عنوان الموضوع : السلام عليكم اباكن تساعدوني بنات الي دل في بوظبي شيك
مقدم من طرف منتديات الضمير العربي
مرحبا ابا محل مال ملابس محجبات اريد اسافر يعني تنانير طويله وقمصان والا فساتين سترتج مع شيل بلييييز الي دل في بوظبي تخبرنيه وشكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
سيري سبلاش و بيرشكا و زارا و انتي طقمي و ركبي اللبس ..يعني حتى لو خذتي شي كمه قصير ترومين تحطين فوقه جاكيت او سويتر..
عن نفسي اسوي جيه ...
__________________________________________________ __________
>>>> الرد الثاني :
و الشيل خذيهن من محل العنود فالخالديه و شي في مدينة زايد ..
__________________________________________________ __________
>>>> الرد الثالث :
انا عيبتني قمصان عند برشيكا .. يديها طوال ولين الركب .. نفس اللي يلبسنهن الزلمات يعني حق سفر وايد حلوات .. ومنهن الوان وايد
مووفقه و اتروحين واتردين بالسلامة اختي
__________________________________________________ __________
>>>> الرد الرابع :
في محل اسمه colors في الخالديه اظن , بالضبط في الشارع الي مقابل مدخل أبوظبي مول , تلاقينه كبير و على الشارع العام
او ما تدخلين على ايدك اليسار من المحل , وللداخل ,تلاقين اطقم جاهزة تنانير مع جاكيتات ,بلاطين مع جاكيتات طويله , تنانير وغيره حلوووو , الطقم بحوالي 550
__________________________________________________ __________
>>>> الرد الخامس :
وعندك في مدينة زايد محل اسمه ركن الهدى لملابس المحجبات تلاقين عبي وجلبابات اسلامية , وتلاقين جاكيتات صيفيه للركبة او تحت شوي مع بنطلون او بدون انتي تركبين عليه بنطلون مناسب
ولهم محل ثاني فقط للشيلات ايضا في مدينة زايد,تعطيهم الجاكيت وهم يختارولك شيلات مناسبة للونه
موفقة
رد مع اقتباس
