عنوان الموضوع : عاجل لكل وحده تحلم بجسم مشدود ورشيق وبدون امراض لصحة الحمل
مقدم من طرف منتديات الضمير العربي

السلام عليكم ورحمه الله وبركاته
صباحكم ورد
اعدروني كتبت الموضوع هيك لااجل نتحمس
اولا انا هاي اول مشاركه لي في منتداكم الراقي ومنجد احب الامارات واهلها وطلبتكم ساعدوني وساعدو كل وحده مثلي ومالكم الا صادق الدعوات
انا بنوته سعوديه عمري 22ووزني 120وطولي 165وعندي تكيس مبايض وضعف ومتزوجه طبعا بس ماحملت وتبون الصدق ماابي احمل وانا بالوزن هادا عشان كدا مارحت اعالج من التكيس المهم والله يابنات انو انا بحاله مايعلمها الا الله تخيلووو لي سنتين مااشوف الناس ولااحب اطلع للناس لااني فاقده الثقه بنفسي بسبب وزني رغم لو تشوفوني ماتصدقون الله عطاني جمال وجه وبياض وصفاء بشره ونعومه شعر ماعقدني الا جسمي سجلت بنادي الشهر هادا بس للاسف ماقدرت استمر فيه لااني سافرت الحين اخر املي شهر رمضان الله يبلغنا فيه وشهر شوال لاان زواج بنت خالي بنهايه الشهر يعني معي شهرين وابي اقل شي افتك من 30 كيلو وربي صارو يتكلمون فيني ويقولون وينها معاد شفنها الله يحرم وجيهكم من النار من اللي جربت رجييم التمر واللبن وهل عنجد ينحف لااني بتوكل على الله وبسويه هالشهرين كثير يمدحونه واللي عندها احسن منه تقول واشكر كل من يقرا معناتي وتكفون ادعو لي الله يرزقني الدريه الصالحه ولكم جزيل الشكر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اختي بصراحة نصيحتي لج عشان تضعفين انج تمشين كل يوم اقل شي ساعة عشان تعرقين وتحرقين الدهون المتراكمة في جسمج.. وانا عندي مشاية وكنت امشي عليها في البيت وما كنت احس بفرق في جسمي..

وعقبها قررت اطلع وامشي في الحديقة كل يوم واستغل فصل الصيف في المشي,,لانج يوم تعرقين جسمج يحرق الدهون..

وكملت اسبوع وانا منتظمة على المشي وتخفيف الاكل لاني ما احب اسوي اي نوع من انواع الريجيم..واشرب
شاي ريجيم عقب كل اكلة دسمة..

والحمدلله للحين نقصت كيلوين في اسبوع وحتى خصري تحدد..وحتى جسمي بدا ينشد...وان شاء الله بتم امشي طول فترة الصيف...لين اوصل حق الجسم اللي تمنيته دوم..

__________________________________________________ __________

>>>> الرد الثاني :
هلا فيج اختي فمنتدانا ..
بالنسبه لمشكلتج ..
احسن شي تتبعين نظام معين تستمرين عليه فتره طويله ما تملين عشان توصلين للوزن المثالي
اشتركي فقروب وااايد بيساعدج وبتتحمسين والرياضه اهم شي .. طبعا فرمضان ماشي وقت حق الرياضه عقب رمضان ابدي ..
...
هذي نصيحتي
اما عن تجربتي بديت الرجيم شهر 3 معتمده على رجيم السعرات الحراريه بحيث ما ازيد عن 1000 او 1200 سعره باليوم
والحمد الله وماشاء الله نقصت تقريبا 15 كيلو

__________________________________________________ __________

>>>> الرد الثالث :
مشكووووره اختي عالنصائح ,,

__________________________________________________ __________

>>>> الرد الرابع :
عندج تكيس هو سبب زيادة وزنج اتعالجي بتضعفين
بيوصفون لج الجلوكوفاج يضعف

__________________________________________________ __________

>>>> الرد الخامس :
الله لايهينكم جميعا على الردود ويجزاكم الله الف خير