عنوان الموضوع : عندي استفسار عن المشيمة؟؟ لصحة الجسم
مقدم من طرف منتديات الضمير العربي

السلام عليكن ورحمة الله وبركاته
خواتي أنا ألحين حامل فالشهر السابع.. ويوم كنت فالشهر الرابع ياني نزيف مرتين بس خفيف.. يوم سرت المستشفى قالولي أنه المشيمة نازلة شوي وبترتفع يوم بيكبر الياهل.. وألحين صارلي 3 شهور وكل مرة أسير وأشيك يقولون بعدها نازلة.. سرت كذا مستشفى كلهم يقولون نفس الكلام بس ما شي اتغير.. وأنا وايد خايفة لأني سمعت اللي تكون مشيمتها نازلة عادي تربي فالشهر السابع أو أنها تربي قيصري.. وع فكرة صارت وايد اتيني آلام مثل آلام الدورة.. فياليت اللي مرت وإلا سمعت بنفس حالتي تخبرني شو صار؟؟وهل هالآلام اللي اتييني طبيعية؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبيبتي انتي يبالج راااااااحة تامة ولا تيلسين كله انسدحي ومدي ريولج ويوم تكونين روووحج ارفعي ريولج على تكيه او ارتفاع مخدتين ولا تمشين وااايد الله يثبتة ويسهل عليج ان شاء الله

__________________________________________________ __________

>>>> الرد الثاني :
مشكورة أختي لوكل
بس أبا أعرف هل نزول المشيمة سبب من أسباب الولادة البكرة؟؟

__________________________________________________ __________

>>>> الرد الثالث :
ما عندي فكره .. الله يثبت حملج ويتممه على خير ان شاء الله ..

__________________________________________________ __________

>>>> الرد الرابع :
أنا بعد المشيمه عندي نازلة ,, وحالياا أنا في الشهر السادس

__________________________________________________ __________

>>>> الرد الخامس :
هيه اختي مرات اذا نزلت المشيمه تودي الي حاله الولاده المبكره
انا ربيت ولاده مبكره ع اول السادس لان المشيمه عندي نازله يعني مره وحده رتفعت وعقب ردت نزلت بس الحمدالله ولدي ما شاء الله الحين عمره ثلاث ونص وبيدش المدرسه النسه اليايه اختي لا تحاتين ولا تفكيرين بس اهم شي انج ترتاحين ع ظهرج وترفعين ريولج وابتعدي ع المجامعه والله الحافظ