عنوان الموضوع : تجمع اللي بيروحون العمره مع عيالهم فالصيف... لذوي الاحتياجات
مقدم من طرف منتديات الضمير العربي

السلام عليكم ورحمه الله وبركاته..



حبيت افتتح تجمع يديد عشان نفيد ونستفيد....



المهم هالصيف ناويه أنا وبوالشباب نسير
سفره حلوه للحين ما تحددت الوجـــــــــهه
يا السويد يا النمسا يا مالــــــــــــيزيا.....


وإن شاء الله من انرد بنسفر العيال ويانا العمره
وهذي اول مره بوديهم وياي العمره...




وتقريبا الــــــسفره بتــــكون 10 ايام فالـــباص
لان الاهل كـــــــل سنه يســـــيرون جمـــــــاعه
فحبينا نسير وياهم هالسنه ريلي يبغي بالطياره
بس انا مب خاطري الا فبــاص عشان الجمعه
والمواقف والسوالف ...


عندي بنتين أعمارهم
5 سنين
3 سنين ونص

....خاطري اسويلهم برنامج حلو مثل زياره المسايد
..أعرفهم على الأماكن المقدسه..

بس عندي كم سؤال للمجربات,,,
1) اليهال وخاصه بين 3 الى 5 سنوات كيف تتصرفون وياهم فالباص خاصه وقت ما يبون الحمام؟
2) وقت ما تنزلون للصلاه فالحرم خاصه صلاه المغرب مع العشا شو تاخذون الهم؟
3) شو الاكل اللي اخذه إلهن فالباص أو الأغراض اللي ممكن احتاجها؟
4) شو المشاكل اللي ممكن تواجهني معاهم هناك؟




وبصراحه يا كثر شوقي لهالمكـــــــــــــــــان

والسموحه في انتظار الردود

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
للرفع

__________________________________________________ __________

>>>> الرد الثاني :
نحن في نص وااااااااااحد كانت سفرتنا بالباص

استأجرناه هو ودريوله من مواصلااات الامارات


مب متعب ابداااااا يديد وفنان


بس الدرب زفت باستراحته التعبانه تلوع جبدج

الله يعزج ويعز اليميع حمام نظيف في الدرب ابداااااااا ما تحصلين


بس اول ما وصلنا ذاك المكان نسينا عنا الدرب وكل شيء



ورحنا الصيف الماضي شهر 8 بالطياره طيران الاتحاااااااااد

وطبعا الرحله اكثر مريحه وسلسه

ما ادريبهم والله الاهل اذا بيسرون هالصيف

ياااااااا رب نسير ^_^

موفقين الغلااااااااا

__________________________________________________ __________

>>>> الرد الثالث :
تسلمين حبوبه على المرور والرد الطيب

معروفه استراحات السعوديه .... ما يحتاي

لأن ماشاء الله هالطريج كل حد يسير به اللي
ساير السعوديه واللي ساير مصــــر ولا بلاد
الشام غير الحجاج كل سنه.....

اللي عنده اضافه أو افاده يتفضل......

__________________________________________________ __________

>>>> الرد الرابع :
انا السبت هذا رديت من العمره وكانت اول عمره لي انا وريلي طلعنا يوم الخميس الصبح من بوظبي على مطار دبي - الطيران السعودي (( لأنه كنى حاجزين الاتحاد لكن للأسف وصلنا المطار متأخر وطارة الطياره خخخخخخههههه لا ونحن ساكنين عدال مطار بوظبي >.< )) كانت رحله مريحه الحمدللة .. وحجزنه في أبراج زمزم عن طريق حملة البطين جزاهم الله خير معاملتهم وخدمتهم أكثر من ممتازه .. اتصلنه فيهم وقلنالهم طياره راحت .. الشخص نفسه حجزلنه عن طريق طيران السعودي ويوم وصلنه للبلاد بسلامه دفعناله ...

لــــــــــــــــــــــــــــــكن ماتوقعت مكة جذاااا ... فديت الكعبه ولله من الفرحه ماعرف شقووول خاصه صلاة الفجر ... انس قبلها بساعه .. راحه راحه ...

الله يسامحج عيون السواهي ... شكلي بزورها فالصيف بإذن الله ^.^

__________________________________________________ __________

>>>> الرد الخامس :

المشاركة الأصلية كتبت بواسطة فساتين عرايس
انا السبت هذا رديت من العمره وكانت اول عمره لي انا وريلي طلعنا يوم الخميس الصبح من بوظبي على مطار دبي - الطيران السعودي (( لأنه كنى حاجزين الاتحاد لكن للأسف وصلنا المطار متأخر وطارة الطياره خخخخخخههههه لا ونحن ساكنين عدال مطار بوظبي >.< )) كانت رحله مريحه الحمدللة .. وحجزنه في أبراج زمزم عن طريق حملة البطين جزاهم الله خير معاملتهم وخدمتهم أكثر من ممتازه .. اتصلنه فيهم وقلنالهم طياره راحت .. الشخص نفسه حجزلنه عن طريق طيران السعودي ويوم وصلنه للبلاد بسلامه دفعناله ...

لــــــــــــــــــــــــــــــكن ماتوقعت مكة جذاااا ... فديت الكعبه ولله من الفرحه ماعرف شقووول خاصه صلاة الفجر ... انس قبلها بساعه .. راحه راحه ...

الله يسامحج عيون السواهي ... شكلي بزورها فالصيف بإذن الله ^.^






ههههههه فديت روحج أنا بعد سرتها بطيران
السعوديه قبل 6 شهور وسكنا فأبراج زمزم
بس كانت المره التاسعه اللي أعتمر فيها..
قولوا ماشاء الله...
وبصراحه بوالشباب كل ما يقولي نبغي نسافر
أقوله العمره..
سبحان الله راحه نفسيه لا تووووووصف..