عنوان الموضوع : قـدها وقـدود خليجي
مقدم من طرف منتديات الضيافة العربية
السلام عليكم جميعا ..هذي قصيده من قصايد الشاعر ربيع القلب وعيبتني وحبيت انكم تقرونها وتسمعونها
ايا برودك لا بعد تسأل اذا اني اشتقتلك
لو تطلع لسابع سما وتنزل تحت ماعود
صدقني ما اقصد اذا مشتاق مره قلتلك
اصلا انا لو اطري اسمك.. منته المقصود
لاتظن اهلي بالزهر .. بالشوك انا بستقبلك
ياخي انته لونه فيك دم ما كنت لي بتعود
بس لولا خوفي من عظيم(ن) ولا ودي اقتلك
مو هذا حد اللي قتل روحي ..وشرعي احدود
من زود كرهي لو اشوف ابليس والله اتخيلك
ابليس لو يدري ابفعالك صار لك معبود
راجع بدمع الذل تطلبني بحسن آآعاملك
لا ماطلبت..آمر.. وعد مني ليال(ن) سود
رفجه لربك من يديد ان معرفوا يربوا هلك
واعلمك ان الغدر بين البدو .. منقود
وانته برجلك جيتني.. ولانا مابا قابلك
يعني اخلصت كل الدروب اتجي لدرب مسدود
أصلا انا كنت انتظر فرصه وارد الدين لك
اقرب عيوني اقرب ترا كل شي لك مردود
توعدني ابدنية فرح بس تبغي قلبي يرد لك
يا لعنوبها دنيتك يالعنبوها وعود
لو تدري بللي فخاطري اليوم جيت آبهدلك
ودي انا اهديك االجفا ..لا وابكرم وابجود
ومثل مانا فوووق وديتك.. بعرف آآنزلك
عهدن لخلي البسمه في دنياك شي مفقوود
والله لذلك لين ماحدك انا لا اوصلك
تقعد مع ناسك تقول ان انته مو موجود
عليك انادي..اتقول حاضر وسمعك واتجاهلك
اجبرك تبعد وانته في نص الطريق اتعود
بهتم فيك واول ما تطمن دقايق .. بهملك
تبني امل وتشوفه.. تلقى الي انبنى مهدود
ومثل ما سويت فيني والله لا سويه لك
واتحدى تنكر تدري بجروح الليالي اشهود
ياما ذرفت الدمع انا ..ياما صبرت اتحملك
الين ما جفت دموعي واذبلت لورود
اتصدق إني كنت من كثر الغرام وحبي لك
اغلط وانادي امي بأسمك بلا مقصود
حتى انا لفترة ..اذا دمعك على خدودك سلك
ابخوفي عا خدك بغيت آبادلك لخدود
كنت اسألك في أي شي ..تافه.. غبي بس اسألك
عسى الاقي شي يفرحني وسط لردود
محدن وصل حبي ابد محدن تعدى عشقي لك
امك وهي امك انا عنها احبك زود
ولي قلت بحيي بك غرامي شفته بأسبابك هلك
واصبح هواك افدنيني أسر وعنا وقيود
ولا..كل مالك حبل ودي تشده وانا ارخيه لك
ملعون ابو حبل قضا نص العمر مشدود
تسأل اذا اني اشتقتلك..انا اللي ابغي اسألك
ما تستحي تسأل عقب ما انهيتني ابصدود
ياخي انته صاحي ولا هو غرورك بعده مخبلك
وانته بغرورك وانا تسجدلي المعاني.. سجود
من عقب حبي الاعمى لي مخليني كنت انقاد لك
ابشر ربيع القلب ناوي انه يقودك قود
تدري بغيت آقول شي و خايف اني ازعلك
انته اذا عشره بغوك آنا بليا حدود
هي انته انته..وين رحت.. فكرك لوين اموصلك
لول انا مثلك وكل مابك جفا وبرود
طيب ترا يا فلان طيب والله اللي كملك
صبرك لرويك الجزا للي بدا بجحود
لتظن هذا بس كلام ولانا ناوي ازلزلك
صدقني يعيوني تراني.. قدها وقدود
[RAMS]https://www.rbe3.com/sound2/ram/gddha-org.ram[/RAMS]
تحياتي :عين تتحدوني اويه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عين تتحدوني ايه ابيات شعريه رائعه كروعه شاعرها وروعه ناقلها
تحياتي واشواقي
__________________________________________________ __________
>>>> الرد الثاني :
مشكور اخوي على نقل القصيده الجميله
__________________________________________________ __________
>>>> الرد الثالث :
تسلم اخووي الأسود ولغازلك غصب ع المرور
الأسود أنا بنت هب ولد عشان تقول تسلم اخوووي ..خخخخ
__________________________________________________ __________
>>>> الرد الرابع :
ابيات جميل وشكر على النقل الحلو
__________________________________________________ __________
>>>> الرد الخامس :
كلمات بدويه قويه تدل علىبلاغة من كتبها ومن نقلها لنا
مشكووووووره أختي عيناويه وأن شاء الله ماحد يقدر يتحداك
رد مع اقتباس
