أطفال الانابيب ...حسنية قرقاش كيف ومتى و أين للحم الصحي

عنوان الموضوع : أطفال الانابيب ...حسنية قرقاش كيف ومتى و أين للحم الصحي
مقدم من طرف منتديات الضمير العربي

انا ولله الحمد عندي بنوته بس من عقبها حملت بس ما تم واايد أسباب بعد اتفاقي مع الدكتورة اني لازم اسوي اطفال انابيب بس كيف العلاج عند الدكتورة حسنية قرقاش يعني كم يباله التلقيح
وكيف وهل تخلين ارتاح بعد الترجيع و لا لا
شو رايكم فيها

خواتي لا تنسون انا ما سألتكم الا عشان آخذ خبرتكم يعني سؤالي مب منه و الدرب وتعبت من كثر ما أسأل و محد معبرني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الغاليه انتي ما فيج شي والدليل عندج بنوته لاتسوين انابيب سوي تلقيح صناعي ويكلف 2000
ويمكن ما تحتايين لا تلقيح ولا انابيب يمكن عندج خلل ف الهرمونات ولا الانسولين مرتفع عندج ترا يسوي اجهاض
انصحج اتسيرين مركز الكونسيف للاخصاب الكل يمدح فيهم والدكتور ما شاء الله شاطر ..
هو ع دورا التعاون ف الشارجة ..
ما شاء الله 3 من اهلي حملن وهن من سنيين ما حملن والله على ما اقول شهيد ..
انا بعد اتعالج هناك وان شاء الله خير

__________________________________________________ __________

>>>> الرد الثاني :

https://4arab.xplainer.net/images/wo...quote_icon.png المشاركة الأصلية كتبت بواسطة عديل الروح22 https://4arab.xplainer.net/images/wo...wpost-left.png
الغاليه انتي ما فيج شي والدليل عندج بنوته لاتسوين انابيب سوي تلقيح صناعي ويكلف 2000
ويمكن ما تحتايين لا تلقيح ولا انابيب يمكن عندج خلل ف الهرمونات ولا الانسولين مرتفع عندج ترا يسوي اجهاض
انصحج اتسيرين مركز الكونسيف للاخصاب الكل يمدح فيهم والدكتور ما شاء الله شاطر ..
هو ع دورا التعاون ف الشارجة ..
ما شاء الله 3 من اهلي حملن وهن من سنيين ما حملن والله على ما اقول شهيد ..
انا بعد اتعالج هناك وان شاء الله خير



لا تخافين الدكتور ما يكشف عليج عنده دكتورتين هنديه وسودانيه هن يسون كل شي وهو يشوف التقرير بس وايقولج شو تسوين
بنات اتحملوا من الدكتورة السودانيه تراها شحاته والله هلكتنا ع كل مره نسير العياده تطلع لنا بشي يوم محتايه بيزات ساعدوني ويوم في عايله سودانيه مب قادره تدفع الايجار ويوم عطوني سلف ..
وما تطلب الا بالالف اتحملو منها نصابه ..

__________________________________________________ __________

>>>> الرد الثالث :

منو قال انا ما فيني شي ان اصلا عندي انسداد وما ابغي اضيع وقت وما اقدر اكتب حالتي كلها
بس انا بغيت اعرف كيف الدكتورة بتسوي لي عملية الارجاع هل بياخذ الوقت وهل فيها بنج مثل أي عملية
وهل برتاج عقب الارجاع ولا تقولي روحي سيدة

__________________________________________________ __________

>>>> الرد الرابع :

هو المعروف عقب ترجيع الاجنة تروحين البيت وترتاحين وما تجهدين نفسج وما تشلين شئ ثجيل بس تكون حركتج تقريباً طبيعية، وعقب اسبوعين تسوين تحليل الحمل،،،،،،،،،،،الله يوفقج وإيسر أمورج ويرزقج الذرية الصالحة المعافية

__________________________________________________ __________

>>>> الرد الخامس :

انا سويت اطفال انابيب بس خارج الامارات
عملية السحب قبل و عقبها بكم يوم ارجاع الاجنة
عملية السحب ممكن تطلبين بنج بس الارجاع ما يحتاي ... شعور جميل يوم يقولولج قولي باسم الله الحين بنرجع الاجنة ...حتى تقدرين اتشوفين العملية في شاشة مجابله...
وهي عملية بسيطة جدا مال 10 دقايق وبدووووون اي الم ... ترتاحين عقبها ساعة على ظهرج في المستشفى ولا تروحين خلالها الحمام
بعدها انتظار اسبوعين لين اتسوين تحليل الحمل
هالاسبوعين لازم ترتاحين ... وبيعطونج نصايح خلالها شو اتسوين مثلا الجماع ممنوع و حمل الاشياء الثقيلة
وانصحج براحة بدون اجهاد ...لكن بعد الحركة مهمة يعني لا اتمنين منسدحه دوم علشان الدم يوصل الرحم
الله يوفقج و يرزقج الذرية الصالحه