عنوان الموضوع : طال انتظــــــاري* قصيدة خليجي
مقدم من طرف منتديات الضمير العربي

مدخل

لا تأمل في البعيد اللي مضى
يمكن ظروفه تحده مايجيك

يمكن بدنياه ناسي مافضى
ويمكن انه باع ماعاده يبيك

طال انتظاري

طال انتظاري في محطات الأغراب = هويتي بيده وروحي تحراه

كل الليالي عشتها هم واعتاب = حتى وانا في سكرة النوم ما انساه

طيفه يلاطفني اذا دمعي انساب = ويبث صبر أيوب في قلب يهواه

ليل بسكونه برد والنجم أسراب = لا نارت دروبي ولا أدل مسراه

حتى التذاكر في يدي حبر وكتاب = اسمي قصيدة حزن والمولد اهواه

تاريخه الصدفة على بضعة اسباب = سجلتها في الماضي اللي طويناه

عند الرصيف أغراب واصحاب واحباب = وأنا وحيد الروح ماكنت لولاه

وين انت يامسافر عن عيون الأحباب = تعال فيني شوق ممزوج بالآااه

ألمس معاناتي انا كلي أغراب = وانت الوطن والأمن وعهود موفاه

تعال في قلب(ن) من الشوق لك ذاب = اسكن عيون العاشق اللي تمناه


مخرج

ماهو كذب هذي احاسيس وشعور
ان كان بعت بقرش انا بعت بتراب

واللي يسافر بحر أنا أبعد بحور
وان جيت آسف لي ترى نعود احباب


بقلمي / أوراق الخــــــريــــــــف

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
صح لسانك كلمات رائعه الله يعطيك العافيه

تقبلي مروري مع تحياتي

__________________________________________________ __________

>>>> الرد الثاني :
ماشاءالله نص رائع
صح السانك و يسلم منطووقك
تقديري لك و لقلمك العطر ..

__________________________________________________ __________

>>>> الرد الثالث :
تعال في قلب(ن) من الشوق لك ذاب = اسكن عيون العاشق اللي تمناه


صح الله لسانك ولسان شاعرها


روووعه

__________________________________________________ __________

>>>> الرد الرابع :

صح لسانك شاعرتنا الكريمه
ابدعتي في النص كثير وتالقتي
اعجبني كثير هذه البيتين :..

عند الرصيف أغراب واصحاب واحباب = وأنا وحيد الروح ماكنت لولاه

وين انت يامسافر عن عيون الأحباب = تعال فيني شوق ممزوج بالآااه


جميله كثير
يسلم ذوقك


خالص ودي
طير القوافي

__________________________________________________ __________

>>>> الرد الخامس :
صح لسانك قمة الروعة