عنوان الموضوع : ساعدوني................شو أختار؟؟؟ تعليم الامارات
مقدم من طرف منتديات الضمير العربي
مرحبا بنات
إن شاء الله السنه بدخل بنتي KG1 ومب عارفه شو اختار من المدارس:
النهضة
الشويفات
اللؤلؤة................اتصلت فيهم وقالتلي فل من شهر 2
الاتحاد................اتصلت فيهم وقالولي اكتفينا بتسجيل الأخوة فقط
يعني ماباقي الا النهضة والا الشويفات.......ابوها يبا النهضة لأن بنات عمتها فيها وأنا ابا الشويفات لأني شفت يهال دارسين فيها وماشاء الله على الانجليزي عندهم توووب
انتوا شوووووووووووو رايكم؟؟؟
واذا عندكم مدارس ثانية في بوظبي مجربينها............لاتبخلون علي
اترياكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أختي وايد تأخرتي كان المفروض من شهر واحد تسجلينها، أنا بنتي من شهر واحد سجلتها في اللؤلؤه بس كانت فل وكلموني قالولي انهم بيسجلونها في مدرسة المنى هاي مدرسه تابعه للدار ونفس نضام اللؤلؤه بالضبط وبعد تخيلي الحمد لله قبلو بنتي لأن 500 طالب كانو في الويتنق لست.
أما بالنسبه للمدارس أنا اقول احسن تسجلين بنتج في الشويفات لأنها أقوى عن النهضه بوايد
__________________________________________________ __________
>>>> الرد الثاني :
والله ماعرف . . !
بسس ,,
انشا الله البنات يفيدونج
__________________________________________________ __________
>>>> الرد الثالث :
الشويفات وايد اوكي في الانغلش
__________________________________________________ __________
>>>> الرد الرابع :
لطوف................مدرسة المنى خلص التسجيل فيها والا بعده؟؟؟
المندوس............مشكورة الغالية
حصه المرزوقيه........وانا بعد قلت الشويفات اقوى بشاور ابوها وبشوف
__________________________________________________ __________
>>>> الرد الخامس :
أنا مسجله ولدي من أول شهر 3 ودقولي شهر 4 وقالولي فل ماشي مكان...واللحين أدورله مدرسه ثانيه لأني ماسجلته إلا في شويفات وتوقعت ينقبل بس يمكن يبون واسطه والله أعلم
رد مع اقتباس
