عنوان الموضوع : اليتيمه خليجي
مقدم من طرف منتديات الضمير العربي
[قصيده عجبتني كثير واتمنى تعجبكم
بس للاسف موعارفه لمين
.
اليتيمة
جتني تقول إشفيك ! ليه إن شفتني ترتاب؟
مو حلوة أنا فعينك! عيل قالوا علي زينة
جتني وشايلة معها سلة أسئلة وعتاب
شاعر والحكي معسول وقلبك م العشق وينه
أنا وشعاد ينقصني؟لعصفك ما لقيت أسباب!
ما بي شي يتعيب ولا لي سمعة شينة
أنا في ذمتك يعني وش اللي بخلقتي ينعاب؟
أنا ماني مثل نورة وليلى وريم وزوينة؟
كاني وقفت وشوف تفاصيل الجسم جذاب
طويلة والخصر مهضوم وحسني فاق تكوينه
وعيني بالنظر تسحر ورمس العين والأهداف
ملامح كلها تبهر كل من ينظر بعينه
وشعري فارع طوله حريري عالمتن منساب
ما لافه أبد سشوار وطبيعي حيل تلوينه
تصدق علبة المكياج بغرفتي ما غدت تنجاب
وشريت البارحة وحدة عشان أحطها زينة
إنسمع بالمثل لي قال مادح نفسه وكذاب
لكن كافي جدامك مثل ورد افبساتينه
ومع ذلك بتستغلى فيني كلمتين إعجاب
وأنا لو منك اسمعهم يحس قلبي بطمأنينة
ولعلمك لو مشيت هناك تتكسر كثير رقاب
تشوف الكل يتلفت ويهمس بينه وبينه
مع إني لابسة شيلة وعباية وع وجهي نقاب
لكن لامشيت أفتن كما خيل فميادينه
وش اللي عاد ما يعجب جنابك قول لا تغتاب
أبيك تقولها بوجهي ولو هي ما هي ابهينة
وإذا كان السبب فقري فقيره وما علي عتاب
قسم الأرزاق سبحانه ونصيبي عاد مسكينة
أنا مالي رصيد افبنك ولا أصلا فتحت حساب
وأبويه عايش يومه وع باكر ربه يعينه
لكن عاد رباني بكرامة وحشمة الجلباب
وقال إن الفرايض خمس وذا واجب تأدينه
أنا بنت الفقير اللي ملك عالم بدون كتاب
وأنا بنت الملك يلي عجز يوفي ربع دينه
نعم همي فقط إنك تجي مرة وتدق الباب
وتطلب إيدي من أمي بشريعة ربي ودينه
ترا الوالد تعيش أنته توفى وما لنا أقراب
يتيمة عاد أنا دونه عسى ربي يرحمه فطينه
لكن بس أبي تعرف كثير حولي الخطاب
ومو ذنبي عشقتك أنت لي قلب ما لي اثنينه
أنا لو قلت أبا مهري عروبة ما بها أجناب
فلا يبقى بأرض القدس يهودي مو على دينه
وتنهض بأهلها بغداد تطيح بأرضها أشناب أنا لو قلت ذا مهري لقال الكل تسوينه
أنا أستاهل ذهب وزني أصيلة ومن نسل أنجاب
ومنهو عاد يستخسر في وحده مثلي ألفينه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
قصيدة راائعه
يعطيك العاافيه على النقل
لاعدمنااك
__________________________________________________ __________
>>>> الرد الثاني :
همس الشفاااااااااااااااااااااااااااااااايف
يعطيك العافيه على النقله
الرااااااااااااااااااااااائعه
تقبلي تحياااااااتي
__________________________________________________ __________
>>>> الرد الثالث :
قصيدة رائعه يعطيكي العافيه
__________________________________________________ __________
>>>> الرد الرابع :
قصيده رائعه
يسلموووووووووووووووووووووووو
__________________________________________________ __________
>>>> الرد الخامس :
كلمات روووووووووووووعه
ونقل جميل
اتمنى لك التوفيق
رد مع اقتباس
