يا أمهات يا حنونات شو تأكلون أطفالكم في عمر السنتين ؟ في الامارات
عنوان الموضوع : يا أمهات يا حنونات شو تأكلون أطفالكم في عمر السنتين ؟ في الامارات
مقدم من طرف منتديات الضمير العربي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شوفي انا اعاني مع بنتي وأكلها ههههههههه
فماقدر انصحج
بس جربي سويله شوربه اختاري اي نوع بس يكون اللي فيه طازج
قطعيله فروت وعطيه ياكله بروحه مثل التفاح والخوخ والكمثرى والموز
انتي اعصري له عصاير طازجه واعطيه يشربها العصر او الصبح
العيش مره حطي فيه خضره مثلا جزر وبطاطا وخليه ياكله
او مثلا سويله صالونة دياي مع العيش والروب
او سويله فروت قطعيه صغاااااااااااااااار وخلطيه مع الروب ترا وايد حلو
الفروت والعصاير الافضل تعطينه يا الصبح او العصر
والعيوش الافضل عالغدى والعشى
تقدرين تسوين له كورنفليكس عالريوق مع حليب فريش حطي فيه شوية عسل
اعطي ولدج ولا بنتج جبن كيري ولا المثلثات ياكلونها بروحها حتى لو الصبح او العصر
بنتي فديتها الله يحفظها بعدها عمرها سنه ونص لكن فديتها صعبه فالاكل
وكل اللي ذكرته لج سويته لها لكن ماشي فايده ماطيع تاكل ههههههههههه
الله يهديها ويحفظها لي ولأبوها ان شاااااء الله
ويحفظ لكم عيالكم وهم بصحه وعافيه ان شاااااااااء الله
والسموحه منج الغاليه طولت عليج
__________________________________________________ __________
>>>> الرد الثاني :
اختي
انا كنت اعطي ولدي تفاحه مقشره ياكلها
موز و عنب مككس
بسكويت شوفان
واخليه ياكل صمون مع نتفه نوتيلا
شوربه خضار (خضار الموجوده مع نتفه صغيره من مكعب ماجي ) واحط فيها معكرونه ارقام وحروف او مال دزني ميكي وميني وهالشخصيات احطهم بالشوربه
اعطيه مكعبات البطاطا ( اقطع البطاط مربعات واحطهم بالفرن و طبعاً ارش شوي تتبيله عالبطاط مثل ثوم و كزبره و باباريكا حلوه تعطي نكهه بدون حراره الفلفل)
هذيل يعتبرون سناك
الغدا والعشى والريوق من اكلنا العادي الي ناكله اخليه ياكله
وكان مبهدلني يبا جبس وخرابيط
ف اقوله احسب ٥ خواشيق تاكل منها عيش وسلطه بعطيك تاكل جبس كامل جيس واحد كاامل
عاد مايعرف العد ف اقص عليه لين ياكل شوي كم لقمه واعطيه الجبس شسوي بعد
وان شاءالله تستفيدين من الي كتبته
__________________________________________________ __________
>>>> الرد الثالث :
__________________________________________________ __________
>>>> الرد الرابع :
نفداااااااااااج
وآمين الغاليه
__________________________________________________ __________
>>>> الرد الخامس :
اقلي له بيض الصبح بس حاسبي الزيت نشفيه ..
شوربة شوفان دياي سويها شرات العرسية ..
شوربة عدس .او شو دربة هريس وايد مغذية لليهال .
عصاير فريش ..
قطع كيوي صغار او برتقال ..
علبة زبادي خليه يخلصها مثلا العصر بروحها ياكلها ..
بسكوت مملح عطيه العصر .
لوبيا وايد زينه لليهال
توست حطي فيه سلايس وخيار قطعيه صغار ودخليه الفرن عسب يذوب الجبن طشونة ..
محشي ملفوف ..
فخض مشوي دياي مثلا غدا ..
وان شاءالله افدتج
