عنوان الموضوع : أي وحده مركبة تقويم أدش ضروري
مقدم من طرف منتديات الضمير العربي

مرحبا بنات
أشحالكم
عساكم بخيييييير


بنات يوم تسيرون للدكتور عشان يحز أسنانكم تعوركم أسنانكم ألي قدام وألا ألي ورا " الطواحن "؟

بصراحة أنا كل ما أسير له يحزها تعورني أسناني ألي ورا خاصة ألي مدور فيها الصفيحة المعدنيه !! ومن قدام أبداااا ما تعورني !!

وسؤال ثاني أنتو كل أسبوعين وإلا كل ثلاث اسابيع وإلا كل أربع أسابيع تسيرون للدكتور عشان يحز الأسنان ؟ وكم ياخذ عنكم ع كل حزه ؟


وشي آخر وأخير الفتحات متى بتتسكر أنا صار لي مركبة التقويم شهرين ولين الحين الفتحات موجوده ما نقص منها شي ؟



وجزاكم الله خيرااااااااا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
للللللللرفع

__________________________________________________ __________

>>>> الرد الثاني :
الغاليه ... طبيعي الاسنان اللي ورا بتعورج ... واللي جدام بعد لازم تعورج لانها بترجع على ورا ... واذا ما عورتج و ماتحسين ان اسنانج اللي جدام ترجع راجعيه لانه يمكن امدخل السيم بشكل غلط ... والفتحات انشالله بتسكر حسب عمر لواحد و طبيعه الاسنان بس شهرين حبووبه مده مب كفايه .. المده اتكون من سنه واعلى حسب الظرس اش كثر محتاج انه يرجع و يستوي اوكي

__________________________________________________ __________

>>>> الرد الثالث :
الاسنان لي ورا بتعورج في البدايه من الرص بس بعدين بيروح الالم والفتحات يعتمد على عددها وكبرها بس بتتسكر انا مركبه التويم من سنه وسهرين وكل الفتحات تسكرت وكنت ارصه كل شهر مره

__________________________________________________ __________

>>>> الرد الرابع :
أشكر ألي مروووووو ع موضوعي

وللللللرفع


أبا المزيد من الآرااء

__________________________________________________ __________

>>>> الرد الخامس :
السلام عليكم ورحمة الله وبركاته

هلا اختـــي



شـــي طبيعي ما بتلاحظين ان اسنانج تسكرت لانج حاطة التقويم من شهرين
يمكن الدكتور قالج يبالج سنة أو أكثر ..
انا مثلاً قالي يبالي سنتين .. طافن سنة وأربع شهور ... تسكرن كلهن باقي
اثنينه بعدهن ..
موضوع الالم والعوار بعد عادي وصدقيني بتعودين عليه .. بمرور الوقت
وهو صح بيعورج اول ثلاث ايام ويمكن ما تقدرين تأكلين مثل أول .. الا الاشياء
الناعمة مثل الشوربة .. الروب مع العيش .. بس شوي شوي بتعودين..

بالسلامة غناتـــي