عنوان الموضوع : ما هاينة علي ربيعتي .. حذرنا من الخدامات يا حريم
مقدم من طرف منتديات الضمير العربي

ببدأ لكم الموضوع ع طول ..

انا ساكنة عند اهل ريلي ، ومن فترة سافرت الخدامه ، وكانوا مقدمين على خدامه قبل بشهر .. المهم يوم وصلت الخدامة اليديدة ما طاعت تيلس ( بطرة ) ..
المهم المكتب قالوا لنا أخذوا اي خدامه عادي ( من المرجعات طبعا )
وعاد عمتي قالت تبا وحدة مشتغلة احس لها ..

المهم أللي خذوها كانت مشتغلة عند ربيعتي فالدوام ( وهم ما يعرفون ) .. و مرجعتنها المكتب عشان أكتشفت انها تكلم واحد وما قالت لها شيء عشان ما تسوي شيء بالعيال ، يوم خلصت أوراق الخدامه اليديده رجعتها المكتب بدون لا تقول لها شيء ..
__
المهم يأت عند عمتي نص يوم بس ، ما طاعت تيلس لان عمتي شرطت عليها قالت لها ما شيء تلفون ، وف هذاك النص اليوم فتت العلوم كلهن،، تربي عيالها و تسير عند امها لان بيتهم مجابل بيت امها و شو تسوي وكل شيء ،، الخ ..
__
ويبوا واحدة ثانية و يلست بس حتى هاي اليديدة فتت علوم البيت اللي كانت تشتغل فيه كلهن .. وامس كانت اسوالف عند عمتي و قلت لها هذا عيب الخدامات اللي مرجعت ما يخلن شيء عن البيت اللي كان يشتغلن فيها ..
وصدمتني عمتي ، وقالت تعرفني عيل هذيج شو قايلة ع ربيعتج ..
اونه رجعتها المكتب لان ربيعتي تيب ريال عنها البيت ، ورجعتها عشان ما تتكلم وتخبر اهلها
حسبي يالله عليج شو تبين الحرمة تتكلمين عن شرفها .. والمشكلة حسيت ان عمتي مصدقة ، و انها تعرف اهل ربيعتي ..

---------

ما اقدر اقول حق ربيعتي كلام اللي تقوله خدامتها عنها .. لكن بنصحها تسفرها ، برأيها تزول، تخسر فلوسها فيها ، و لا تخسر سمعتها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حسبي الله ونعم الوكيل

__________________________________________________ __________

>>>> الرد الثاني :
حسبي الله ونعم الوكيل على هل الخدم اللي ما يخافون ربهم ...

__________________________________________________ __________

>>>> الرد الثالث :
الله المستعان

__________________________________________________ __________

>>>> الرد الرابع :

المشاركة الأصلية كتبت بواسطة حياة التميمي
خيييييبه تخيبه
ماحصلت شي ترمس به الا الشرف

اسمحيلي
مالوم الخدامه
اللوم اللي يسمعها
لو انها اول مابدت تقرقر . . عطتوها كف على ويها جان مابتتكلم عن حد
وترا اليوم قالت لج باجر تقول عليج

اكررررره البني ادم اللي يتكلم على غيره

اف عصبت اللحين انا X-(



يا أختي صدقج .. حسبي يالله عليها .. و على هالنوع من الخدامات ..شفت بشاكير لكن جي ما شفت .. بالعادة يقولن شو كان يشتغلن .. ومرات يذكرن أسماء الناس اللي يشتغلون عندهم بس ما يذكرنهم بسوء !! و لا شيء يضر سمعتهم خاصة ان كانوا من نفس البلاد

__________________________________________________ __________

>>>> الرد الخامس :
استغفر الله العظيم مب زين تتكلمون على الحرمة ومخلينها غافلة عن الي يصير روحي خبريها وخلها تي تواجه الخدامة وتوديها الشرطة خل تتادب مب على كيفها تسب حريم الناس
وبعدين عمتج من كل عقلها تصدق هالخدم اكثرهن كذوبات ما منهن فايدة