عنوان الموضوع : اخصائية يديده......الفزعة التدريس الاماراتي
مقدم من طرف منتديات الضمير العربي

السلام عليكن خواتي........
ماعرف شو اسوي بس..............ابا حركات يديدة لبورد لبداية العام الدراسي
عشان نفتح نفسيات الطالبات شوي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الشيخه تقدرين تحطين على اطراف البورد حلويات تسويها كنها فريم للبورد
او ممكن تحطون اقلام رصاص مساحات بريات هالسوالف يعني حركه يديده ^__^

وانا من رايي لا تحطون مواضيع وايد طويلة فالبورد
لانه الأغلبية ما يقرونه

حطي بطاقات فيها كلمات تشجيعية بسيطه او أمثال أو كاريكتير ونكت

واهم شي التنسيق يعني الالوان تكون فاتحه وتفتح النفس ^__^

وبــــــس ها اللي عندي

والسمووووووحه

__________________________________________________ __________

>>>> الرد الثاني :
والله يحطهن بنات المدرسة اللي انتي فيها ،،

مفتكره فيهن عالأقل هب شرات أخصئياتنا ،، المهم


أهم شي فالبورد ستايله و لوكه بشكل عام

يعني أنا بقولج ركزي على الالوان البناتية لانها تجذب البنات

مثلا : بورد حطي فيه فوشي و اخضر فااااااتح مع بني محروق حلو
بورد ثاني حطي برتقالي وياه بني و دخلي لون ثالث وياهن
بورد ثالث خطي أخضر ويا ازرق ويا فوشي ويابرتقالي و أصفر
مثل ما قلتلج أهم شي شكل البورد بشكل العام ،،

ثاني شي الخلفية خلفية البورد ما تحطين خامة وحدة على كل البوردات
أول شي لون الخلفية نفس ما قلتلج من قبل
نوعها مرة ها النوع اللي إيي شرا الخيش ،،
نوع ثاني حطي قماش
نوع ثالث الشبك
و ممكن تستعملين نوعين على بورد واحد
ملاحظة صغيرونه : إذا كان البورد اللي ترتبينه عليه شخابيط أو دبابيس على الخشبة نفسها أول شي تدبسين عليه لوحات يا بيضا يا لون ثاني يناسب خامتج بعدين تبدين تشتغلين

ثالث شي الإطار
ممكن تسوين وايد حركات
أول شي خاماته
أي شي يخطر على بالج ،، ريش ،، CD مستعملات ،، مثل ما قالت وحدة من الخوات قلامه محايات أييييييييييييييييييي شي ورد مجفف < بس يباله شغل وايد
ممكن ترتبينه
1. إطار عادي ياخذ شكل البورد "مستطيل"
2. نفس الرسايل اللي يرسمونهن أونهن جدام أطرافهن محروقه يعني مكان ظاهر مكان داخل
3. بشكل حلزوني <<تستعملين الريش أو الورد المجفف
4. أو ممكن ما تحطين إطار ممكن تسوين حركة ثانية

وبكمل عقب

__________________________________________________ __________

>>>> الرد الثالث :
مشكوووووووووووووووووووووووورة فديتج ساعدتيني ......
ماشاءالله عليج شكلك مشتغلة في بوردات وااااااااايد
تسلمون

__________________________________________________ __________

>>>> الرد الرابع :
العفو ختيه

هيه أنا اشتغل على البوردات واااااااااااايد

امممم إذا انتي من العين أنا انصحج تاخذين كللللللل شي من الخيط الذهبي

يللا الحين بكملج هههههه

اممممم إذا زهبت الخلفية يعني البورد تقريبا خلص
طبعا في البورد بتحتايين دباسة خشب
الحينه ابدي في المواضيع بس نصيحة ما يكونن طوال وكثري من البطاقات و العبارات لانها تجذب أكثر

اممم إذا بغيتي تخفين الدبابيس تقدرين تلصقين على مكان الدبوس ورد مجفف أو أي شي إذا سرتي الخيط الذهبي بتلقين وايد من هالأشياء ورود و ريش و أشياء وايد حلوة


و بالتوفيج وأي مساعدة أنا فالخدمة

__________________________________________________ __________

>>>> الرد الخامس :