عيالها.. بس للاسف الحريم فضلت راحتها ع اي شي ثاني..

انا معرسه من 7 شهور و ساكنه في شقه مع ريلي وحامل وماعندي خدامه.. وكل ما وحده سمعت انه ما عندي خدامه تبتدي تعطيني محاضره في ضروره وجود الخدامه عشان تساعدني.. انزين تساعدني في شو؟؟ يعني انا وريلي شخصين في البيت .. و البيت نظيف ما يبيله وايد والغسيل بعد بسيط.. والاكل اطبخ روحي معظم الاسبوع الا لو كنت دوامي يخلص متاخر فنطلب من برع لاني اوصل البيت جريب العصر وما فيه وقت اطبخ.. فوين الصعوبه؟؟ ليش اييب لي خدامه تقعد ع قلبي في بيتي ولا اعرف اخذ راحتي و فوق هذا ترفع لي ضغطي بغباءها او تشرد بعد ما اكون دفعت عليها مبلغ وقدره..

كلنا نروم نرتب امورنا في البيت و نجابل بيوتنا بس لو خلينا عنا الهيازه والدلع.. و غيرنا النظره انه الخدامه دلاله على انج مدلعه في البيت .. مع انه ماااله خص..

الله يهدي الجميع..

__________________________________________________ __________

>>>> الرد الثالث :

موفجه

__________________________________________________ __________

>>>> الرد الرابع :

انا وياكم خواتي بس على قولتهم " شو اللي غصبك ع المر غير الأمر عنه ، " انا مثلا حامل و عندي بيبي سنه و نصف و حامل و حملي خايس لازم ارقد ع ظهري و بعد عندي تجارتي و لله الحمد و انجبرت اييب وحده ، بس داخليا مب مرتاحه بس مستحيل أسلمها الخيط و المخيط هي يايه تساعدني و بس مب تأخذ مكاني

__________________________________________________ __________

>>>> الرد الخامس :

الخدامة وجودها للمساعده مب اكثر يعني حتى لو في خدامة هذا ما يمنع ان الحرمة تطبخ بروحها وتابع ترتيب البيت بروحها وبعدين شغل البيت ما يخلص والخدامة صارت ضروريه بالبيت اقل شي بتشل حمل تنظيف البيت والام مسكينه كم بتقابل لتقابل البيت ولا العيال والزوج ولا نفسها