خدمنا ما يخلون شي ما يشلونه حلول منزلية

عنوان الموضوع : خدمنا ما يخلون شي ما يشلونه حلول منزلية
مقدم من طرف منتديات الضمير العربي

السلام عليكم, شحالكم؟

انا وحده الصراحه لاععتت جبببدديي من خدمنا
ثلاث فونات شلوهم عني ويوم نسألهم شفتو الفون يقولون لا مانعرف لا وبعد ييلسون يدورون ويانا على اساس انهم مب مسوين شي
لا واللي قاهرني اكثر انه الوالد والوالده الله يحفظهم متجاهلين الموضوع ويقولولي لا تقوليلهم شي
حتى استويت اخاف اشتريلي شي ولا فون...
المهم لو تكرر معاي هالشي شو اقدر اسوي؟
ساعدوني يزاكم الله خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لو متأكدة ان الخدم هم الي يشلون تلفوناتكم
هدديهم انج بتبلغين الشرطه

__________________________________________________ __________

>>>> الرد الثاني :

ركبـــي كيمرات مراقبة من حقج هالشي و شوفي

__________________________________________________ __________

>>>> الرد الثالث :

طرشيهم مكان او ف يوم عزيمة بيت حد من الأهل
واتأكدي انهم كلهم راحوا وفتشي غرفهم
بس رجعي كل شي مكانه
واذا حصلتي فونج شليه بدون ما ترمسينهم واقفلي غرفتج
واحفظي سامانج ولا تخليها تنظف غرفتج إلا وأنتي موجودة

__________________________________________________ __________

>>>> الرد الرابع :

ﻻ حول ولا قوة إلا بالله

ليش اهلج ساكتين حطى فون وراقيه

اذا تأكد انهم شلوه بلغي عليهم الشرطه

__________________________________________________ __________

>>>> الرد الخامس :

أتمنى الحريم مايوثقون في الخدم ، ولا تخلولهم الخيط والمخيط ، بصراحه أنا يوم أكون فاضيه أيلس عند الدريشه وحجرتي فوق ، فأشوف كل شي في الفريج شفت بشاكير الفريج يخشون عند بعض أشياء ، أتوقع فلوس ، يعني يسرقون ويهربون ، يوم راعية البيت بدور إللي فاقدتنه ما بتحصله ، لأنه البشكارة دسته عند وحده ثانيه ، لهالسبب ما أخلي خدامتي تفتح الباب عشان ما تتعرف على هالأشكال وتسوي مثلهم ، أنا وعيالي إللي نفتح الباب

كنت أعاني مثلج يوم كنت ساكنه في بيت أهلي ، الضيوف اييبون خدمهم وما تعرفين منوا إللي ايده خفيفه ويشل من كثر الخدم