عنوان الموضوع : معناتي ويا الملابس وكويها اشغال سهلة
مقدم من طرف منتديات الضمير العربي

هلا بنات شحالكم موضوعي من العنوان مبين

بنات والله دووم اتغربل ويا الثياب يعني اذا غسلت الثياب وهاذا بروحه مشوار اوني شاريه غساله اوتو ماتيك وماعرف استعملها . المهم نشفن الملابس اشلهم وبعدين شو اسوي

اخليهم فالسله بمجرد اني اوني ببدا اكوي قطعه احس باحباط ,,,>>>اختكم تكره الكوايه او بالاصح ماعرف اكوي اذا مسكت الكوايه لازم احترق ولا القطعه اللي اكويها ماتكون مرتبه يعني اذا حد شافها بيحسها اصلا مش مكوايه !!

عطوني حل متغربله ويا هالثياب تخيلو ساعات اغسل واخلي الثياب واغسل واخلي الثياب واغسل واخلي الثياب يلين فجاءه دشيت حجرة الكواي لقيت جبل من الملابس الغير مكويه اهى اهى

حسيت شوي بنجلط قلت |: اويه متى تيمعت هاي الثياب كلها ويلست اصيح تحت كومـــــة الثياب والمصيبه مافي شي نلبسه ............... يافضيحه =(

وشوي ويدش ريلي يحليله يلس يواسيني واللهـ لو انا منه بشرد من المنظر اهى اهى



ساعدني وكوا الثياب وياي صح نصهم مكويين ونصهم محد شاااف بس يالله المهم رتبناهم

لين وصلت بشكارتي اونه مشتغله فالبحرين سنتين طلعت ماتعرف تكوي !! ناويه اسفرها هاليومين تبا موبايل ومادري شوو

عطوني طريقه كيف اسوي المشكله عندي بنوتها عمرها اربع شهور تيلس تصيح وتصيح

والبيت صح ثلاث غرف وصاله وحمامين بس دووم اشوفه فوضى حتى لو رتبت من خمس دقايق

طفروني هاليهال الا هم بنتين بس مشاء الله فوضوين بموت تعبت والبشكاير خلاص ذاك زمنٌ وولى احين اشوفهن مستويات قويات عين اللي تبا موبايل واللي تبا تلبس جنز واللي تبا تسير السوق اروحها

يالله ساعدوني تكفوووون

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الغالية ولا تزعلييييييييييييييييين
اتبعي الخطوات الي بقولك عليها و ان شاء الله بتتغير حياتك للأفضل
اول شي لازم تعرفين انها فترة و بتعدي حتى انا الحمد لله عندي 3 أطفال و كلهم صغار تحت 4 سنين و ما شي خدامة
الموضوع يباله شوية ترتيب
أول شي و هو المهم المواضبة على الصلاة في وقتها يعني الفجر تقومي في وقته توضي و صلي بعد الصلاة لا تنامين بس يومين او ثلاثة بالاسبوع باقي الايام عادي لو تبين ترجعين للنوم بعد الصلاة عادي ممكن
المهم يوم تقومين الصبح أنا صراحة ابتدي من المطبخ انظفه كاااااااااااااااااامل و الثلاجة و الفرن.........الخ
و اجهز ريوق عيالي و اطلع الدجاج من الثلاجة و انقعه في ماي و ليمون وملح اكون طحنتهم في الخلاط و اسير ايرقهم لما اخلص ارجع الصحون للمطبخ اغسلهم و رتبهم و اسوي الاكل اخليه فوق النار و اسير الله يعزك الحمام اغسل الملابس اكون جمعتهم ابتدي بالابيض و انشفهم و احطهم في كلوركس مع بيكنغ بودر مال الحلويات و ماي حار و اخليهم ناقعين في سطل و اغسل الملونين المهم ارجع اشطفهم و انشر يوم ينشفون اجمعهم لليوم الثاني الي بقوم في الفجر عشان اكويهم في هدوء و عيالي راقدين طبعا استفدت من خبرات الاخوات في التدبير المنزلي في منتديات اخرى جزاهم الله كل خير بحيث حطيت ورق الالمنيوم تحت الغطا الي نكوي عليه عشان لما يحر ورق الالمنيوم بفعل حرارة الكواية تسرررررع الكوي و بعد سويت بخاخ اشتريته ب 6 دراهم فاضي حطيت فيه ماي و كمفورت الازرق ريحته حلوة ارج العلبة و ارش على الملابس قبل الكوي صدقيني بتكوين بسررررررررررررررررررعة و في طريقة ثانية في ملابس انا ما اكويهم مثل الفنايل عشان ما اكثر علي الكوي لما اطلعهم من النشافة احطهم على مخدة و اسرحهم بإيدي بعدين انشرهم
و اااااااااااااااهم شي الاستغفااااااااااااااااااااااااار و ذكر الله و انتي تشتغلين و الله انه عجيييييييييييييييييييييييييب كأن سبحان الله حد يساعدك في شغل البيت جربي و ردي علي ملاحظة ((طبعا عيالي يصيحون و يشاغبون يعني اهتم في العيال و انا ارتب و اغسل عاااااااااااااااااادي و ساعات اعصب ))
اتمنى اكون افدتك

__________________________________________________ __________

>>>> الرد الثاني :
انا عن نفسي يوم ما كانت عندي شغاله وعيالي ثنين اقل عن سنتين

من ناحية الكوي كنت اكوي بس ريلي الله يحفظه اما ثيابي وثياب عيالي اربعها والي محتاجه كوي اكويهم قبل لا ياخذون شور لو محتاجه كوي

لان والله تعب كم بنكوي ؟؟؟

ومعلومه .. الغساله الاتوماتك وااايد تقرفس الثياب كويانها يكون صعب لا تنشفينها تنشيف كامل خليها على 40

ومن ناحية ترتيب البيت العيال بالمره ما يخلون شي مرتب , عندج 3 غرف خلي غرفه لالعابهم بس خليها امنه وممنوع شي يطلع الصاله الا جان لعبه ولا لعبتين وحاولي تعلمينهم الي يوسخ شي بروحه يشل اغراضه ^^

والله يعينج حبوبه

__________________________________________________ __________

>>>> الرد الثالث :
يزاكم الله خير وماقصرتوو..

__________________________________________________ __________

>>>> الرد الرابع :


__________________________________________________ __________

>>>> الرد الخامس :