عنوان الموضوع : شو يعني خياطه تجميليه لصحتك
مقدم من طرف منتديات الضمير العربي

هلا بنات اخباركم

بنوتات بغيت اسالكم شو يعني خياطه تجميليه بعد الولاده ..
انا ربيت فالبيبي 2 ..
و يوم سالت الدكتورا شو نوع الخياطه قالت تجميلي ..
فشو يعني ..
انا ما احس في غرز داخليه ..

و شكل المنطقه عادي ما احس غير ..

فابى اعرف ..
ومتى الوحده تقدر تمارس حياتها مع زوجها ..
هل بعد 40 يوم و لا متى ما طهرت ..
( مع اني احس برود عاطفي هالشي طبيعي )
ومشكورات ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هلا حبوبه ...بغيت ارد على موضوعج ..الخياطة التجميليه يعني تخيط من داخل ومن برا ..وانتي اروحج بترتاحين عقب .( يعني بتفهمين شو قصدي عقب ) ..بغيت اسئلج في اي مستشفى انتي ربيتي؟؟ لانه مب كل المستشفيات يسوونها ..

__________________________________________________ __________

>>>> الرد الثاني :
اختي الجراحه العادية بس علشان يلتئم الجرح، اما الخياطة التجميلية وهي الأفضل لج ولريلج ولعلقتكم الحميمية عباره عن خياطة المنطقة مع مراعاة ان شكلها يرجع شرات قبل .

الأفضل تنتظرين لتخلصين الأربعين علشان جسمي يكون تعافي بعد الولاده . والفتور العاطفي عادي يصير مع وايد حريم مع الايام بروح

__________________________________________________ __________

>>>> الرد الثالث :
الفتور العاطفي بسبب ارتفاع هرمون الحليب وهذا شي طبيعي وسبحان الله عشان مصلحة المرأه لأن مب زين الجماع في وقت النفاس وهو محرم بعد... لما تطهرين ان شاءالله بيرجع جسمج لطبيعته وهرموناتج بترجع بالتدريج ولا اتحاتين....

__________________________________________________ __________

>>>> الرد الرابع :
التجميلي هو خياطه جزء من المهبل عسب يضيق. اختي يعني انا ما نصحج ابد لان تو الناس لو الثالث او الرابع يبتي ممكن اتسوينه انتي بعدج. يعني تمارين كيجل وااايد تكفيج اما البرود طبيعي لان الرضااعه وايد اتأثر فيج. لاتركزين وااايد ع سالفه التضيييق داومي ع التمارين وبترتاااحين. بس لو انتي جسمج من النوووع اللي فيه افرازات وايد ممكن تستخدمين تحاميل اتنشف لان الجفاف ف المنطقه تحرك المشاعر اكثر. اقري عن المسك الطهور بعد حلو وايد. ينشف وينظفها بس عقب الدوره

__________________________________________________ __________

>>>> الرد الخامس :
هي الخياطة الي تسويها الحرمة بعد الولاده الطبيعيه عسب ترجع المنطقه الحساسه شرات قبل