عنوان الموضوع : المتزوجات شوي من وقتكم لتربية طفلك
مقدم من طرف منتديات الضمير العربي

السلام عليكم
خوااااتي ما اعرف كيف أبدا موضوعي في الفترة الأخيرة وايد قمت اتضارب ويا ريلي بقولكم كذا موقف وانصحوني

ريلي اذ ييلس ساعه هذي وايد بعد بييلس يا ع الانستغرام او الواتس اب ما اعرف منو يكلم بس ع كلامه شباب بس من يسير عند أهله استغرب ييلس من بعد صلاه الجمعه لحد الساعه ثلاث باليل وطبعا ما يتصل ولا يسأل .لا تقولون سيري وياه انا اسير بس ما اقدر أيلس ها الوقت كله أيلس شوي واطلع وإذ يلست أشوفهم يتغامزون ويتهامسون يحسسوني انه بينهم اسرار وانا الغريبة بينهم وإذ شافو شي يديد يقولون لي خفي على ولدنا خسرتيه انزين انا اشتغل وها من راتبي اصلا ولدكم يصرف عليكم موعلي .طبعا انا اسكت مو عشان انا ضعيفه بس عرفت أنهم يبغون يستفزوني هم عندهم وحده من أهلهم ويبغون يزوجونها له انزين دام جيه ليش خطبتوني له دام في نظركم وحده من أهلكم وتبغونها له .

موقف ثاني مرت اخوه ربت وهذا المولود رقم سته او سبعه ما اذكر قلت له شو رأيك نعطي المولود هديه والا نحط له فلوس احسن قالي خذي هديه خذت هديه للمولود ولأمه تقريبا 5000ويوم سرت أوصل الهديه سار طلع هو بعد5000 وحطهم في سرير البيبي قلت له لو قلت بسوي جيه ما بروح اتعب عمري وأشتري هدايا مع اني لوقلت له آخر الشهر عندك500بيقولي ما عندي بس لأهله تطلع الفلوس

موقف ثالث اخوه الثاني سافر ومرت اخوه تتصل بسبب وبدون سبب اوقات تتصل هي واوقات اطرش عيالها عشان يخلص لها شغلها ويوم شفتها مصختها قلت له ليش ما تقول لامك وأمك بتقولك يمكن قالها ما اعرف قامت تتصل وهو بدوام فجأه يقولي بسير اخلص شغل حرمت اخوي مع اني لو طلبت منه شي بيقولي نسيت
آخر موقف عطيته يصرف لي عيديه عندي ثلاث إخوان قلت بعطي كل واحد500 قالي وايد500 كل واحد طرا عبالي اني اسأله كم صرفت عيديه قالي عطيت عيال اخواني فوق3000عيديه قلت له ليش تحاسبني يوم عطيت اخواني كان رده هذيل عيال اخواني يعني عيالي انزين وهذيل اخواني وأبوي متوفي وانا حره بفلوسي


قولو لي شو اسوي انا تعبت من التفكير أحس لو ننفصل وايد احسن ولا كل يوم مشاكل يا وياه او ويا أهله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
تبين الصدق خلج عادي المهم انه يلبي رغباتج واحتياجاتج مب لازم يعشقج خلج ذكية خذي منه مصلحتج مب لازم يستوي مخلص وبعدين حتى لو يكلم بنات برايه المهم يلبي رغبتج ومبين من كلامج تحبينه يعني هذا المهم تحبين زوجج وهو موجود عندج مب منفصلة عنه يعني طرشيله مسجات حب مب لازم يرد عليج بمسج عشان ترتاحين

__________________________________________________ __________

>>>> الرد الثاني :

المشاركة الأصلية كتبت بواسطة Feminine Me
تبين الصدق خلج عادي المهم انه يلبي رغباتج واحتياجاتج مب لازم يعشقج خلج ذكية خذي منه مصلحتج مب لازم يستوي مخلص وبعدين حتى لو يكلم بنات برايه المهم يلبي رغبتج ومبين من كلامج تحبينه يعني هذا المهم تحبين زوجج وهو موجود عندج مب منفصلة عنه يعني طرشيله مسجات حب مب لازم يرد عليج بمسج عشان ترتاحين



مشكوره اختي على الرد
كلامج نفس كلام خالتي بالضبط

__________________________________________________ __________

>>>> الرد الثالث :
خلج عادي وكملي حياتج هو يحاسبج ما يمنعج يعني الشي مستمره عليه ومب ممنوعه منه ولا تقارنين اذا هو يبا يخق جدام هله خليه وانتي دام تشتغلين سوي لي تبينه براتبج شراته خلج عادي وعيشي حياتج ولا تحاولين تغيرينه لانه تصرفه عادي هالرياييل جذا هاي تصرفات بطره تصير مب شي كبير وامور مرت اخوه لي يخلصها يمكن لانه ما يبا حد يرمس جدام هله انه ما يساعد هله شي من الرياييل جذا جدام اهاليهم مسوين عمارهم هم اللي موول وعند حريمهم ولا طشه فقولي الحمدالله وخلج ع طبيعتج

__________________________________________________ __________

>>>> الرد الرابع :
نفس كلام الخوات واحب اضيف اذا بتعطين حد من اهله هديه خذيها على حسابه هو دام خربانه خربانه

__________________________________________________ __________

>>>> الرد الخامس :
لا تحطين نفسج بمقارنه مع اهله كل الرياييل او خلينا نقول اكثرهم يفضلون اهلهم على الحرمة ومن تجربة شخصية وايد شفت وسمعت شكاوي حريم
ثاني شي حاولي تطلعين ببيت او شقه بروحج بترتاحين ان شاء الله