عنوان الموضوع : ريلي حطمني وتعبت منه عالم الامومة
مقدم من طرف منتديات الضمير العربي

السلام عليكم ورحمة الله وبركاته


انا متزوجه من سنتين تقريبا عن حب هو يقربلي ولد عمتي .. اول سنه عشت احلى ايامي معاه كان يحبني ويدلعني ويطلعني و يحاول يرضيني باي طريقه .. المهم صارت مشكله بيت اهلي وعمتيه انا مالي ذنب فيها .. العمه تغيرت عليه وايد وصارت تعاملني معامله مش حلوه ابدا ما كاني بنت اخوها و زوجي بدا يتغير قعدت تلعب في راسه و كل ما تشوفه ويايه تبعده عني .. المهم بعد هالمشكله حملت و كنت الاحظ تصرفات عمتيه غريبه كانت كل يوم تطبخلي وتعطيني و كانت معاملتها زينه معايه ويوم من الايام كنت في الغرفه وكانت مفتوحه وانا طالعه من الحمام الله يعزكم اشوفها ترش ماي في الحجره وبالضبط عند باب الغرفه انا هنيه سالتها شو هذا وهي ماعرفت شو تقول اخر شي قالتلي هذا ماي مقراي فيه .. المهم انا صدقت وعلى طول صوت احلم قطاو سوود واسمع اصوات غريبه واحس باشياء مش طبيعيه والام في الجسم كنت كل ما اقوم من النوم متكسره احس جسمي كله يعورني وبعده بكم يوم هي سافرت وبالضبط اليوى اللي سافرت فيه صابني نزيف وهي تركتني بروحي في البيت وسقطت الجنين وانا كنت في الشهر الرابع .. ونفسيتي وايد تعبت .. كنت اقرا مسجاتها لزوجي ولاحظت انها تحقد على اهلي وايد مع انه زوجي كانت علاقته معاهم وايد زينه لكن الحين صار ما يروح لهم وكل مره هم يسالوني عنه واقولهم تعبان مشغول احاول اتعذر .. صار ما يقعد معايه ابدا ولا نتلاقى الا اخر الليل يقعد مع ربعه في الميلس 24 ساعه وانا حتى 5 دقايق ما يقعد معايه .. صار يكره يدخل الحجره و كله يزعل مني بسبب وبدون سبب وعلى اتفه الاسباب احاول اتقرب منه واخليه يحبني نفس اول لكن مافيه فايده .. حاولت اكلمه واعاتبه زاد البعد بينا وزاد عناده .. فكرت اطلع واتركله البيت لكن ماقدرت .. انا وايد احبه وماقدر اخليه .. عقلي يقولي تركيه واتطلقي هذا ما يحبج .. قلبي يقولي ما اتركه واقعد معاه حتى لو ما يحبني .. نحن تزوجنا عن حب انا عمري ما سويت شي يغثه وكل يوم اتلبسله واتعدل واتدلع واضحك عمري ما عبست في ويهه حتى لو يزعلني اطنش واسولف معاه واحسسه انه ماصار شي وهو بالعكس حتى لو مزحت معاه يزعل ويشل في خاطره وما يكلمني .. صار ما يطلعني ولا يوديني مكان نفس قبل ويوم اقوله يقولي تعبان ..بس دووم يروح مع ربعه يوديهم كل مكان وانا قاعده في البيت ما يحس فيني ولا يقدرني تعبت والله العظيم تعبت مادري الاقيها منه ولا من امه .. ساعدوني اذا عندكم حل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يفرج كربتك
حاولي تصارحيه بانك حاسه مشاعره اتغيرت
يمكن عنده نقاط مضايقته منك واتصافوا واتصالحوا
واذا كنتي شاكه انه سحر اللي انرش بغرفتك
شغلي الرقية الشرعية وسورة البقرة دائما
ربنا يكفيكم شر الطلاق ويحفظكم من شر الناس

__________________________________________________ __________

>>>> الرد الثاني :
هلا
صبري اختي ماانصحج الا بالصبر وهذي نصيحتي لكل زوجة زوجها طيب وحنون وتغير لسبب او ضرف وان شاء الله امورج بتتحسن واذا كنتي مسوسة من انة حد مسولج شيي عليج بالقران سورة البقرة او ياسين او الرقية الشرغية كل يوم وقيام الليل مفعولة رهيب ادعي ربي يقرب زوجج مج مرة ثانية ولا دقيقين علي طلعات ويشل في خاطرة لما تمزحين ان شاء الله فترة وبتعدي

__________________________________________________ __________

>>>> الرد الثالث :
كلامي من كلام الاخوات لازم تشغلين سورة البقرة بالبيت وخلي جدامها ماء وخلي زوجك يشرب منه وانتي بعد

__________________________________________________ __________

>>>> الرد الرابع :
اختى مبين من كلامج ان الريال مسوين له سحر والله اعلم

عليج بالرقيه الشرعيه وانتى مومنه ومتاكده ان الله الشافى

اقرى الرقيه في البيت وفي الماى الى زوجك يشرب منه ووقت النوم نزلى

الرقيه على الموبايل وشغليهاا خليه يسمعهاا معج

وعليج بسورة البقرة لا يستطيعهاا السحره

صح طويله شوى لكن حاولى تقعد عليهاا لما تخلصيهاا

وسورة الرحمن بصوت عبدالباسط توى سمعت محاضره

ان هالسوره بعد الله كانت سبب في علاج كثير من الامراض

الوصفه تسمعيهاا 3 مرات في اليوم لمدة 7 ايام

https://www.youtube.com/watch?v=jpO7xNeA5o8

والاستغفار عجيب حاولى تستغفرى فى اليوم 1000 لاتقولى واايد

ذنوبناا وااايد الله يغفر لنا ولج فى الدنيا والاخره

__________________________________________________ __________

>>>> الرد الخامس :
الله يفرجهااااا عليكي