عنوان الموضوع : تعرفون شو اكتشفت عن تكيس المبايض ==== انه الآثار تكون موجوده لكن محد يعرف عنه من مطبخ الامارات
مقدم من طرف منتديات الضمير العربي

السلام عليكم

خواتي ما بطول عليكم لكن اكتشفت انه من علامات تكييس المبايض عند النساء === الشعرانيه يعني مثلا نمو شعر غليظ في منطقه الذقن ==== البدانه الي الوحده ما تروم تسيطر عليها و بعد عدم انتظام الدوره طبعا للاستفاده اكثر اقروا عنها في المواقع الطبيه لان انا مثلا تحريت حب الشباب بسبب الدهون و الاكل الغير صحي لكن هو ممكن يكون واحد من اسباب تكيس المبايض الله يعافيكم === فاتمنى الي تقرى عن الموضوع و تحس انها تبا تسوي الفحص علشان تتاكد انه مب تكييس تبادر من الحين قبل لا يزيد لانه حتى الادويه ماله احيانا تكون حبوب منع الحمل حتى للبنت المب متزوجه === اوني ما بطول عليكم و احس كتبت قصه حياتي === ادعولي بالهدايه بارك الله فيكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
صح حبيبتي لان ربيعتي نفس الشي
يزيد وزنها بشكل فضيع
ويصير لها الشعرانية

__________________________________________________ __________

>>>> الرد الثاني :
شي يديد توني اعرفه
شكرًا على الافاده

__________________________________________________ __________

>>>> الرد الثالث :
يزاج الله كل الخير ما قصرتي

__________________________________________________ __________

>>>> الرد الرابع :
يزاج الله خير معلومة مفيده والاغلب يعاني من هالمشكلة

__________________________________________________ __________

>>>> الرد الخامس :
يزاج الله الف خير

وعسى الله يبعد عنا هالامراض