عنوان الموضوع : شو احسن جنسية ؟؟؟ عمل يدوي
مقدم من طرف منتديات الضمير العربي




هلا خواتي شحالكم عساااكم بخير

بغيت اسالكم انا عندي خدامه اثيوبيه هيه اوكي مع بناتي بس هي مرات ترفع الضغط في شغل البيت

شو رايكم شو احسن جنسيه من الخدامات يعني لو تبين خدااامه شو احسن جنسية ؟؟؟

ما ادري لاني افكر اييب غيرها مليت لاني اداوم و يوم ارد القى البيت اييب المرض نفسيتي ارف

بروحها من الدوام و هاي تكمل بعد


شو الحل ما ادري ما ابا اييب نفس الجنسيه يتفقون علي...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
Haty felebenya

__________________________________________________ __________

>>>> الرد الثاني :
اندونيسيا احسن شي بترتيب البيت واايد اوكي لكن الفلبينية مادري عنها والله اعلم

__________________________________________________ __________

>>>> الرد الثالث :
الغلا يبي سلانيه اوو نباليه والله يوفقج

__________________________________________________ __________

>>>> الرد الرابع :
ييبي فلبينيه ومن البدايه شدي عليها صرخي عليها وجي عسب تتعود اما بالنسبه للاثيوبياات صدق يطولوون لساانهم او يرفضون الشغل ويسوون حركاات ويردوون عليييج فماتييبيين وحده اثيووبيه
المهم احسن لج فلبيينييه شغلها زين ومن البدايه علنيها وعدليها وخليها تسمع كلاامج
والسمـــــــوحـــهــ اختي ^^

__________________________________________________ __________

>>>> الرد الخامس :
اختي الجنسيه مالها خص في شغلها ..السالفه احسها سالفة حظ ونصيب ..
يعني انا بدلت في سنه اكثر من وحده وجنسيه على قولتج:يبت فلبينيه وكانت اوكي بس صادها نزيف وقالت انها مسويه عمليه في بلدها والظاهر انها تعورت وانفتحت العمليه وطبعا بعد فتره سفرتها لأنها دوم ميهوده وماسكه بطنها,ويبت من بعدها اندونيسيه وبعد فتره لاحظت على البيت عدم النظافه ويلوع الجبد على قولتج.
كانت تشتكي من عيونها وديتها الدكتور طلع عندها عيب خلقي من الطفوله في شبكية عينها!!!شفت الحظ!!
مالي بخت فالشغالات ..
عموما انا اشوف الفلبينيات ارقى شوي من الاندونسيات وشغلهن ارتب
توكلي على الله ويبي فلبينيه والله يوفقج .