عنوان الموضوع : كل وحده تسدح تجريتها وكلنا نستفيد للعناية ببشرتك
مقدم من طرف منتديات الضمير العربي

السلام عليكم حريم و بنات


شو رايكم كل وحده تكتب أسم و عنوان صالون و في أي إمارة جربت تسوي فيه خدمه لشعرها (صبغ, قص, تخصيل, تسريح, تمليس, كيراتين, ريباندنغ,.......الخ)
سواء كانت النتيجه أيجابيه أو سلبيه للإفاده يعني
لكن رجاءاً بدون أعلانات تجاريه و بدون الإساءة لشخص أو جهه معينه عشان ما يغلق الموضوع

ببدأ أنا بتجربه بسيطه لي

قصيت شعري كاريه الي يي من جهه أطول من الجهه الثانيه وسويت ريباندنغ وكانت النتيجه وااااااااااو و مضبوطه ميه ميه فصالون اسمه لوتشي سمرا فعجمان

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مرحبا بنات منوه منكم تقدر تساعدني ابغي علاج عن الكلف كريم خلطة عيادة اي شي بس ايكون مجرب ومضمون لاني ما خليت عيادة ولاخلطة الا وجربتها وما في فايدة ارجوكم بنات اللي تقدر تخبرني انا عرسي قريب ومب عارفه شوه اسوي لان بشرتي فيها ستين لون انقذوني الله يخليكم

__________________________________________________ __________

>>>> الرد الثاني :
وينكم حريم لا تبخلون علينا بتجاربكم ترا البخل مب زين

__________________________________________________ __________

>>>> الرد الثالث :

المشاركة الأصلية كتبت بواسطة nada22
مرحبا بنات منوه منكم تقدر تساعدني ابغي علاج عن الكلف كريم خلطة عيادة اي شي بس ايكون مجرب ومضمون لاني ما خليت عيادة ولاخلطة الا وجربتها وما في فايدة ارجوكم بنات اللي تقدر تخبرني انا عرسي قريب ومب عارفه شوه اسوي لان بشرتي فيها ستين لون انقذوني الله يخليكم



أختي ما أدري سؤالج شو الي يابه هني وشو دخله ف الموضوع
أنصحج تسوين موضوع جديد فقسم أستفسارات الجمال و الأناقه عشان البنات يقرون موضوعج ويساعدوج

__________________________________________________ __________

>>>> الرد الرابع :
ما عندي وايد تجارب في صوالين الشعر صراحة.. جربت أصبغ واقص في صالونين في العين.. ومشهورين.. واحيد الصبغة بروحها كانت الف درهم وشي.. بس صراحة الشغل ما يسوى..
اللون ما ضبط والقصة من صوب أطول من الثاني.. واللي كانت تشتغل علي كانت تتلاسن مع ربيعتها طول الوقت.. يعني كانت تجربة سيئة بكل المقاييس.. يمكن عشان جي ما جربت من عقبها..

__________________________________________________ __________

>>>> الرد الخامس :
أنا سويت هايلايت وقص وكراتين فصالون غاردينيا عندنا فالعين إلي عدال مستشفى النور وشغلهم عيبني الصراحة لكن للامانة أسعارهم مب رخيصة لكنهم يستاهلون والله أهم شي إنهم مايخربون شعرج ويسوون طلبج بالظبط